୮ ଘଣ୍ଟା ଶୋଇବା ପରେ ଅଳସୁଆ ଲାଗୁଛି କି?

ଯଦି ଆମେ ପ୍ରତିଦିନ ୭ ରୁ ୮ ଘଣ୍ଟା ଶୋଇବା, ତେବେ ଆମେ ସାରା ଦିନ ସୁସ୍ଥ ଓ ଫୂର୍ତ୍ତି ଅନୁଭବ କରିଥାଉ। ନିଦ ଅଭାବରେ ଚାପ, କେଶ ଝଡ଼ିବା ଏବଂ ଉଚ୍ଚ ରକ୍ତଚାପ ଭଳି ସମସ୍ୟା ସୃଷ୍ଟି କରିପାରେ। କିନ୍ତୁ କିଛି ଲୋକ ଅଛନ୍ତି ଯେଉଁମାନେ ପର୍ଯ୍ୟାପ୍ତ ନିଦ ହେବା ପରେ ମଧ୍ୟ ଆଳସ୍ୟ ଅନୁଭବ କରନ୍ତି। ତାଙ୍କୁ ବିଛଣାରୁ ଉଠିବାକୁ ଇଚ୍ଛା ହୁଏନାହିଁ। ଏପରି ପରିସ୍ଥିତିରେ, ଆପଣଙ୍କର ଦୈନନ୍ଦିନ କାର୍ଯ୍ୟ ପ୍ରଭାବିତ ହୁଏ। ଏକ୍ସପର୍ଟଙ୍କ ଅନୁସାରେ, ପର୍ଯ୍ୟାପ୍ତ ନିଦ ହେବା ପରେ ମଧ୍ୟ ଆଳସ୍ୟ ଓ ହାଲିଆ ଅନୁଭବ କରିବାର ଅନେକ କାରଣ ହୋଇପାରେ। ବିଶେଷଜ୍ଞମାନେ କୁହନ୍ତି ଯେ ଅନେକ ସମୟରେ ଏହା ପୁଷ୍ଟିକର ଅଭାବ, ଜଳୀୟ ଅଂଶର ଅଭାବ, ଖରାପ ପାଚନ ଏବଂ ମାନସିକ ଚାପ ଯୋଗୁଁ ହୋଇପାରେ। କିନ୍ତୁ ଏହାକୁ ଏଡାଇବା ପାଇଁ, ଖାଦ୍ୟରେ ସୱଦେଶୀ ଜିନିଷ ସାମିଲ କରିବା ଆରମ୍ଭ କରନ୍ତୁ।

କ୍ଷୀର ସହିତ ଖଜୁରୀ ଖାଆନ୍ତୁ:  ଖଜୁରୀ ଏକ ପ୍ରାକୃତିକ ଶକ୍ତି ବର୍ଦ୍ଧକ। ଯଦି ଏହାକୁ କ୍ଷୀର ସହିତ ଖାଇବ, ତେବେ ଆଳସ୍ୟର କୌଣସି ସମସ୍ୟା ରହିବ ନାହିଁ। କ୍ଷୀରରେ କ୍ୟାଲସିୟମ ଏବଂ ପ୍ରୋଟିନ ଥାଏ, ଯାହା ଶରୀରକୁ ଶକ୍ତିଶାଳୀ କରିଥାଏ। ରାତିରେ ଶୋଇବାର ଗୋଟିଏ ଘଣ୍ଟା ପୂର୍ବରୁ କ୍ଷୀର ସହିତ ଖଜୁରୀ ଖାଇବା ଉଚିତ। ଏହା ଆପଣଙ୍କୁ ଭଲ ନିଦ କରାଇବ ଏବଂ ଆପଣ କ୍ଳାନ୍ତ ଅନୁଭବ କରିବେ ନାହିଁ।

ନଡ଼ିଆ ପାଣି ପିଅନ୍ତୁ :  ଯଦି ଆପଣ ଦିନସାରା ଆଳସ୍ୟ ଅନୁଭବ କରୁଛନ୍ତି, ତେବେ ନଡ଼ିଆ ପାଣି ପିଅନ୍ତୁ। ନଡ଼ିଆ ପାଣି ଶରୀରକୁ ତୁରନ୍ତ ଶକ୍ତି ଯୋଗାଇବାରେ କାମ କରେ। ଏହା ଶରୀରକୁ ହାଇଡ୍ରେଟ କରିବା ସହିତ, ଇଲେକ୍ଟ୍ରୋଲାଇଟ୍ସର ଅଭାବକୁ ମଧ୍ୟ ଦୂର କରିଥାଏ। ନଡ଼ିଆ ପାଣି ବ୍ୟତୀତ, ଆପଣ ଦହିରୁ ତିଆରି ବଟରମିଲ୍କ ମଧ୍ୟ ପିଇପାରିବେ। ଏଥିରେ ପ୍ରୋବାୟୋଟିକ୍ସ ପ୍ରଚୁର ପରିମାଣରେ ଥାଏ।

ଅଁଳା ରସ:  ଅଁଳାରେ ଭିଟାମିନ ସି ପ୍ରଚୁର ପରିମାଣରେ ମିଳିଥାଏ। ଏହା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ସହିତ, ମେଟାବୋଲିଜିମ ମଧ୍ୟ ଠିକ ରଖେ। ଯଦି ଆପଣ ହାଲିଆ ଅନୁଭବ କରୁଛନ୍ତି, ତେବେ ଆପଣ ପ୍ରତିଦିନ ଅଁଳା ରସ ପିଇପାରିବେ।

ବାଦାମ ଏବଂ କିସମିସ ଖାଆନ୍ତୁ:  ବାଦାମ ଏବଂ କିସମିସକୁ ସବୁଠାରୁ ଶକ୍ତିଶାଳୀ ଶୁଖିଲା ଫଳ ଭାବରେ ବିବେଚନା କରାଯାଏ। ଏଗୁଡ଼ିକ ଭିଟାମିନ ଏବଂ ଖଣିଜ ପଦାର୍ଥରେ ଭରପୂର। ରାତିସାରା ଏଗୁଡ଼ିକୁ ଭିଜାଇ ଖାଇବା ଦ୍ୱାରା ଏଥିରେ ଥିବା ପୋଷକ ତତ୍ତ୍ୱ ଶରୀରରେ ଭଲ ଭାବରେ ଶୋଷିତ ହୁଏ। ଏହା ଶରୀରରେ ପୁଷ୍ଟିସାରର ଅଭାବ ସୃଷ୍ଟି କରେ ନାହିଁ ଏବଂ ଶରୀରରେ ଶକ୍ତି ସ୍ତର ମଧ୍ୟ ବୃଦ୍ଧି କରେ।