ପ୍ରୟାଗରାଜରେ ବୁଡ଼ ପକାଇଲେ ମୁଖ୍ୟମନ୍ତ୍ରୀ: ଓଡ଼ିଶାବାସୀଙ୍କ ପାଇଁ କଲେ ମଙ୍ଗଳକାମନା
Rasmita Behera
ଭୁବନେଶ୍ୱର: ୩ ଦିନିଆ ଉତ୍ତରପ୍ରଦେଶ ଗସ୍ତରେ ଯାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଏହିପରିପ୍ରେକ୍ଷୀରେ ରବିବାର ମୁଖ୍ୟମନ୍ତ୍ରୀ ପ୍ରୟାଗରାଜ ମହାକୁମ୍ଭ ମେଳାରେ ଅଂଶଗ୍ରହଣ କରି ପରିବାର ସହିତ ପବିତ୍ର ତ୍ରିବେଣୀ ସଙ୍ଗମରେ ବୁଡ଼ ପକାଇଛନ୍ତି ଏବଂ ପୂଜାଚ୍ଚନା କରି ଓଡ଼ିଶାବାସୀଙ୍କ ମଙ୍ଗଳକାମନା କରିଛନ୍ତି।
ପ୍ରୟାଗରାଜରେ ଚାଲିଥିବା ମହାକୁମ୍ଭ ୧୪୪ ବର୍ଷ ପରେ ଅନୁଷ୍ଠିତ ହେଉଛି। ଜାନୁଆରୀ ୧୩ ତାରିଖରୁ ଆରମ୍ଭ ହୋଇଥିବା ମହାକୁମ୍ଭ ମେଳାରେ ପ୍ରତିଦିନ ଲକ୍ଷଲକ୍ଷ ଭକ୍ତ ଆସି ବୁଡ଼ ପକାଉଛନ୍ତି। ମହାକୁମ୍ଭ ମେଳା ପ୍ରଶାସନ ଅନୁଯାୟୀ, ପ୍ରୟାଗରାଜ ମହାକୁମ୍ଭରେ ସ୍ନାନ କରିଥିବା ଭକ୍ତଙ୍କ ସଂଖ୍ୟା ୬୦ କୋଟି ଅତିକ୍ରମ କରି ସାରିଛି। ମହାକୁମ୍ଭର ଶେଷ ବୁଡ଼ ମହା ଶିବରାତ୍ରି, ଫେବୃଆରୀ ୨୬ ତାରିଖରେ ହେବାକୁ ଯାଉଛି।ପ୍ରୟାଗରାଜ ପ୍ରଶାସନର ସରକାରୀ ସୂତ୍ର ଅନୁଯାୟୀ, ମୌନି ଅମାବାସ୍ୟାରେ ସର୍ବାଧିକ ସଂଖ୍ୟକ ପ୍ରାୟ ୮ କୋଟି ଭକ୍ତ ସ୍ନାନ କରିଥିଲେ। ମକର ସଂକ୍ରାନ୍ତିରେ ୩ କୋଟି ୫୦ ଲକ୍ଷ ଭ ସ୍ନାନ କରିଥିଲେ। ଫେବୃଆରୀ ୧ ଏବଂ ଜାନୁଆରୀ ୩୦ ତାରିଖରେ ପ୍ରତ୍ୟେକ ୨ କୋଟିରୁ ଅଧିକ ଭକ୍ତ ସ୍ନାନ କରିଥିଲେ ଏବଂ ପୌଷ ପୂର୍ଣ୍ଣିମାରେ ୧୭ କୋଟି ଭକ୍ତ ପବିତ୍ର ବୁଡ଼ ନେଇଥିଲେ। ଏହା ବ୍ୟତୀତ, ବସନ୍ତ ପଞ୍ଚମୀରେ ୨୫.୭ କୋଟି ଭକ୍ତ ସ୍ନାନ କରିଥିଲେ, ଯେତେବେଳେ ମାଘି ପୂର୍ଣ୍ଣିମାରେ ୨ କୋଟିରୁ ଅଧିକ ଭକ୍ତ ସ୍ନାନ କରିଥିଲେ।
