ମଧୁମେହ ହେବାର ସଙ୍କେତ ଦିଏ ପାଦ
Rasmita Behera
ମଧୁମେହ ରୋଗ ବର୍ତ୍ତମାନ ସମୟରେ ଅଧିକାଂଶଙ୍କ ମୁଣ୍ଡ ବିନ୍ଧାର କାରଣ ପାଲଟିଛି। ତେବେ ଅନେକ ସମୟରେ ମଧୁମେହ ଆରମ୍ଭ ହେବା ନେଇ ଲୋକେ ଏହାର କିଛି ସଙ୍କେତକୁ ଜାଣି ପାରନ୍ତି ନାହିଁ। ଅଧିକ ଥକ୍କାପଣ ଅନୁଭବ ହେବା ସହ ଅଧିକ ଶୋଷ ଲାଗିବା, ବାରମ୍ବାର ପରିଶ୍ରା ଲାଗିବା ଏହା ମଧୁମେହ ଆରମ୍ଭ ହେବାର ପ୍ରାରମ୍ଭିକ ଲକ୍ଷଣ ବୋଲି କୁହାଯାଏ। ମାତ୍ର ହୁଏତ ଆପଣ ଜାଣିନଥିବେ ମଧୁମେହ ହେବାର ସଙ୍କେତ ପାଦରୁ ମଧ୍ୟ ମିଳିଥାଏ। ପାଦର ଏହି ୫ଟି ଲକ୍ଷଣ ମଧୁମେହ ହେବାର ସଙ୍କେତ ଦେଇଥାଏ। ଜାଣନ୍ତୁ..
i- ଯଦି ଆପଣଙ୍କ ପାଦରେ ନିୟମିତ ବିନା କୌଣସି କାରଣରେ ଝିମଝିମ୍ ହେଉଥାଏ, ତେବେ ମଧୁମେହ ହେବାର ଏହା ପୂର୍ବ ଲକ୍ଷଣ ହୋଇପାରେ। ଉଚ୍ଚ ରକ୍ତ ଶର୍କରା ମାତ୍ରା ଶିରାପ୍ରଶିରାକୁ କ୍ଷତି ପହଞ୍ଚାଇପାରେ। ଯାଦ୍ୱାରା ଏହି ସମସ୍ୟା ହୋଇଥାଏ।
- ହଠାତ୍ ପାଦରେ ଯନ୍ତ୍ରଣା ହେବା, ବିଶେଷ କରି ରାତି ସମୟରେ ଏଭଳି ଯନ୍ତ୍ରଣା ହେବା ମଧୁମେହ ହେବାର ପୂର୍ବ ଲକ୍ଷଣ ହୋଇପାରେ। ଖରାପ ରକ୍ତ ସଞ୍ଚାଳନ ପାଇଁ ପାଦରେ ଯନ୍ତ୍ରଣା ହୋଇପାରେ।
- ରକ୍ତରେ ଶର୍କରାର ମାତ୍ରା ବୃଦ୍ଧି ହେବା ଦ୍ୱାରା ରୋଗ ପ୍ରତିରୋଧକ ଶକ୍ତିକୁ ଦୁର୍ବଳ କରି ଦେଇଥାଏ। ଏହାଦ୍ୱାରା କୌଣସି କ୍ଷତ ପାଦରେ ହେବା ମାତ୍ରେ ଏହା ଭଲ ହୋଇନଥାଏ। ଏପରି ହେଲେ ଡାକ୍ତରଙ୍କ ପରାମର୍ଶ ନିଶ୍ଚୟ ନିଅନ୍ତୁ।
- ବିନା କୌଣସି କାରଣରେ ପାଦ ଫୁଲିଲେ, ଏହା ମଧ୍ୟ ମଧୁମେହ ହେବାର ପୂର୍ବ ଲକ୍ଷଣ ହୋଇପାରେ।
