ସନ୍ଦୀପ ଘୋଷଙ୍କୁ ଗିରଫ କଲା ସିବିଆଇ
Rasmita Behera
ନୂଆଦିଲ୍ଲୀ: ସିବିଆଇ ଶନିବାର ଆରଜି କର ମେଡିକାଲ କଲେଜ ଏବଂ ହସପିଟାଲର ପୂର୍ବତନ ପ୍ରିନ୍ସପାଲ ଡ ସନ୍ଦୀପ ଘୋଷଙ୍କୁ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ଗିରଫ କରିଛି। କଲେଜ୍ ପରିସର ଭିତରେ ଦୁଷ୍କର୍ମ ଓ ହତ୍ୟାର ଶିକାର ହୋଇଥିବା ପୀଡ଼ିତାଙ୍କୁ ନ୍ୟାୟ ଦେବାକୁ ଏଫଆଇଆର ଦାଖଲ କରିବାରେ ବିଳମ୍ବ କରିଥିବାରୁ ଘୋଷକୁ ସିବିଆଇ ଗିରଫ କରିଛି। ଘୋଷଙ୍କ ସହ ଗିରଫ ହୋଇଥିବା ଅନ୍ୟ ଜଣେ ପୁଲିସ୍ ହେଉଛନ୍ତି ତାଲା ପୁଲିସ ଷ୍ଟେସନର ଷ୍ଟେସନ୍ ହାଉସ୍ ଅଫିସର୍ (ଏସ୍ଏଚ୍ଓ) ଅଭିଜିତ ମୋଣ୍ଡାଲ। ଉଲ୍ଲେଖଯୋଗ୍ୟ, ଘୋଷଙ୍କୁ ପୂର୍ବରୁ ଆରଜି କର ଡାକ୍ତରଖାନାରେ ଆର୍ଥିକ ଅନିୟମିତତା ମାମଲାରେ ପୃଥକ ଭାବେ ଗିରଫ କରାଯାଇଥିଲା ଏବଂ ତାଙ୍କର ପଲିଗ୍ରାଫ୍ ପରୀକ୍ଷା ମଧ୍ୟ କରାଯାଇଥିଲା।ଗତ ମାସ ୯ ତାରିଖରେ ଆରଜି କର ଡାକ୍ତରଖାନାରେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାର ତଦନ୍ତ ସମ୍ପର୍କରେ ଅଗ୍ରଗତି ରିପୋର୍ଟ ଦାଖଲ କରିବାକୁ କଲିକତା ହାଇକୋର୍ଟ ସିବିଆଇକୁ ତିନି ସପ୍ତାହ ସମୟ ଦେଇଥିଲେ। ସେପ୍ଟେମ୍ବର ୧୭ ତାରିଖରେ ଏହି ରିପୋର୍ଟ କୋର୍ଟରେ ଉପସ୍ଥାପିତ ହେବ ବୋଲି ଆଶା କରାଯାଉଛି।
