ବିଷ ପିଇ ଜୀବନ ହାରିଲେ ପରିବାରର ୩ ଜଣ
Henamanjaree Swain
ଗଞ୍ଜାମ ଥାନା ଅନ୍ତର୍ଗତ ପାଳିବନ୍ଧ ଗାଁରେ ଘଟିଛି ଏକ ଅଭାବନୀୟ ଘଟଣା । ମା’ ସହ ବିଷ ପିଇଦେଇଛନ୍ତି ଭଉଣୀଭାଇ। ଗୁରୁତର ଅବସ୍ଥାରେ ମାଆ, ଝିଅ ଓ ପୁଅକୁ ଗ୍ରାମବାସୀ ଏମକେସିଜିକୁ ସ୍ଥାନାନ୍ତର କରିଥିଲେ। ଏହି ୩ ଜଣଙ୍କୁ ଏମ୍କେସିଜି ମେଡିକାଲରେ ଡାକ୍ତର ମୃତ ଘୋଷଣା କରିଛନ୍ତି। ମୃତ ବ୍ୟକ୍ତି ମାନେ ହେଲେ ମା’ ଏସ ମାମା ରେଡ୍ଡୀ (୪୧) ପୁଅ ରାକେଶୀ(୨୨)ଏବଂ ଝିଅ ଏସ୍ ମୀନା (୧୭)। ମୃତ୍ୟୁର କାରଣ ସ୍ପଷ୍ଟ କାରଣ ଅସ୍ପଷ୍ଟ ରହିଛି। ତେବେ ପୁଲିସ ଘଟଣାର ତଦନ୍ତ ଆରମ୍ଭ କରିଛି ।
ସୂଚନାନୁଯାୟୀ, ଗତକାଲି ପାଳିବନ୍ଧରେ ଠାକୁରାଣୀ ଯାତ୍ରା ପାଇଁ ଆଲୋଚନା ଚାଲିଥିବା ବେଳେ ଉକ୍ତ ପରିବାର କାହାର ଦେଖା ନ ଥିଲା। ଫଳରେ ଗାଁର କିଛି ବ୍ୟକ୍ତି ଘରକୁ ଯାଇ ଦେଖିଲା ପରେ ୩ ଜଣ ଘରେ ଅଚେତ ପଡ଼ିଥିଲେ ସଙ୍ଗେ ସଙ୍ଗେ ତାଙ୍କୁ ପ୍ରଥମେ ଛତ୍ରପୁର ମେଡିକାଲ ପରେ ବ୍ରହ୍ମପୁର ମେଡିକାଲ ନିଆଯାଇଥିଲା ସେଠାରେ ଡାକ୍ତର ଜଣଙ୍କ ପରେ ଜଣଙ୍କ ମୃତ ଘୋଷଣା କରିଥିଲେ l ପୂର୍ବରୁ ମାମାଙ୍କର ସ୍ବାମୀ ରବୀନ୍ଦ୍ରଙ୍କ ଏକ ସଡ଼କ ଦୁର୍ଘଟଣାରେ ମୃତ୍ୟୁ। ହୋଇଯାଇଥବା ଜଣାପଡ଼ିଛି। ରାକେଶ ଡିପ୍ଲୋମା ଛାତ୍ର ଥିବା ବେଳେ ମୀନା ଯୁକ୍ତଦୁଇରେ ଅଧ୍ୟୟନ କରୁଥିଲେ। ଏହି ଘଟଣା ପ୍ରଚାରିତ ହେବା ପରେ ଗାଁରେ ଶୋକର ଛାୟା ଖେଳିଯାଇଛି।
