ସାଢେ଼ ୧୧ରେ ପହଁଚିବେ ମୋଦି
Narendra Modi
Ramachandi Prasad
ଭୁବନେଶ୍ୱର : ସେପ୍ଟେମ୍ବର ୧୭ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ । ଗୁଜୁରାଟରେ ଜନ୍ମଦିନ ପାଳି ସେହିଦିନ ଓଡ଼ିଶା ଆସିବେ । ଓଡ଼ିଶାରେ ସୁଭଦ୍ରା ଯୋଜନାର ଶୁଭାରମ୍ଭ କରିବେ । ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗସ୍ତସୂଚୀ ମଧ୍ୟ ଚୂଡ଼ାନ୍ତ ହୋଇଛି ।
ଏସପିଜି ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ସେପ୍ଟେମ୍ବର ୧୭ ତାରିଖ ଦିନ ୯୧ଟା ୧୫ରେ ଗୁଜୁରାଟର ଅହମ୍ମଦାବାଦ ବିମାନବନ୍ଦରରୁ ବାୟୁସେନାର ବିମାନରେ ପ୍ରଧାନମନ୍ତ୍ରୀ ଭୁବନେଶ୍ୱର ଅଭିମୁଖେ ଆସିବେ । ଭୁବନେଶ୍ୱରରେ ଦିନ ୧୧ଟା ୩୫ରେ ସେ ପହଁଚିବେ । ୧୧ଟା ୪୦ରେ ସେ ଭୁବନେଶ୍ୱର ବିମାନବନ୍ଦରରୁ କାରରେ ବାହାରି ଜନତା ମଇଦାନରେ ପହଁଚିବେ । ଜନତା ମଇଦାନରେ ଦିନ ୧୨ଟାରୁ ୧ଟା ପର୍ଯ୍ୟନ୍ତ ପ୍ରଧାନମନ୍ତ୍ରୀଙ୍କର କାର୍ଯ୍ୟକ୍ରମ ରହିଛି । ସେଠାରୁ ୧ଟା ୫ରେ ବିମାନବନ୍ଦର ଅଭିମୁଖେ ବାହାରି ଦିନ ୧ଟା ୨୫ରେ ସେ ଦିଲ୍ଲୀ ଅଭିମୁଖେ ଯାତ୍ରା କରିବେ । ଦିଲ୍ଲୀ ବିମାନ ବନ୍ଦରରେ ପ୍ରଧାନମନ୍ତ୍ରୀ ଦିନ ୩ଟା ୩୫ରେ ପହଁଚିବେ ବୋଲି କାର୍ଯ୍ୟସୂଚୀ ରହିଛି ।
