ବିଜେପି ଟିକେଟରେ ରାଜ୍ୟସଭା ଯିବେ ସୁଜିତ !
Sujit Kumar Joins BJP
Ramachandi Prasad
5635
ଭୁବନେଶ୍ୱର : ପୁଣିଥରେ ବିଜୁ ଜନତା ଦଳକୁ ଜୋରଦାର ଝଟକା ଲାଗିଛି । ରାଜ୍ୟସଭା ସାଂସଦ ସୁଜିତ୍ କୁମାର ବିଜେଡ଼ି ଛାଡ଼ି ବିଜେପିରେ ସାମିଲ୍ ହୋଇଛନ୍ତି । ଫଳରେ ମମତା ମହନ୍ତଙ୍କ ଭଳି ସେ ବିଜେପି ଟିକେଟରେ ପୁଣି ରାଜ୍ୟସଭା ଯିବା ନିଶ୍ଚିତ ବୋଲି କୁହାଯାଉଛି ।
ମମତା ବିଜେଡ଼ି ଛାଡ଼ିବା ପରେ ସୁଜିତଙ୍କୁ ନେଇ ବି ଜୋରଦାର ଚର୍ଚ୍ଚା ହେଉଥିଲା । ସେବେଠାରୁ ସେ ବି ଦଳ ଛାଡ଼ିପାରନ୍ତି ବୋଲି କୁହାଯାଉଥିଲା । ସେହି ଚର୍ଚ୍ଚା ଆଜି ସତ ହୋଇଛି । ସୁଜିତ କୁମାର ଦଳରୁ ଇସ୍ତଫା ଦେବା ପରେ ପରେ ତାଙ୍କୁ ବିଜୁ ଜନତା ଦଳରୁ ବହିଷ୍କାର କରାଯାଇଥିଲା । ଏହା କଳାହାଣ୍ଡିବାସୀଙ୍କୁ ଧୋକା ବୋଲି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ କହିଛନ୍ତି । ଆଗାମୀ ଦିନରେ ଆଉ କେଉଁ ସାଂସଦ ବିଜେପି ମୁହାଁ ହେବେ ତାହାକୁ ନେଇ ଅଙ୍କକଷା ଆରମ୍ଭ ହୋଇଯାଇଛି ।
