ଜିତିଲେ ରାଜ୍ୟପାଳଙ୍କ ବୋହୂ
jharkhanda election
Ramachandi Prasad
5167
ଭୁବନେଶ୍ୱର : ଝାଡ଼ଖଣ୍ଡ ବିଧାନସଭା ନିର୍ବାଚନରେ ମଇଦାନକୁ ଓହ୍ଲାଇଥିଲେ ଓଡ଼ିଶାର ରାଜ୍ୟପାଳ ରଘୁବର ଦାସଙ୍କ ବୋହୂ ପୂର୍ଣ୍ଣିମା ସାହୁ । ତାଙ୍କ ସହ ପ୍ରତିଦ୍ୱନ୍ଦ୍ୱିତା କରୁଥିଲେ କଂଗ୍ରେସ ପ୍ରଭାରୀ ଅଜୟ କୁମାର । ପ୍ରଥମ ଥର ପାଇଁ ନିର୍ବାଚନ ଲଢୁଥିବା ପୂର୍ଣ୍ଣିମାଙ୍କୁ ବଡ଼ ସଫଳତା ମିଳିଛି । ଭୋଟ୍ ଗଣତି ଜାରି ରହିଥିଲେବି ପୂର୍ଣ୍ଣିମା ୮୦ ହଜାରରୁ ଉଦ୍ଧ୍ୱର୍ ଭୋଟ ପାଇଥିବାବେଳେ ୩୩ ହଜାରରୁ ଉଦ୍ଧ୍ୱର୍ ଭୋଟରେ ଆଗୁଆ ରହିଛନ୍ତି । କଂଗ୍ରେସ ପ୍ରାର୍ଥୀ ଅଜୟ କୁମାରଙ୍କୁ ପ୍ରାୟ ୪୬ ହଜାର ଭୋଟ ମିଳିଥିବାବେଳେ ସେ ଦ୍ୱିତୀୟ ସ୍ଥାନରେ ରହିଛନ୍ତି । ଝାଡ଼ଖଣ୍ଡରେ କିନ୍ତୁ ପୁଣିଥରେ ହେମନ୍ତ ସୋରେନ୍ଙ୍କ ସରକାର ହେବାକୁ ଯାଉଛି । ପୂର୍ଣ୍ଣିମାଙ୍କ ପାଇଁ ରଘୁବର ମଧ୍ୟ ମଇଦାନକୁ ବାହାରିଥିଲେ । ବୋହୂଙ୍କର ବିଜୟ ପାଇଁ ସେ ରଣନୀତି କରିଥିଲେ । ରାଜ୍ୟପାଳ ହୋଇ ମଧ୍ୟ ସକ୍ରିୟ ନିର୍ବାଚନରେ ଅଂଶଗ୍ରହଣ କରୁଛନ୍ତି ବୋଲି କଂଗ୍ରେସ ଅଭିଯୋଗ କରିଥିଲା ।
