ନବୀନଙ୍କ ରେକର୍ଡ ଭାଙ୍ଗିଲେ ମୋହନ
make in odisha
Rasmita Behera
ଭୁବନେଶ୍ୱର : ଟାର୍ଗେଟ୍ ଥିଲା ୫ ଲକ୍ଷ କୋଟିର ପୁଞ୍ଜିନିବେଶ । କିନ୍ତୁ ଡବଲ ଇଞ୍ଜିନ ସରକାରରେ ନିବେଶକଙ୍କର ଉତ୍ସାହ କିନ୍ତୁ ତିନିଗୁଣା ବଢ଼ି ଯାଇଥିଲା । ଉତ୍କର୍ଷ ଓଡିଶା ମେକ୍ ଇନ୍ ଓଡିଶା କନକ୍ଳେଭ ୨୦୨୫ରେ ମୋଟ୍ ୨୦ଟି କ୍ଷେତ୍ରରେ ୫୯୩ଟି ପ୍ରକଳ୍ପ ପାଇଁ ୧୬.୭୩ ଲକ୍ଷ କୋଟି ଟଙ୍କାର ପୁଞ୍ଜିନିବେଶ ପ୍ରସ୍ତାବ ଆସିଛି । ଏହାଦ୍ୱାରା ୧୨.୮୮ ଲକ୍ଷ ନିଯୁକ୍ତି ସମ୍ଭାବନା ସୃଷ୍ଟି ହୋଇଛି । କନକ୍ଳେଭ ସରିବା ପରେ ଏହି ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।
ସମ୍ମିଳନୀରେ ୧୪୫ଟି ପ୍ରକଳ୍ପ ପାଇଁ ଏମଓୟୁ ସ୍ୱାକ୍ଷରିତ ହୋଇଛି । ଏହିସବୁ ପ୍ରକଳ୍ପରେ ୧୨ ଲକ୍ଷ ୮୯ ହଜାର କୋଟି ଟଙ୍କାର ପୁଞ୍ଜିନିବେଶ ହେବ । ଫଳରେ ୮ ଲକ୍ଷ ୯୪ ହଜାରରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ । ଅପରପକ୍ଷରେ ଆହୁରି ୪୪୮ ପ୍ରକଳ୍ପରେ ପୁଞ୍ଜିନିବେଶ ନିମନ୍ତେ ନିବେଶକମାନେ ଆଗ୍ରହ ପ୍ରକାଶ କରିଛନ୍ତି । ଏହି ସବୁ ପ୍ରକଳ୍ପରେ ୩ ଲକ୍ଷ ୮୪ ହଜାର କୋଟି ଟଙ୍କା ନିବେଶ ପାଇଁ ନିବେଶକମାନେ ଆଗ୍ରହୀ ।
