ମୁଖ୍ୟମନ୍ତ୍ରୀ ପଦ ଛାଡ଼ିବେ କେଜ୍ରିୱାଲ
KEJRIWAL
Rasmita Behera
4279
ଭୁବନେଶ୍ୱର : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପଦ ଛାଡ଼ିବେ । ଏନେଇ ସେ ଘୋଷଣା କରିଛନ୍ତି । ଦୁଇଦିନ ଭିତରେ ସେ ପଦ ଛାଡ଼ିବା ସହ ଦିଲ୍ଳୀର ନୂଆ ମୁଖ୍ୟମନ୍ତ୍ରୀ ଚୟନ କରାଯିବ । ଇଡ଼ି ଓ ସିବିଆଇ ଜାଲରେ ଛନ୍ଦି ହୋଇ ଯାଇଥିବା କେଜ୍ରିୱାଲ୍ ଦୀର୍ଘଦିନ ଧରି ଜେଲରେ ରହିଥିଲେ । ନିକଟରେ ସେ ଜାମିନରେ ଜେଲରୁ ମୁକୁଳିଛନ୍ତି । ତେବେ ସେ ଅଫିସ ଯାଇପାରିବେନି କିମ୍ବା କୌଣସି ଫାଇଲରେ ଦସ୍ତଖତ କରିପାରିବେନି ବୋଲି କୋର୍ଟ ସର୍ତ୍ତ ରଖିଛନ୍ତି । ଅର୍ଥାତ୍ ସେ ମୁଖ୍ୟମନ୍ତ୍ରୀ ଭାବେ କୌଣସି ଦାୟିତ୍ୱ ତୁଲାଇପାରିବେ ନାହିଁ । ଏହାକୁ ଅନୁଶୀଳନ କରିବା ପରେ କେଜ୍ରିୱାଲ ଏହି ନିଷ୍ପତ୍ତି ନେଇଛନ୍ତି । ସେ ଅଗ୍ନିପରୀକ୍ଷା ପାଇଁ ପ୍ରସ୍ତୁତ ବୋଲି କହିଛନ୍ତି । ଯାହାକି ଏବେ ଜାତୀୟ ରାଜନୀତିରେ ଆଲୋଡ଼ନ ସୃଷ୍ଟିକରିଛି ।
