ଜାଣନ୍ତୁ କେଉଁଠି କ୍ରିସ୍ମସ୍ ଟ୍ରିକୁ ରଖିବା ଶୁଭ…
Rasmita Behera
ଖୁସିର ପର୍ବ କ୍ରିସ୍ମସ୍ ଆସିଲେ ଚାରିଆଡ଼େ ସକାରାତ୍ମକ ତଥା ଉତ୍ସବର ପରିବେଶ ଖେଳିଯାଏ। ସେଥିପାଇଁ ପ୍ରଭୁ ଯୀଶୁଙ୍କର ଏହି ମହାନ୍ ପର୍ବକୁ ଏବେ ସବୁ ଧର୍ମର ଲୋକେ ପାଳନ କରୁଥିବା ଦେଖାଯାଏ। ବିଶ୍ୱାସ ରହିଛି, ଏହି ପର୍ବର ମୁଖ୍ୟ ଆକର୍ଷଣ ଥିବା କ୍ରିସ୍ମସ୍ ଟ୍ରିକୁ ଯଦି ସୁନ୍ଦର ଭାବେ ସଜାଇ ଘରେ ରଖାଯାଏ ତା’ହେଲେ ସାଣ୍ଟା କ୍ଲଜ୍ ଆମ ପାଇଁ ଗୁଡ୍ ଲକ୍ ନେଇ ଆସିଥାନ୍ତି। ତା’ଛଡ଼ା ଘରେ ବି ଅନେକ ସକାରାତ୍ମକ ଊର୍ଜାର ପ୍ରଭାବ ବଢ଼ିଥାଏ।
ଯେମିତିକି: ଘର ଲୋକଙ୍କ ଭିତରେ ସମ୍ପର୍କ ମଜଭୁତ୍ ହୋଇଥାଏ। ଘରେ ଥିବା ବାସ୍ତୁଦୋଷ ଦୂରହୋଇ ଶୁଭଫଳ ପ୍ରାପ୍ତି ହୁଏ। ପରିବାର ସଦସ୍ୟଙ୍କର ଅବସାଦ ଦୂରହୋଇ ଘରେ ଖୁସିର ମାହୋଲ ଖେଳିଯାଇଥାଏ।
ଏହାଛଡ଼ା ଘରେ ଯଦି କିଛି ନକାରାତ୍ମକ ଶକ୍ତିର ପ୍ରଭାବ ରହିଥାଏ, ତାହା ବି କ୍ରିସ୍ମସ୍ ଟ୍ରିର ପ୍ରଭାବରେ ନଷ୍ଟ ହୋଇଯାଇଥାଏ। ତେବେ କ୍ରିସ୍ମସ୍ ଟ୍ରିକୁ ରଖିବା ପାଇଁ ସବୁଠୁ ଭଲ ଦିଗ ହେଉଛି ଉତ୍ତର ଦିଗ।
ଯଦି ଏହା ସମ୍ଭବ ହେଉନାହିଁ, ତା’ହେଲେ ଉତ୍ତର-ପଶ୍ଚିମ, ଉତ୍ତର-ପୂର୍ବ କିମ୍ବା ଦକ୍ଷିଣ-ପୂର୍ବ ଦିଗରେ ମଧ୍ୟ ଏହାକୁ ରଖିପାରିବେ। କିନ୍ତୁ ଭୁଲ୍ରେ ବି ଏହାକୁ ଘରର ମୁଖ୍ୟଦ୍ୱାର ସମ୍ମୁଖରେ, କୌଣସି ଖମ୍ବ ପାଖରେ କିମ୍ବା ଅପରିଷ୍କାର ସ୍ଥାନରେ ରଖିବେ ନାହିଁ। କ୍ରିସ୍ମସ୍ ଟ୍ରିକୁ ସଜାଇବା ପାଇଁ ସର୍ବଦା ନାଲି କିମ୍ବା ହଳଦିଆ ରଙ୍ଗ ଲାଇଟ୍ସର ବ୍ୟବହାର କରିବା ଶୁଭ ହୋଇଥାଏ।
