ଜୀବନ ପାଇଁ ବିପଦ ହୋଇପାରେ ହେୟାର କଲର!

ଆଜିକାଲି ହେୟାର କଲର ବ୍ୟବହାର ନିଜ ରୂପକୁ ଆହୁରି ଆକର୍ଷଣୀୟ କରିବା ପାଇଁ ଏକ ଜନପ୍ରିୟ ଉପାୟ ହୋଇଛି। କିନ୍ତୁ ଆପଣ କ’ଣ ଜାଣିଛନ୍ତି ଯେ ପ୍ରତିଦିନ ହେୟାର କଲର ବ୍ୟବହାର ଆପଣଙ୍କ ସ୍ୱାସ୍ଥ୍ୟ ପାଇଁ ଗୁରୁତର ବିପଦ ସୃଷ୍ଟି କରିପାରେ? ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ ହେୟାର କଲରରେ ଥିବା ରାସାୟନିକ ପଦାର୍ଥ ଦୀର୍ଘମିଆଦୀ ସ୍ୱାସ୍ଥ୍ୟ ସମସ୍ୟାର କାରଣ ହୋଇପାରେ। ଆସନ୍ତୁ ଜାଣିବା ଏହାର ସମ୍ଭାବ୍ୟ ବିପଦ ଏବଂ କିପରି ସାବଧାନ ରହିବେ।

ହେୟାର କଲରରେ କ’ଣ ରହିଛି ବିପଦ?

ହେୟାର କଲରରେ ଅନେକ ରାସାୟନିକ ପଦାର୍ଥ ଯେପରିକି ପାରା-ଫେନାଇଲେନେଡାଇମାଇନ (PPD), ଆମୋନିଆ, ହାଇଡ୍ରୋଜେନ ପେରୋକ୍ସାଇଡ ଏବଂ ରେସୋର୍ସିନୋଲ ଆଦି ବ୍ୟବହୃତ ହୁଏ, ଯାହା ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ। ଏହି ରାସାୟନିକ ପଦାର୍ଥଗୁଡ଼ିକ ମୁଣ୍ଡତ୍ୱଚା ମାଧ୍ୟମରେ ଶୋଷିତ ହୋଇ ରକ୍ତପ୍ରବାହରେ ମିଶିପାରେ କିମ୍ବା ଶ୍ୱାସକ୍ରିୟା ମାଧ୍ୟମରେ ଶରୀରରେ ପ୍ରବେଶ କରିପାରେ। ଗବେଷଣା ଅନୁସାରେ, ଏହି ରାସାୟନିକ ପଦାର୍ଥ ନିମ୍ନଲିଖିତ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ:

 କେତେକ ଗବେଷଣାରେ ହେୟାର କଲରରେ ଥିବା ରାସାୟନିକ ପଦାର୍ଥ, ବିଶେଷତଃ ଆରୋମାଟିକ ଏମାଇନ ଏବଂ PPD, ବ୍ଲାଡର କ୍ୟାନସର, ବ୍ରେଷ୍ଟ କ୍ୟାନସର, ନନ-ହଜକିନ ଲିମ୍ଫୋମା ଏବଂ ଲିଉକେମିଆ ଭଳି ରୋଗର ଆଶଙ୍କା ବଢ଼ାଇପାରେ। ବିଶେଷକରି ଯେଉଁମାନେ ନିୟମିତ ଭାବେ ପାର୍ମାନେଣ୍ଟ ହେୟାର କଲର ବ୍ୟବହାର କରନ୍ତି, ସେମାନଙ୍କ ପାଇଁ ଏହି ବିପଦ ଅଧିକ।

: PPD ଏବଂ ଅନ୍ୟାନ୍ୟ ରାସାୟନିକ ପଦାର୍ଥ ଚର୍ମରେ ଜଳାପୋଡ଼ା, ଲାଲ ଦାଗ, ଫୁଲା ଏବଂ ଏକଜେମା ଭଳି ସମସ୍ୟା ସୃଷ୍ଟି କରିପାରେ। କେତେକ ମାମଲାରେ ଏହା ଗୁରୁତର ଆଲର୍ଜିକ ରିଆକ୍ସନର କାରଣ ହୋଇପାରେ, ଯାହା ଜୀବନ ପାଇଁ ବିପଦଜନକ ହୋଇପାରେ।

 ଆମୋନିଆ ଏବଂ ହାଇଡ୍ରୋଜେନ ପେରୋକ୍ସାଇଡ ଭଳି ରାସା୯ୟନିକ ପଦାର୍ଥ ଶ୍ୱାସକ୍ରିୟା ପଥରେ ଜଳାପୋଡ଼ା ସୃଷ୍ଟି କରିପାରେ ଏବଂ ଦୀର୍ଘମିଆଦୀ ବ୍ୟବହାର ହାପାଣି କିମ୍ବା ଫୁସଫୁସ ସମ୍ବନ୍ଧୀୟ ରୋଗର କାରଣ ହୋଇପାରେ।  ପ୍ରତିଦିନ ହେୟାର କଲର ବ୍ୟବହାର ଚୁଟିର ପ୍ରାକୃତିକ ତେଲ ଏବଂ ପ୍ରୋଟିନକୁ ନଷ୍ଟ କରି ଚୁଟିକୁ ଦୁର୍ବଳ, ଶୁଷ୍କ ଏବଂ ଭଙ୍ଗୁର କରିଦିଏ। ଏହା ଚୁଟି ଝଡ଼ିବା, ଚୁଟି ପତଳା ହେବା ଏବଂ ଖରାପ ଦେଖାଯିବାର କାରଣ ହୋଇପାରେ।

