କଂଗ୍ରେସ ସହ ଦିଲ୍ଲୀରେ ମେଣ୍ଟ କରିବନି ଆପ୍
Rasmita Behera
ଦିଲ୍ଲୀ ବିଧାନସଭା ନିର୍ବାଚନରେ ଏକାକୀ ଲଢ଼ିବ କ୍ଷମତାସୀନ ଆପ୍। ଅରବିନ୍ଦ କେଜ୍ରିୱାଲଙ୍କ ଆପ୍ ଇଣ୍ଡିଆ ମେଣ୍ଟର ସଦସ୍ୟ। ଏଥିସହ କଂଗ୍ରେସ ସହ ମେଣ୍ଟ କରି ଆପ୍ ଦିଲ୍ଲୀରେ ଲୋକସଭା ନିର୍ବାଚନ ଲଢ଼ିଥିଲା।
ହେଲେ ହରିୟାଣାରେ ଉଭୟ କଂଗ୍ରେସ ଓ ଆପ୍କୁ ଝଟକା ଲାଗିଛି। କଂଗ୍ରେସ ବିଜୟ ସୁଯୋଗ ହାତ ଛଡ଼ା କରିଥିବା ବେଳେ ଆପ୍ ଖାତା ଖୋଲିବାକୁ ସକ୍ଷମ ହୋଇନାହିଁ। ହରିୟାଣାରେ ଦୁଇ ଦଳ ଏକାଠି ନିର୍ବାଚନ ଲଢ଼ିବାକୁ ଆଗ୍ରହ ଦେଖାଇଥିଲେ ହେଁ ସିଟ ଶେୟାରିଂ ଫର୍ମୁଲା ଚୂଡ଼ାନ୍ତ ନ ହେବାରୁ ଉଭୟ ଅଲଗା ଅଲଗା ପ୍ରତିଦ୍ୱନ୍ଦ୍ୱିତା କରିଥିଲେ।
ହରିୟାଣା ନିର୍ବାଚନ ଶେଷ ହେବା ପରେ ଏବେ ସମସ୍ତଙ୍କ ନଜର ଦିଲ୍ଲୀ ଉପରକୁ ଆସିଛି। ଦିଲ୍ଲୀରେ କ’ଣ ଆପ୍ ଓ କଂଗ୍ରେସ ମେଣ୍ଟ କରିବେ କି? ଏହି ପ୍ରଶ୍ନର ଉତ୍ତର ଆପ୍ ପକ୍ଷରୁ ଦିଆଯାଇଛି ଓ କଂଗ୍ରେସ ସହ ଦିଲ୍ଲୀରେ ଦଳ ମେଣ୍ଟ କରିବ ନାହିଁ ବୋଲି ସ୍ପଷ୍ଟ କରିଛି। ଆପ୍ ମୁଖପାତ୍ର ପ୍ରିୟଙ୍କା କାକ୍କର ହରିୟାଣାରେ କଂଗ୍ରେସ ଅତ୍ୟଧିକ ଆତ୍ମବିଶ୍ୱାସ ପାଇଁ ହାରିଥିବା ମଧ୍ୟ କହିଛନ୍ତି।
