ମଦରୁ ରାଜସ୍ୱ ସଂଗ୍ରହ ୭୫୬୭ କୋଟି:   ସ୍ୱୀକୃତି ପ୍ରାପ୍ତ ମଦ ଦୋକାନ କମ୍ କରିବା ପାଇଁ ଯୋଜନା ନାହିଁ

ଭୁବନେଶ୍ୱର : ଚୋରାମଦ ନିୟନ୍ତ୍ରଣ ନିମନ୍ତେ ସରକାର କଡା ପଦକ୍ଷେପ ଗ୍ରହଣ କରାଯାଉଛି । ସମସ୍ତ ସୀମାନ୍ତ ବର୍ତ୍ତି ଅଞ୍ଚଳ ଗୁଡିକ ସ୍ୱେଶାଲ ସ୍କାର୍ଡ ଦ୍ୱାରା ଘନ ଘନ ଚେକିଙ୍ଗ କରାଯାଇ ଚୋରାମଦ ନିୟନ୍ତ୍ରଣ କରାଯଉଛି ବୋଲି କହିଛନ୍ତି ଅବକାରୀ ମନ୍ତ୍ରୀ  । ସେହିପରି ପୂର୍ବ ସରକାର ଅମଳରେ ମଦ ମୃତ୍ୟୁରେ ୫୨ ଜଣ ମରିଛନ୍ତି ଭବିଷ୍ୟତରେ ଏଭଳି ଘଟଣାକୁ ନିୟନ୍ତ୍ରଣ ପାଇଁ ପଦକ୍ଷେପ ଗ୍ରହଣ କରାଯାଉଛି । ମଦ ବିକ୍ରୟରୁ ରାଜସ୍ୱ ବୃଦ୍ଧି ଘଟିଥିବା ସୂଚନା ଦେଇଛନ୍ତି । ପଶ୍ଚିମବଙ୍ଗ, ଝାଡଖଣ୍ଡ, ଛତିଶଗଡ଼ ଏବଂ ଆନ୍ଧ୍ରପ୍ରଦେଶରୁ ଓଡିଶାକୁ ଚୋରାମଦ ଚାଲାଣ ରୋକିବା ପାଇଁ ସୀମାବର୍ତ୍ତି ସଂଲଗ୍ନ ଜିଲ୍ଲାଗୁଡିକରେ ବ୍ୟାପକ ଭାବରେ ଅବକାରୀ ଚଢାଉ କରାଯଉଅଛି । ଅବକାରୀ ବିଭାଗର ବିଭିନ୍ନ ଶାଖାକୁ ନିୟୋଜିତ କରାଯାଇ ଦିନ ଏବଂ ରାତ୍ରିରେ ପ୍ରହରା ବ୍ୟବସ୍ଥାକୁ ମଜବୁତ କରାଯିବା ସଙ୍ଗେସଙ୍ଗେ ପ୍ରତି ଜିଲ୍ଲାରେ ଅବକାରୀ ପୁଲିସ, ରଜସ୍ୱ, ବନ ବିଭାଗ ଓ ସ୍ୱାସ୍ଥ୍ୟ ବିଭାଗର ମିଳିତ ଉଦ୍ୟମରେ ସ୍ପେଶାଲ ସ୍ପାର୍ଡ ମାଧ୍ୟମରେ ନିୟମିତ ଚଢାଉ କରାଯାଇ ଚୋରା ମଦ ଚାଲାଣ ରୋକିବା ପାଇଁ ଦୃଢ ପଦକ୍ଷେପ ନିଆଯାଉଛି । ବିଧାୟକ ଉପାସନା ମହାପାତ୍ରଙ୍କ ଏକ ପ୍ରଶ୍ନର ଉତ୍ତର ରଖିଛନ୍ତି ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ  । ସେହିଭଳି ଅନ୍ୟଏକ ପ୍ରଶ୍ନରେ ମନ୍ତ୍ରୀ କହିଛନ୍ତି ରାଜ୍ୟ ସରକାରଙ୍କ ସ୍ୱୀକୃତି ପ୍ରାପ୍ତ ମଦ ଦୋକାନ କମ୍ କରିବା ନିମନ୍ତେ କୌଣସି ଯୋଜନା ଏପର୍ଯ୍ୟନ୍ତ କରିନାହଁନ୍ତି । ସେହିପରି ରାଜ୍ୟରେ ସମସ୍ତ ମଦ ଦୋକାନରେ ଯେଉଁ ଏମଜିକ୍ୟୁ ରହିଛି ଏହା ଉଚ୍ଛେଦ ହେବାର କୌଣସ ପ୍ରସ୍ତାବ ସରକାରଙ୍କ ନିକଟରେ ନାହିଁ ବୋଲି ବିଧାନସଭା ପ୍ରଶ୍ନ କାଳରେ କହିଛନ୍ତି ।
ରାଜ୍ୟରେ ବର୍ତ୍ତମାନ ଦେଶୀ, ବିଦେଶୀ ଓ ଅନ୍ୟାନ୍ୟ ମଦ ଦୋକାନ ସଂଖ୍ୟା ୩୮୫୯ ରହିଛି । ଗତ ୧୦ ବର୍ଷ ମଧ୍ୟରେ ରାଜ୍ୟରେ ଏହି ସଂଖ୍ୟା ୨୦୧୪-୧୫ ରେ ୩୫୫୯ଟି ଥିବାବେଳେ ୨୦୧୫-୧୬ରେ ୩୭୪୧ଟି,୨୦୧୬-୧୭ରେ ୩୫୮୬ଟି, ୨୦୧୭-୧୮ରେ ୩୭୧୨ଟି, ୨୦୧୮-୧୯ରେ ୩୬୪୪ଟି, ୨୦୧୯-୨୦ରେ ୩୭୮୮ଟି, ୨୦୨୦-୨୧ ରେ ୩୭୪୩ଟି, ୨୦୨୧-୨୨ରେ ୩୯୨୪ଟି, ୨୦୨୨-୨୩ ରେ ୩୯୬୩ଟି, ୨୦୨୩-୨୪ ରେ ୩୯୩୧ଟି, ୨୦୨୪-୨୫ରେ ୩୮୫୯ଟି ମଦ ଦୋକାନ ରହିଛି ସେହିପରି ମଦରେ ଚଳିତବର୍ଷ ରାଜସ୍ୱ ପରିମାଣ ୭୫୬୭ କୋଟି ରାଜସ୍ୱ ସଂଗ୍ରହ କରାଯାଇଥିବା ସୂଚନା ଦେଇଛନ୍ତି ଅବକାରର୍ମନ୍ତ୍ରୀ । ଗତ ତିନି ବର୍ଷ ମଧ୍ୟରେ, ସାରା ରାଜ୍ୟରେ ମୋଟ ୧,୩୫୯ ଜଣ ବେଆଇନ ମଦ ବ୍ୟବସାୟୀଙ୍କୁ ଗିରଫ କରାଯାଇଛି ।  ମଦ ବଣ୍ଟନକୁ ରୋକିବା, ଯାହା ସ୍ୱାସ୍ଥ୍ୟ ପ୍ରତି ବିପଦ ଏବଂ ବେଆଇନ ବାଣିଜ୍ୟ କାର୍ଯ୍ୟକଳାପର ଏକ ନିରନ୍ତର ସମସ୍ୟା ହୋଇଆସିଛି ବୋଲି ମନ୍ତ୍ରୀ କହିଛନ୍ତି ।