: ଗର୍ଭବତୀ ମହିଳାମାନେ ହେୟାର କଲର ବ୍ୟବହାର କଲେ ରାସାୟନିକ ପଦାର୍ଥ ଗର୍ଭସ୍ଥ ଶିଶୁକୁ ପ୍ରଭାବିତ କରିପାରେ। ଗବେଷଣାରେ ଏହାର ସ୍ପଷ୍ଟ ପ୍ରମାଣ ନଥିଲେ ମଧ୍ୟ, ବିଶେଷଜ୍ଞମାନେ ଗର୍ଭାବସ୍ଥାରେ ଏହା ଏଡ଼ାଇବାକୁ ପରାମର୍ଶ ଦିଅନ୍ତି। ଯଦି ଆପଣ ପ୍ରତିଦିନ ହେୟାର କଲର ବ୍ୟବହାର କରୁଛନ୍ତି, ତେବେ ଏହି ରାସାୟନିକ ପଦାର୍ଥଗୁଡ଼ିକର ସଂସ୍ପର୍ଶ ଅଧିକ ହେବା ଯୋଗୁଁ ସ୍ୱାସ୍ଥ୍ୟ ସମସ୍ୟାର ଆଶଙ୍କା ବଢ଼ିଯାଏ। ବିଶେଷଜ୍ଞମାନେ କହିଛନ୍ତି ଯେ ପାର୍ମାନେଣ୍ଟ ହେୟାର କଲରରେ ଥିବା ରାସା୯ୟନିକ ପଦାର୍ଥ ଅଧିକ କ୍ଷତିକାରକ, ତେଣୁ ଏହାର ନିୟମିତ ବ୍ୟବହାର ଏଡ଼ାଇବା ଉଚିତ। ସେଲୁନରେ କାମ କରୁଥିବା ବ୍ୟକ୍ତିମାନେ, ଯେଉଁମାନେ ଦୈନିକ ହେୟାର କଲର ସହ ସଂସ୍ପର୍ଶରେ ଆସନ୍ତି, ସେମାନଙ୍କ ପାଇଁ କ୍ୟାନସର ଏବଂ ଅନ୍ୟାନ୍ୟ ରୋଗର ଆଶଙ୍କା ଅଧିକ ରହିଛି।

କିପରି ରହିବେ ସୁରକ୍ଷିତ? ହେୟାର କଲର ବ୍ୟବହାରରୁ ସମ୍ପୂର୍ଣ୍ଣ ଦୂରେଇ ରହିବା କଷ୍ଟକର ହୋଇପାରେ, କିନ୍ତୁ କେତେକ ସାବଧାନତା ଅବଲମ୍ବନ କରି ଆପଣ ବିପଦକୁ ହ୍ରାସ କରିପାରିବେ:  ହେନା, କଫି, କୋକୋ କିମ୍ବା ଅନ୍ୟ ପ୍ରାକୃତିକ ଉପାଦାନ ଆଧାରିତ ହେୟାର କଲର ବ୍ୟବହାର କରନ୍ତୁ। ଏଗୁଡ଼ିକ ରାସାୟନିକ ମୁକ୍ତ ଏବଂ ସୁରକ୍ଷିତ ବିକଳ୍ପ ହୋଇପାରେ, ଯଦିଓ ଏହାର ରଙ୍ଗ ସ୍ଥାୟୀ ନୁହେଁ।  ସେମି-ପାର୍ମାନେଣ୍ଟ କିମ୍ବା ଟେମ୍ପୋରାରୀ ହେୟାର କଲର ବ୍ୟବହାର କରନ୍ତୁ, ଯେଉଁଗୁଡ଼ିକରେ ରାସା୯ୟନିକ ପଦାର୍ଥର ମାତ୍ରା କମ ଥାଏ ଏବଂ ଚୁଟିରେ କମ କ୍ଷତି ହୁଏ।

  ହେୟାର କଲର ବ୍ୟବହାର ପୂର୍ବରୁ ଚର୍ମରେ ଏକ ପ୍ୟାଚ ଟେଷ୍ଟ କରି ଆଲର୍ଜିର ଆଶଙ୍କା ଯାଞ୍ଚ କରନ୍ତୁ। ଏହାକୁ କାନ ପଛରେ ଲଗାଇ ୪୮ ଘଣ୍ଟା ପର୍ଯ୍ୟନ୍ତ ଅପେକ୍ଷା କରନ୍ତୁ।  ପ୍ରତିଦିନ ବ୍ୟବହାର ପରିବର୍ତ୍ତେ ହେୟାର କଲରକୁ ୫-୮ ସପ୍ତାହରେ ଥରେ ବ୍ୟବହାର କରନ୍ତୁ, ଯାହା ରାସାୟନିକ ସଂସ୍ପର୍ଶକୁ ହ୍ରାସ କରିବ। ହେୟାର କଲର ଲଗାଇବା ସମୟରେ ଗ୍ଲୋଭସ ପିନ୍ଧନ୍ତୁ, ଭଲ ଭେଣ୍ଟିଲେସନ ଥିବା ସ୍ଥାନରେ କାମ କରନ୍ତୁ ଏବଂ ଲଗାଇବା ପରେ ମୁଣ୍ଡତ୍ୱଚାକୁ ଭଲ ଭାବେ ଧୋଇ ଦିଅନ୍ତୁ। ଯଦି ଆପଣଙ୍କର ଚର୍ମ ସମସ୍ୟା ରହିଛି କିମ୍ବା ଗର୍ଭବତୀ ଅଛନ୍ତି, ତେବେ ହେୟାର କଲର ବ୍ୟବହାର ପୂର୍ବରୁ ଚର୍ମ ରୋଗ ବିଶେଷଜ୍ଞ କିମ୍ବା ସ୍ତ୍ରୀ ରୋଗ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ।