୨୬ ଲକ୍ଷ ଦୀପରେ ଝଲସିଲା ଅଯୋଧ୍ୟା : ଗିନିଜ୍ ବିଶ୍ୱ ରେକର୍ଡ
Henamanjaree Swain
ଭଗବାନ ରାମଙ୍କ ନଗରୀ ଅଯୋଧ୍ୟା ଦୀପାବଳି ପାଇଁ ଆଲୋକମାଳାରେ ଝଲସି ଉଠିଛି । ଲୋକମାନଙ୍କ ମଧ୍ୟରେ ଦେଖାଯାଇଛି ଆକାଶଛୁଅାଁଉତ୍ସାହ । ଭବ୍ୟ ଓ ଦିବ୍ୟ ଦୀପାବଳିରେ ଏକାକାର ରାଜରାଜ୍ୟ ଜନ୍ମଭୂମି । ଦୀପର ଆଲୋକରେ ଉଭାଷିତ ହୋଇଛି ସରଜୂ ନଦୀ କୂଳ । ମାଟି ଦୀପର ଆଲୋକରେ ଝଲସି ଉଠିଥିଲା ନଦୀ କୂଳ । ରବିବାର ଛୋଟ ଦୀପାବଳି ଅବସରରେ ୨୬ ଲକ୍ଷରୁ ଅଧିକ ଦୀପ ପ୍ରଜ୍ଜ୍ୱଳନ ହୋଇଛି । ପୁଣି ଏହି ଦୀପୋତ୍ସବ ଇତିହାସ ରଚିବା ସହିତ ଦୁଇଟି ଗିନିଜ୍ ବିଶ୍ୱ ରେକର୍ଡ କରିଛି । ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗିନିଜ୍ ବିଶ୍ୱ ରେକର୍ଡ ପାଇଁ ପ୍ରମାଣପତ୍ର ଗ୍ରହଣ କରିଛନ୍ତି । ଏହାସହ ମହାଆଳତୀ କରିଥିଲେ ମୁଖ୍ୟମନ୍ତ୍ରୀ ଯୋଗୀ ।
ଅଯୋଧ୍ୟାରେ ଏହି ରେକର୍ଡ ସ୍ଥାପନ କରାଯାଇଥିଲା । ଯେଉଁଠାରେ ପର୍ଯ୍ୟଟନ ବିଭାଗ, ଉତ୍ତର ପ୍ରଦେଶ ସରକାର ଓ ଜିଲ୍ଲା ପ୍ରଶାସନ ଦୀପୋତ୍ସବ ଆୟୋଜନ କରିଥିଲେ । ଯାହା ଅବିଶ୍ୱସନୀୟ ୨୬,୧୭,୨୧୫ ତୈଳ ଦୀପର ସର୍ବବୃହତ ପ୍ରଦର୍ଶନ ଥିଲା । ଏହା ସହିତ ସର୍ବାଧିକ ଲୋକଙ୍କ ଏକକାଳୀନ ଦୀପ ଘୂର୍ଣ୍ଣନ ପାଇଁ ରେକର୍ଡ ମଧ୍ୟ ଥିଲା । ଏହି ମହାନ ଉତ୍ସବ ଐତିହାସିକ ସ୍ତରରେ ସହରର ଆଧ୍ୟାତ୍ମିକ ଏବଂ ସାଂସ୍କୃତିକ ଉଜ୍ଜ୍ୱଳତାକୁ ପ୍ରଦର୍ଶନ କରିଥିଲା । ଏହି ଐତିହାସିକ କାର୍ଯ୍ୟକ୍ରମ ପାଇଁ ସରଜୂ ନଦୀ କୂଳରେ ଥିବା ରାମ କି ପୈଦିରେ ବହୁ ସଂଖ୍ୟକ ଲୋକ ଏକାଠି ହୋଇଥିଲେ । ରାମ କି ପୈଦିକୁ ଏକ ଚମତ୍କାର ଲେଜର ଏବଂ ଆଲୋକ ପ୍ରଦର୍ଶନୀ ଆଲୋକିତ କରିଥିଲା । ଯେଉଁଠାରେ ପ୍ରଭୁ ରାମ ନିର୍ବାଣ ହାସଲ କରିଛନ୍ତି ବୋଲି କୁହାଯାଏ । ରାମ କି ପୈଦିରେ ଏକ ମନମୁଗ୍ଧକର ଡ୍ରୋନ୍ ଶୋ ମଧ୍ୟ ପ୍ରଦର୍ଶନ କରାଯାଇଥିଲା । ପ୍ରତ୍ୟେକ ଦୀପ ଆମକୁ ମନେ ପକାଇ ଦେଉଛି ଯେ ସତ୍ୟକୁ ଅସୁବିଧାରେ ପକାଇପାରେ କିନ୍ତୁ ପରାସ୍ତ କରାଯାଇପାରିବ ନାହିଁ । ସତ୍ୟର ଭାଗ୍ୟ ହେଉଛି ବିଜୟୀ ହେବା ଏବଂ ବିଜୟର ସେହି ଭାଗ୍ୟ ସହିତ ସନାତନ ଧର୍ମ ୫୦୦ ବର୍ଷ ଧରି ନିରନ୍ତର ସଂଘର୍ଷ କରିଆସୁଛି । ସେହି ସଂଘର୍ଷର ଫଳସ୍ୱରୂପ, ଅଯୋଧ୍ୟାରେ ଏକ ଭବ୍ୟ ଏବଂ ଦିବ୍ୟ ମନ୍ଦିର ନିର୍ମାଣ କରାଯାଇଛି ବୋଲି ପ୍ରମାଣପତ୍ର ପରେ ଯୋଗୀ କହିଥିଲେ ।
