ବିଳମ୍ବରେ ବିବାହ କରିବାକୁ ଯୋଜନା କରୁଛନ୍ତି କି ? ସମ୍ପର୍କରେ ଆସିପାରେ ସମସ୍ୟା
Rasmita Behera
ବିବାହ ଏକ ପବିତ୍ର ବନ୍ଧନ । ବିବାହର ନିଷ୍ପତ୍ତି ସମସ୍ତଙ୍କର ବ୍ୟକ୍ତିଗତ, କିନ୍ତୁ ଆମ ସମାଜରେ ଏକ ବୟସ ପରେ ବିବାହର ଚାପ ବଢିବାରେ ଲାଗେ । ସମ୍ପର୍କୀୟ, ବନ୍ଧୁ କିମ୍ବା ଏପରିକି ଘରର ଲୋକମାନେ ନିଜେ ବିବାହ ଉପରେ ଚାପ ପକାଇବା ଆରମ୍ଭ କରନ୍ତି। ବିବାହ ପାଇଁ ବ୍ୟକ୍ତିଗତ ଭାବେ ସମୟ ନେବା ଠିକ୍ କଥା, କିନ୍ତୁ ଅଧିକ ବିଳମ୍ବ କରିବା ବିଭିନ୍ନ ସମସ୍ୟାକୁ ସାମ୍ନାକୁ ଆଣିଥାଏ। ଉପଯୁକ୍ତ ବୟସରେ ବିବାହ ନକରିବା ହେତୁ ଆପଣଙ୍କୁ କେଉଁ ସମସ୍ୟାର ସାମ୍ନା କରିବାକୁ ପଡ଼ିଥାଏ, ସେନେଇ ପଢ଼ନ୍ତୁ…
ଆଜିର ବ୍ୟସ୍ତ ବହୁଳ ଜୀବନରେ, ଲୋକମାନେ ନିଜ ସମ୍ପର୍କ ଅପେକ୍ଷା କ୍ୟାରିଅରକୁ ପ୍ରାଧାନ୍ୟ ଦିଅନ୍ତି, ସେ ପୁଅ କିମ୍ବା ଝିଅ ହୁଅନ୍ତୁ। ଏହି କାରଣରୁ, ସେମାନେ ଠିକ୍ ବୟସରେ ବିବାହ କରିବାରେ ନିଷ୍ପତ୍ତି କିମ୍ବା ବିବାହ କରିପାରିନଥାନ୍ତି। ବିଳମ୍ବରେ ବିବାହ କରିବା ସତ୍ତ୍ୱ ସେ ସମ୍ପର୍କ ଅପେକ୍ଷା କ୍ୟାରିୟରକୁ ଅଧିକ ଗୁରୁତ୍ୱ ଦିଅନ୍ତି। ଏହି କାରଣରୁ ସମ୍ପର୍କରେ ଫାଟ ସୃଷ୍ଟି ହୁଏ।
30 ବର୍ଷ ବୟସରେ ମହିଳାମାନଙ୍କ ମଧ୍ୟରେ ପ୍ରଜନନ କ୍ଷମତା କମିବା ଆରମ୍ଭ ହୁଏ। 35 ବର୍ଷ ବୟସ ପରେ, ଏହା ଅଧିକ ଦ୍ରୁତ ଗତିରେ ହ୍ରାସ ପାଏ। ଜଣେ ମହିଳାଙ୍କ ବୟସ ବଢିବା ସହିତ ଗର୍ଭବତୀ ହେବାର ସମ୍ଭାବନା କମିଯାଏ ଏବଂ ପ୍ରସବଶକ୍ତି ବିହୀନ ହେବାର ସମ୍ଭାବନା ବଢିଯାଏ।
ବିବାହ କରିବାରେ ଅଧିକ ସମୟ ବିଳମ୍ବ ହେଲେ ନବ ଦମ୍ପତି ପରସ୍ପରକୁ ବୁଝିବାରେ ଅଧିକ ସମୟ ନେଇଥାନ୍ତି। ଦାୟିତ୍ୱ ଏବଂ ପ୍ରାଥମିକତା ବଦଳିବା ଆରମ୍ଭ କରେ । ଫଳସ୍ୱରୂପ, ପରସ୍ପର ସହିତ ଝଗଡ଼ା ବଢିଥାଏ। ଏହା ବ୍ୟତୀତ, ବୟସ ବଢିବା ସହିତ ଇଗୋ ବଢିଥାଏ । ଯେଉଁ କାରଣରୁ କଳହ ତ୍ରୀବ୍ରତର ହେବାର ସମ୍ଭାବନା ଥାଏ। କାରଣ ଉଭୟେ ହାର ମାନିବାକୁ, ଭୁଲ ସ୍ୱୀକାର କରିବାକୁ ପ୍ରସ୍ତୁତ ନଥାନ୍ତି।
ଅଧିକାଂଶ ମହିଳାଙ୍କ ବୟସ ବଢିବା କାରଣରୁ ଶାରୀରିକ ଅନ୍ତରଙ୍ଗତା ଅନୁଭବ କରନ୍ତି ନାହିଁ ଏବଂ କ୍ରମଶଃ ଉଦାସୀନ ବଢେ। ଏହି କାରଣରୁ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ମଧ୍ୟ ବଢିଯାଏ। ବୟସ ବଢିବା ସହିତ ପୁରୁଷମାନଙ୍କରେ ଟେଷ୍ଟୋଷ୍ଟେରନ୍ କମିବା ଆରମ୍ଭ କରେ ଏବଂ ସେମାନେ ମଧ୍ୟ ଫିଜିକାଲ ଇଣ୍ଟିମେସି ପ୍ରତି ଆଗ୍ରହ ହରାଇଥାନ୍ତି।
