ମାଣ୍ଡିଆ ରୁଟି ସେବନ କରନ୍ତୁ!

ମାଣ୍ଡିଆ ଏକ ପୁଷ୍ଟିକର ଖାଦ୍ୟ ଅଟେ।ଏହାର ଅନେକ ଔଷଧୀୟ ଗୁଣ ରହିଛି । ମାଣ୍ଡିଆ ରେ ପ୍ରଚୁର ପରିମାଣରେ ଭିଟାମିନ- ଡି ଏବଂ କ୍ୟାଲସିୟମ୍ ଥାଏ, ଯାହା ହାଡକୁ ମଜବୁତ କରିବାରେ ସାହାଯ୍ୟ କରିଥାଏ। ମାଣ୍ଡିଆ ରୁଟିରେ ଥିବା ଫାଇବର ଓଜନ ହ୍ରାସ କରିବାରେ ସହାୟକ ହୋଇଥାଏ। ମାଣ୍ଡିଆରୁ ପ୍ରସ୍ତୁତ ରୁଟି କୁ ଦୈନନ୍ଦିନ ଖାଦ୍ୟରେ ଅନ୍ତର୍ଭୁକ୍ତ କରିବା ଦ୍ୱାରା ଶରୀରକୁ ପ୍ରଚୁର ପୋଷାକ ତତ୍ତ୍ଵ ମିଳିଥାଏ। ଉତ୍ତମ ସ୍ୱାସ୍ଥ୍ୟ ପାଇଁ ଏହା ଅତ୍ୟନ୍ତ ଲାଭଦାୟକ ଅଟେ। ସ୍ତନ୍ୟପାନ କରାଉଥିବା ମହିଳାମାନଙ୍କ ପାଇଁ  ଏଥିରେ ଥିବା ପୋଷକ ତତ୍ତ୍ୱ  ଲାଭଦାୟକ ଅଟେ । ଏହା ଶରୀରକୁ ଉଷ୍ମ ରଖିବାରେ ସହାୟକ ହୋଇଥାଏ, ଯାହା ଶୀତଦିନ ପାଇଁ ବହୁତ ଲାଭଦାୟକ ଅଟେ ।

ପ୍ରାୟତଃ  ଦେଖାଯାଏ ଯେ ଲୋକମାନେ ଓଜନ ହ୍ରାସ କରିବାକୁ ବହୁତ କଠିନ ପରିଶ୍ରମ କଲେ ମଧ୍ୟ ସୁଫଳ ମିଳିନଥାଏ | ସକାଳ ଏବଂ ସନ୍ଧ୍ୟାରେ ନିୟମିତ ବ୍ୟାୟାମ କରିବା ପରେ ମଧ୍ୟ ଓଜନ ହ୍ରାସ ହୁଏ ନାହିଁ । ଏପରି ପରିସ୍ଥିତିରେ, ମାଣ୍ଡିଆ ରୁଟି ସେମାନଙ୍କ ପାଇଁ ଉପଯୋଗୀ ସାବ୍ୟସ୍ତ ହୋଇପାରେ। କାରଣ ଏଥିରେ ପ୍ରଚୁର ପରିମାଣର ଫାଇବର ଥାଏ, ଯାହା ଓଜନ ହ୍ରାସ କରିବାରେ ସହାୟକ ହୋଇଥାଏ। ମାଣ୍ଡିଆ ରେ ଥିବା ଫାଇବର ଦୀର୍ଘ ସମୟ ପର୍ଯ୍ୟନ୍ତ ଶରୀରକୁ ଶକ୍ତି ପ୍ରଦାନ କରିଥାଏ ଏବଂ କ୍ଷୁଧାକୁ ଦୀର୍ଘ ସମୟ ପର୍ଯ୍ୟନ୍ତ ହ୍ରାସ କରିଥାଏ।ଯେଉଁମାନେ ଓଜନ ହ୍ରାସ କରିବାକୁ ଚାହୁଛନ୍ତି ସେମାନଙ୍କ ପାଇଁ ମାଣ୍ଡିଆ ରୁଟି ଏକ ଉତ୍କୃଷ୍ଟ ଖାଦ୍ୟ। କ୍ୟାଲସିୟମ ଏବଂ ଭିଟାମିନ୍- ଡି ହାଡ଼କୁ ମଜବୁତ କରିବାରେ ସାହାଯ୍ୟ କରିଥାଏ।  ମାଣ୍ଡିଆ କ୍ୟାଲସିୟମ ଓ ଭିଟାମିନ- ଡି ର ଏକ ଉତ୍କୃଷ୍ଟ ଉତ୍ସ।ଏହା ଅଷ୍ଟିଓପୋରୋସିସ୍ ଭଳି ସମସ୍ୟାରୁ ମଧ୍ୟ ରକ୍ଷା କରିଥାଏ |ମାଣ୍ଡିଆ ରୁଟି ଖାଇବା ଶୀତଋତୁରେ ଶରୀର ପାଇଁ ଅଧିକ ଲାଭଦାୟକ ଅଟେ। କାରଣ ମାଣ୍ଡିଆ ର ଏକ ଉଷ୍ମ ପ୍ରକୃତି ରହିଛି । ଯାହା ଶରୀରକୁ ଅନେକ ଲାଭ ଦେଇଥାଏ । ସ୍ତନ୍ୟପାନ କରାଉଥିବା ମହିଳା ମାନଙ୍କ ପାଇଁ ମାଣ୍ଡିଆ ରୁଟି ଖୁବ୍ ଉପକାରୀ। ଏଥିରେ ଥିବା ପୋଷକ ତତ୍ତ୍ୱ ଉଭୟ ମା ଏବଂ ଶିଶୁର ସ୍ୱାସ୍ଥ୍ୟରେ ଉନ୍ନତି ଆଣିବାରେ ସାହାଯ୍ୟ କରିଥାଏ ।ମାଣ୍ଡିଆ ରୁଟି ରେ ପ୍ରଚୁର ପରିମାଣର ଆଇରନ୍ ଥାଏ, ଯାହା ରକ୍ତହୀନତାକୁ ରୋକିବାରେ ସାହାଯ୍ୟ କରିଥାଏ। 

ଫାଇବରରେ ଭରପୂର ମାଣ୍ଡିଆ ରୁଟି କୋଷ୍ଠକାଠିନ୍ୟ ଏବଂ ଅନ୍ୟାନ୍ୟ ହଜମ ଜନିତ ସମସ୍ୟାରୁ ମୁକ୍ତି ଦେଇଥାଏ। ଏହା ହଜମ ପ୍ରକ୍ରିୟାରେ ଉନ୍ନତି ଆଣିଥାଏ। ମଣ୍ଡିଆର ନିୟମିତ ସେବନ ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରାଇଥାଏ। ମାଣ୍ଡିଆ ରୁଟି ଖାଇବା ଦ୍ବାରା ଶରୀରକୁ ପ୍ରଚୁର ଶକ୍ତି ମିଳିଥାଏ ।ବିଶେଷତଃ ଶୀତଦିନେ ମାଣ୍ଡିଆ ର ବ୍ୟବହାର ଶରୀରକୁ ଗରମ ରଖିବାରେ ଏବଂ ଥକାପଣ କମାଇବାରେ ସାହାଯ୍ୟ କରିଥାଏ। ଏହା ଶିଶୁ, ବୃଦ୍ଧ ଏବଂ ସମସ୍ତ ବୟସର ଲୋକଙ୍କ ପାଇଁ ଲାଭଦାୟକ ଅଟେ |ମାଣ୍ଡିଆ ରୁଟିକୁ ଆପଣ ନିଜର ଦୈନନ୍ଦିନ ଖାଦ୍ୟରେ ଅନ୍ତର୍ଭୂକ୍ତ କରିପାରିବେ।ଏହା ଉନ୍ନତ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ।