ଶରୀର ପାଇଁ ଉପକାରୀ ଅମୃତଭଣ୍ଡା
Henamanjaree Swain
ଅମୃତଭଣ୍ଡାରେ ଭରପୂର ମାତ୍ରାରେ ଭିଟାମିନ୍ ଏ', ସି' ଓ ଇ' ଥାଏ। ଏହା ଆମ ଶରୀରରେ ରୋଗ ପ୍ରତିରୋଧ ଶକ୍ତି ବୃଦ୍ଧି କରିଥାଏ । କଞ୍ଚା ହେଉ ବା ପାଚିଲା ଅମୃତଭଣ୍ଡା, ଉଭୟ ଶରୀର ପାଇଁ ଅତ୍ୟନ୍ତ ଉପଯୋଗୀ। ଅମୃତଭଣ୍ଡା ଏମିତି ଏକ ଫଳ, ଯାହା ଶରୀରକୁ ରୋଗ ସହ ଲଢିବାକୁ ଶକ୍ତି ଦେଇଥାଏ । ଏହା ଖାଇବା ଦ୍ୱାରା ଅନେକ ରୋଗରୁ ରକ୍ଷା ମିଳିଥାଏ। ଅମୃତଭଣ୍ଡାରେ ଭିଟାମିନ୍ ସହ ଏପରି ଶକ୍ତି ରହିଛି, ଯାହା ହଜମ ପ୍ରକିୟାକୁ ସହଜ କରିବାରେ ସାହାଯ୍ୟ କରିଥାଏ। ଆସନ୍ତୁ ଜାଣିବା, ଅମୃତଭଣ୍ଡାରୁ ଶରୀରକୁ ମିଳୁଥିବା ବିଭିନ୍ନ ଉପକାରିତା ବିଷୟରେ...
ଅମୃତଭଣ୍ଡା ଖାଇବା ଦ୍ୱାରା ଆମ ପେଟ ସଫା ରହିଥାଏ। ହଜମ ପ୍ରକ୍ରିୟାରେ ସୁଧାର ଆସେ। ହୃଦ୍ଜନିତ ସମସ୍ୟାର ସୁଧାର ପାଇଁ ଅମୃତଭଣ୍ଡା ଲାଭଦାୟକ। ପ୍ରତିଦିନ ଏହାର ପତ୍ରର ରସ ପିଇଲେ, ହୃଦ୍ରୋଗ ଭଲ ହେବା ସହ ଜ୍ୱର ଓ ଉଚ୍ଚ ରକ୍ତଚାପରୁ ଆରୋଗ୍ୟ ମିଳିଥାଏ। ଅମୃତଭଣ୍ଡା ଆଖି ପାଇଁ ମଧ୍ୟ ବେଶ୍ ଉପକାରୀ। ଏଥିରେ ଥିବା ଭିଟାମିନ୍ ଏ' ଓ ସି' ଆଖିକୁ ସୁସ୍ଥ ରଖିଥାଏ।କୋଷ୍ଠକାଠିନ୍ୟ ସମସ୍ୟା ଭୋଗୁଥିବା ବ୍ୟକ୍ତି ପ୍ରତିଦିନ ଖାଦ୍ୟରେ କଞ୍ଚା ଅମୃତଭଣ୍ଡା ସାମିଲ କରିବା ଉଚିତ୍ କାରଣ ଅମୃତଭଣ୍ଡା ପ୍ରାକୃତିକ ଉପାୟରେ କୋଷ୍ଠକାଠିନ୍ୟକୁ ଭଲ କରିବାରେ ସହାୟକ ହୋଇଥାଏ।
