ଟ୍ରାକ୍ଟର ଧକ୍କାରେ ଯୁବକ ମୃତ
Henamanjaree Swain
ସୋର ବ୍ଲକ ମୁଳିଶିଂ ପଞ୍ଚାୟତ ମୂଳିଶିଂ ଗ୍ରାମରେ ଟ୍ରାକ୍ଟର ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଯାଇଥିବା ଜଣାପଡିଛି । ଏହି ଗ୍ରାମର ଗୋରା ରାଉତଙ୍କ ଘରେ ନୀଳଗିରି ଥାନା ବାଲିଆଝର ଗ୍ରାମର ଫୁମ୍ପୁଲୁ ସିଂ(୪୮) ରହି ଟ୍ରାକ୍ଟର କାମ କରୁଥିଲେ । ତେବେ ପୂର୍ବାହ୍ନରେ ଚାଳକ ଜଣଙ୍କ ଟ୍ରାକ୍ଟର ନେଇ ହଳ କରିବାକୁ ଯାଉଥିବା ବେଳେ ଫୁମ୍ପୁଲୁ ଟ୍ରାକ୍ଟରରେ ବସିବା ବେଳେ ଅସାବଧାନତାବଶତଃ ତଳକୁ ଖସି ପଡ଼ିଥିଲେ । ଏହା ଦେଖି ଟ୍ରାକ୍ଟର ଚାଳକ ବ୍ରେକ ମାରିବାରୁ ଟ୍ରାକ୍ଟର ତାଙ୍କ ମୁଣ୍ଡକୁ ଧକ୍କା ଦେଇଥିଲା । ଫଳରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ସୋର ଡାକ୍ତରଖାନାକୁ ଆଣିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅପରାହ୍ନରେ ଏ ବାବଦରେ ଫୁମ୍ପୁଲୁଙ୍କ ପରିବାର ଲୋକେ ସୋର ଥାନାରେ ଅଭିଯୋଗ କରିବା ପରେ ପୁଲିସ ୨୨୫/୨୫ ରେ ଏକ ମାମଲା ରୁଜୁ କରି ମେଡିକାଲରେ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିବା ସହିତ ଘଟଣାର ତଦନ୍ତ ଆରମ୍ଭ କରିଛି । ତେବେ ପୁଲିସ ଟ୍ରାକ୍ଟର ମାଲିକ ଗୋରା ରାଉତକୁ ଥାନାରେ ଅଟକ ରଖିଛନ୍ତି ।
