ସିଇସିଙ୍କୁ ଭେଟିଲେ ମମତା

 ନୂଆଦିଲ୍ଲୀ : ପ୍ରତିବାଦ ସ୍ୱରୂପ କଳା ଶାଲ ପିନ୍ଧି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜି ଦିଲ୍ଲୀରେ ମୁଖ୍ୟ ନିର୍ବଚାନ କମିଶନର ଜ୍ଞାନେଶ କୁମାରଙ୍କୁ ଭେଟିଛନ୍ତି । ମମତାଙ୍କ ସହିତ ୫୦ ଏସଆଇଆର ପ୍ରଭାବିତ ପରିବାର ଓ ଦଳୀୟ ନେତା ଉପସ୍ଥିତ ଥିଲେ । ଗତ ସପ୍ତାହରେ ସିଇସି ଜ୍ଞାନେଶ କୁମାର ମମତାଙ୍କୁ ସୋମବାର ଏକ ବୈଠକ ପାଇଁ ସମୟ ଦେଇଥିଲେ । ମମତା ନିର୍ବାଚନ ହେବାକୁ ଥିବା ପଶ୍ଚିମବଙ୍ଗରେ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (ଏସଆଇଆର) ବନ୍ଦ କରିବାକୁ ଦାବି କରି ଆସୁଛନ୍ତି । ରବିବାର ଜାତୀୟ ରାଜଧାନୀରେ ପହଞ୍ଚିଥିବା ବାନାର୍ଜୀଙ୍କ ସହ ତୃଣମୂଳ କଂଗ୍ରେସ ସାଂସଦ ଅଭିଷେକ ବାନାର୍ଜୀ ଓ କଲ୍ୟାଣ ବାନାର୍ଜୀ ମଧ୍ୟ ଥିଲେ । ଯିଏ ଜଣେ ଓକିଲ । ଦିନର ପ୍ରାରମ୍ଭରେ ସାମ୍ବାଦିକମାନଙ୍କୁ ସମ୍ବୋଧିତ କରି ମମତା ଅଭିଯୋଗ କରିଥିଲେ ଯେ ବଙ୍ଗର ଲୋକମାନେ ନିର୍ବାଚନ କମିଶନଙ୍କ ନିକଟରେ ସେମାନଙ୍କର ସମସ୍ୟା ଉଠାଇବାକୁ ଆସିଥିଲେ, କିନ୍ତୁ ସେମାନଙ୍କୁ ଧମକ ଦିଆଯାଇଥିଲା । ଜ୍ଞାନେଶ କୁମାରଙ୍କ ସହ ପ୍ରାୟ ୯୦ ମିନିଟ୍‌ ଧରି ଆଲୋଚନା କରିବା ପରେ  ତାଙ୍କ ଉପରେ ତୀବ୍ର ବର୍ଷିଛନ୍ତି ମମତା । ଏସଆଇଆର ସମୟରେ ଭୋଟରଙ୍କ ନାମ ବଡ଼ ପରିମାଣରେ ବାଦ ଦିଆଯାଇଥିବା ଓ  ବିଜେପିର ଇଙ୍ଗିତରେ ନିର୍ବାଚନ ପ୍ୟାନେଲ୍‌ କାର୍ଯ୍ୟ କରୁଥିବା ସେ ଅଭିଯୋଗ କରିଛନ୍ତି । ବଙ୍ଗଳାରେ ସାଧାରଣତଃ ଦେଖାଯାଉଥିବା ସାମାନ୍ୟ ବନାନ ପରିବର୍ତ୍ତନ ଓ ଶୀର୍ଷକ ପରିବର୍ତ୍ତନ ପାଇଁ ଭୋଟରଙ୍କ ଦାବିକୁ ବାତିଲ କରାଯାଉଛି । ସେମାନେ ପ୍ରଥମେ ଲୋକଙ୍କ ନାମ ବାଦ ଦେଇଥିଲେ । ନିର୍ବାଚନ କମିଶନର ହେଉଛନ୍ତି ବିଜେପିର ଆଇଟି ସେଲ୍‌ । ଏହା କଣ ଗଣତନ୍ତ୍ର ବୋଲି ସେ ପ୍ରଶ୍ନ କରିଛନ୍ତି । ସେ ଦାବି କରିଥିଲେ ଯେ ପ୍ରାୟ ୫୮ ଲକ୍ଷ ଭୋଟରଙ୍କ ନାଁକୁ କୌଣସି ଶୁଣାଣି ନ କରି କାଟି ଦିଆଯାଇଛି । କାର୍ଯ୍ୟ ସମୟରେ ବୁଥ୍‌-ସ୍ତରୀୟ ଅଧିକାରୀ (ବିଏଲଓ) ମାନଙ୍କ ଉପରେ ଚାପ ପକାଯାଉଛି । ସେମାନେଙ୍କ ଉପରେ ଚାପ ଥିବା ସେ କହିଛନ୍ତି । ସେ ଏଠାରେ ବଙ୍ଗ ଭବନ ପରିସର ବାହାରେ ପ୍ରବଳ ପୁଲିସ ମୁତୟନ ଉପରେ ମଧ୍ୟ ପ୍ରଶ୍ନ ଉଠାଇଥିଲେ । ଟିଏମସି ନେତାମାନେ ଦାବି କରିଛନ୍ତି ଯେ ଇସି ଶୀର୍ଷସ୍ତରୀୟ ଅଧିକାରୀଙ୍କୁ ଭେଟିଥିବା ୧୨ ଜଣ ପ୍ରତିନିଧି ଏସଆଇଆର ପ୍ରଭାବିତ ପରିବାରର । ଏଥିରେ ସେହି ବ୍ୟକ୍ତିମାନେ ଅନ୍ତର୍ଭୁକ୍ତ ଯେଉଁମାନେ ଭୁଲ ଭାବରେ ମୃତ ଘୋଷଣା କରାଯାଇଥିଲା ଓ ଯେଉଁମାନେ "ଏସଆଇଆର ଯୋଗୁଁ’ ମୃତ୍ୟୁବରଣ କରିଥିଲେ ବୋଲି ଅଭିଯୋଗ ହୋଇଛି ।