ନବୀନ ବିରୋଧୀ ଦଳ ନେତା
Naveen Patanaik, Odisha
Ramachandi Prasad
5626
ଭୁବନେଶ୍ୱର : ପ୍ରଥମ ଥର ପାଇଁ ବିରୋଧୀ ଦଳ ନେତା ହୋଇଛନ୍ତି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ । ବିଜେଡ଼ି ବିଧାୟକ ଦଳ ବୈଠକରେ ଏହି ନିଷ୍ପତ୍ତି ହୋଇଛି । ଅପରପକ୍ଷରେ ପ୍ରସନ୍ନ ଆଚାର୍ଯ୍ୟ ବିରୋଧୀ ଦଳ ଉପନେତା ହୋଇଥିବାବେଳେ ପ୍ରମିଳା ମଲ୍ଲିକ ବିରୋଧୀ ଦଳ ମୁଖ୍ୟ ସଚେତିକା ହୋଇଛନ୍ତି । ପ୍ରତାପ ଦେବଙ୍କୁ ବିରୋଧୀ ଦଳ ଉପମୁଖ୍ୟ ସଚେତକ କରାଯାଇଛି ।
ଆଜି ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବିଜେଡ଼ି ବିଧାୟକ ଦଳ ବୈଠକ ଅନୁଷ୍ଠିତ ହୋଇଥିଲା । ଆସନ୍ତାକାଲି ବାଚସ୍ପତି ନିର୍ବାଚନ ଥିବାରୁ ବିଜେଡ଼ି ଆଜି ବିରୋଧୀ ଦଳ ନେତା ଚୟନ କରିଛି । ପୂର୍ବରୁ ନବୀନଙ୍କ ବଦଳରେ ଅନ୍ୟ କେହି ବିରୋଧୀ ଦଳ ନେତା ହେବେବୋଲି ଚର୍ଚ୍ଚା ହେଉଥିଲା । ଆଜି ଏହି ଚର୍ଚ୍ଚାର ଅବସାନ ଘଟିଛି ।
