ମହାରାଷ୍ଟ୍ରରେ କେଉଁ ଦଳକୁ ମିଳିବ କେତେ ଆସନ ?
ExitPoll Odisha
Ramachandi Prasad
ଭୁବନେଶ୍ୱର : ମହାରାଷ୍ଟ୍ର ଏକଜିଟ୍ ପୋଲ୍ ଫଳାଫଳ ଆସିଯାଇଛି । ଏକଜିଟ୍ ପୋଲରେ ବିଜେପି ମେଣ୍ଟ ଆଗରେ ରହିଛି । ବିଜେପିକୁ ୮୯ରୁ ୧୦୧ ଆସନ ମିଳିବାର ଥିବାବେଳେ କଂଗ୍ରେସକୁ ୩୯ରୁ ୪୭, ଶିବସେନାକୁ ୩୭ରୁ ୪୫, ଏନସିପି (ଶରଦ ପାୱାର)କୁ ୩୫ରୁ ୪୩ ଆସନ, ଶିବସେନା (ଉଦ୍ଧବ ଠାକରେ)କୁ ୨୧ରୁ ୨୯ ଆସନ ଓ ଏନସିପିକୁ ୧୭ରୁ ୨୬ ଆସନ ମିଳିବ । ମାଟ୍ରିଜ୍ ପକ୍ଷରୁ ଦଳୱାରୀ ଏଭଳି ଆକଳନ କରାଯାଇଛି ।
ଚାଣକ୍ୟ ଷ୍ଟ୍ରାଟେଜୀର ଆକଳନ ଅନୁଯାୟୀ, ମହାରାଷ୍ଟ୍ରରେ ବିଜେପି ମେଣ୍ଟକୁ ୧୫୨ରୁ ୧୬୦ ଆସନ, ଏମଭିଏକୁ ୧୩୦ରୁ ୧୩୮ ଆସନ ଓ ଅନ୍ୟ ଦଳଗୁଡ଼ିକୁ ୬ରୁ ୮ ଆସନ ମିଳିବ ।
ପିପୁଲସ ପଲସର ଆକଳନ ଅନୁଯାୟୀ ମହାରାଷ୍ଟ୍ରରେ ବିଜେପି ମେଣ୍ଟକୁ ୧୮୨ ଆସନ ମିଳିବାର ଥିବାବେଳେ ଏମଭିଏକୁ ୯୭ ଆସନ ମିଳିବ । ଯେତେବେଳେକି ଅନ୍ୟ ଦଳଗୁଡ଼ିକୁ ୯ ଆସନ ପାଇବ । ଅର୍ଥାତ୍ ବିରୋଧୀଙ୍କୁ ବହୁ ପଛକୁ ଠେଲି ବିଜେପି ମେଣ୍ଟ ସେଠାରେ ପୁଣିଥରେ ସରକାରକୁ ଫେରିବ ।
ମାଟ୍ରିଜର ଆକଳନ ଅନୁଯାୟୀ ମହାରାଷ୍ଟ୍ରରେ ବିଜେପି ସରକାର ଗଢ଼ିବ । ବିଜେପି ମେଣ୍ଟକୁ ୧୫୦ରୁ ୧୭୦ ଆସନ ମିଳିବାର ସମ୍ଭାବନା ରହିଛି । ସେଠାରେ ମ୍ୟାଜିକ ଅଙ୍କ ହେଉଛି ୧୪୫ । ସେହିପରି ଏମଭିଏକୁ ୧୧୦ରୁ ୧୩୦ ଆସନ ମିଳିବାର ଥିବାବେଳେ ଅନ୍ୟ ଦଳକୁ ୮ରୁ ୧୦ ଆସନ ମିଳିବ । ଅପରପକ୍ଷରେ ପି ମାର୍କର ଆକଳନ ଅନୁଯାୟୀ ବିଜେପି ମେଣ୍ଟକୁ ୧୩୭ରୁ ୧୫୭ ଆସନ ମିଳିବ । ଯେତେବେଳେକି ଏମଭିଏକୁ ୧୨୬ରୁ ୧୪୬ ଆସନ ମିଳିବାର ସମ୍ଭାବନା ରହିଛି । ଅନ୍ୟ ଦଳଗୁଡ଼ିକୁ ୨ରୁ ୮ ଆସନ ମିଳିବ । ଗାଏମୋଟ ଦେଖିଲେ ସେଠାରେ କଡ଼ା ଟକ୍କର ହେଉଛି ବୋଲି ଏକଜିଟ ପୋଲରୁ ଜଣାପଡ଼ିଛି ।
