ଏହି ଜିନିଷକୁ ଘରର ଦକ୍ଷିଣ ଦିଗରେ ରଖନ୍ତୁ ନାହିଁ!

ବାସ୍ତୁଶାସ୍ତ୍ର ଅନୁସାରେ ଦକ୍ଷିଣ ଦିଗକୁ ପିତୃପୁରୁଷଙ୍କ ଦିଗ କୁହାଯାଏ ଏବଂ ଏଠାରେ ଏପରି ଜିନିଷ ରଖିବା ଦ୍ୱାରା ପରିବାର ସଦସ୍ୟଙ୍କ ଉପରେ ପିତୃଦୋଷ ଲାଗିପାରେ । ବାସ୍ତୁ ଅନୁସାରେ ଦକ୍ଷିଣ ଦିଗର ଉପାଦାନ ହେଉଛି ଅଗ୍ନି ଏବଂ ଅଗ୍ନିର ସୂଚକ ହେଉଛି ଲାଲ ରଙ୍ଗ । ତେଣୁ ଦକ୍ଷିଣ ଦିଗ ଲାଲ ରଙ୍ଗ ସହିତ ଜଡିତ ।  ଏହି ଦିଗ ଗ୍ରୀଷ୍ମ ଋତୁ ସହିତ ମଧ୍ୟ ଜଡିତ । ଉଭୟ ଅଗ୍ନି ଏବଂ ନାଲି ରଙ୍ଗ ଗ୍ରୀଷ୍ମ ସମୟରେ ଅଧିକ ସମୃଦ୍ଧ ହୋଇଥାଏ । ଦକ୍ଷିଣ ଦିଗରେ ଲାଲ ରଙ୍ଗ କରିବା କିମ୍ବା ଲାଲ ରଙ୍ଗର ଜିନିଷ ରଖିବା ଏହି ଦିଗ ସହିତ ଜଡିତ ଉପାଦାନଗୁଡ଼ିକ ପାଇଁ ଶୁଭ ଫଳାଫଳ ଦେଇଥାଏ ।

ଯେହେତୁ ଏହି ଦିଗଟି ଘରର ମଝିଆ ଝିଅ ସହିତ ମଧ୍ୟ ଜଡିତ । ତେଣୁ ଦକ୍ଷିଣ ଦିଗକୁ ଲାଲ ରଙ୍ଗ କରିବା ସହିତ ଅଗ୍ନି ସମ୍ବନ୍ଧୀୟ ଜିନିଷ ରଖିବା ଦ୍ୱାରା ଘରର ମଝିଆ ଝିଅର ବହୁତ ଲାଭ ହୋଇଥାଏ । ବାସ୍ତୁଶାସ୍ତ୍ର ଅନୁଯାୟୀ ଶରୀରରେ ଏହି ଦିଗ ଆଖି ସହିତ ଜଡିତ। ତେଣୁ ଯଦି ତୁମର ଆଖି ସହିତ ଜଡିତ ସମସ୍ଯା ବାରମ୍ବାର ଦେଖାଯାଉଅଛି ତେବେ ବାସ୍ତୁ ଅନୁସାରେ ତୁମେ ତୁରନ୍ତ ଏହାର ପ୍ରତିକାର କରିବାର ଆବଶ୍ୟକତା ରହିଛି ।

ଏହି ଜିନିଷକୁ ଘରର ଦକ୍ଷିଣ ଦିଗରେ ରଖନ୍ତୁ ନାହିଁ

ଯନ୍ତ୍ର: ଇଲେକ୍ଟ୍ରୋନିକ୍ ଜିନିଷ ଏବଂ ଯନ୍ତ୍ରଗୁଡ଼ିକୁ ଘରର ଦକ୍ଷିଣ ଦିଗରେ ରଖିବା ଉଚିତ୍ ନୁହେଁ | ଏହି କାରଣରୁ ପରିବାର ମଧ୍ୟରେ ଥିବା ସମ୍ପର୍କରେ ଦୂରତା ଦେଖାଯିବା ଆରମ୍ଭ କରେ ।

 ପୂଜା ଘର: ପୂଜା ଘରକୁ ସର୍ବଦା ଘରର ଉତ୍ତର-ପୂର୍ବ ଦିଗରେ ରଖିବା ଉଚିତ୍ । ଭୁଲରେ ମଧ୍ୟ ପୂଜାଘରକୁ ଘରର ଦକ୍ଷିଣ ଦିଗରେ ରଖନ୍ତୁ ନାହିଁ । ଏହିଦ୍ଵାରା  ତୁମେ ପୂଜାପାଠର ଫଳାଫଳ ପାଇବ ନାହିଁ ଏବଂ ତୁମର ମାନସିକ ମଧ୍ୟ ପୂରଣ ହେବ ନାହିଁ ।

 ଶୟନ କକ୍ଷ: ବାସ୍ତୁ ଅନୁସାରେ ଦାମ୍ପତ୍ୟ ଜୀବନକୁ ଠିକ ରଖିବାପାଇଁ ଶୋଇବା ଘରର ଭୂମିକା ଅତ୍ୟନ୍ତ ମହତ୍ୱପୂର୍ଣ । ଶୋଇବା ଘରରକୁ କେବେବି ଘରର ଦକ୍ଷିଣ ଦିଗରେ ରଖନ୍ତୁ ନାହିଁ । କେବଳ ଏହା ନୁହେଁ ଶୋଇବା ଘରେ ଥିବା ଶଯ୍ୟା ମଧ୍ୟ ଦକ୍ଷିଣ ଦିଗରେ ରହିବା ଉଚିତ୍ ନୁହେଁ । ଏହା ସ୍ୱାମୀ-ସ୍ତ୍ରୀଙ୍କ ସମ୍ପର୍କକୁ ନଷ୍ଟ କରିଦିଏ ଏବଂ ଅନିଦ୍ରା ଜନିତ ରୋଗ ସୃଷ୍ଟି କରିପାରେ ।

 ଜୋତା ଚପଲ: ବାସ୍ତୁ ଅନୁଯାୟୀ ଜୋତା ଚପଲ କିମ୍ବା ଜୋତା ଥାକ ଘରର ଦକ୍ଷିଣ ଦିଗରେ ରଖିବା ଉଚିତ୍ ନୁହେଁ । ଏହା ପୂର୍ବପୁରୁଷମାନଙ୍କୁ ଅପମାନିତ କରେ ।  ଆହୁରି ମଧ୍ୟ, ଛୋଟ ଛୋଟ ବିଷୟକୁ ନେଇ ବିବାଦ ଦେଖାଦେଇଥାଏ ଏବଂ ଘରର ସୁଖ ଏବଂ ଶାନ୍ତି ନଷ୍ଟ ହୋଇପାରେ ।

 ତୁଳସୀ ଗଛ: ଯଦି ଘରେ ତୁଳସୀ ଗଛ ଅଛି ତେବେ ଏହାକୁ ଦକ୍ଷିଣ ଦିଗରେ ରଖନ୍ତୁ ନାହିଁ ।  ଏହା ହେଉଛି ପିତୃପୁରୁଷଙ୍କ କୋଣ ଏବଂ ଏଠାରେ ତୁଳସୀ ଗଛ ଲଗାଇବା ଦ୍ୱାରା ଲାଭ ଅପେକ୍ଷା କ୍ଷତି ହେବାର ସମ୍ଭାବନା ଅଧିକ ହୋଇଥାଏ ।