"ବିଜେପିର ସଂକଳ୍ପପତ୍ର ପ୍ରତାରଣା ପତ୍ର' ଇସ୍ତାହାରରେ ନାହିଁ ଦରବୃଦ୍ଧି, ବେକାରୀ, କୃଷକ ସମସ୍ୟାର ସମାଧାନ
ଭୁବନେଶ୍ୱର: ବିଜେପି ଦଳ ପକ୍ଷରୁ ଚଳିତ ନିର୍ବାଚନ ପରିପ୍ରେକ୍ଷିରେ ପ୍ରକାଶିତ ଇସ୍ତାହାରରେ ବେକାରୀ, କୃଷକ ଓ ଦରବୃଦ୍ଧି ଭଳି ଉକ୍ରଟ ସମସ୍ୟାର ସମାଧାନ ବିଷୟରେ ଗୋଟିଏ ଧାଡ଼ି ମଧ୍ୟ ଉଲ୍ଲେଖ ନାହିଁ । ନରେନ୍ଦ୍ର ମୋଦୀଙ୍କ ସରକାର ଗତ ୧୦ ବର୍ଷ ଧରି କେନ୍ଦ୍ରରେ କ୍ଷମତାରେ ରହିଛି । ମୋଦୀ ୨୦୧୪ ମସିହାରେ ପ୍ରତିବର୍ଷ ୨ କୋଟି ନିଯୁକ୍ତି ଦେବାର ପ୍ରତିଶ୍ରୁତି ଦେଇଥିଲେ । ବିଜେପି ସରକାରକୁ ଆସିବା ପରେ ଗତ ୧୦ ବର୍ଷ ମଧ୍ୟରେ ବେକାରୀ ସମସ୍ୟା ସର୍ବକାଳୀନ ରେକର୍ଡ଼ କରିଛି । ତଥ୍ୟ ଅନୁସାରେ ମୋଦୀଙ୍କ ଶାସନ କାଳରେ ବେକାରୀ ସଂଖ୍ୟା ୩୨ ପ୍ରତିଶତ ବଢ଼ି ସାରିଛି । ନିଯୁକ୍ତି ଦେବା ଦୂରର କଥା, ନିଯୁକ୍ତି ପ୍ରକ୍ରିୟାରେ ପ୍ରଶ୍ନପତ୍ର ଘୋଟଲା ପାଇଁ ଅନେକ ଆଶାୟୀ ଯୁବକଯୁବତୀ ଆତ୍ମହତ୍ୟା କରିବା ପାଇଁ ବାଧ୍ୟ ହୋଇଛନ୍ତିି । ଗୁରୁବାର ସାମ୍ବାଦିକ ସମ୍ମିଳନୀରେ ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପଂଚାନନ କାନୁନ୍ଗୋ ଏଭଳି ବିଜେପି ବିପକ୍ଷରେ ଅଭିଯୋଗ ଆଣିଛନ୍ତି । ଚାଷୀଙ୍କ ଆୟ ଦ୍ୱିଗୁଣିତ କରିବାରେ ବିଫଳ ହୋଇଥିବା ମୋଦୀ ସରକାର ଆନେ୍ଦାଳନରତ କୃଷକମାନଙ୍କ ଉପରେ ଅକଥନୀୟ ଅତ୍ୟାଚାର କରିଛନ୍ତି । ବିଜେପି ଇସ୍ତାହାର ପତ୍ରରେ ଚାଷୀଙ୍କ ଏମ୍ଏସ୍ପି. ଗ୍ୟାରେଂଟି ସଂପର୍କରେ ପଦେ ମଧ୍ୟ ଉଲ୍ଲେଖ ନାହିଁ । ସେହିପରି ୨୦୧୪ ମସିହାରେ ମୋଦୀ ଦରଦାମ୍ ନିୟନ୍ତ୍ରଣ କରିବେ ବୋଲି ଜୁମ୍ଲା କରି କ୍ଷମତାକୁ ଆସିଲା ପରେ ପେଟ୍ରୋଲ ଦର ୧୦୦ ଟଙ୍କା ପାର୍ ଓ ଏଲ୍ପିଜି ଦର ଅଢ଼େଇଗୁଣା ହୋଇସାରିଛି । ପନିପରିବା ଓ ଅତ୍ୟାବଶ୍ୟକ ସାମଗ୍ରୀର ଦର ଆକାଶ ଛୁଆଁ ହୋଇଛି । ୮୧ କୋଟି ଜନସାଧାରଣ ୫କେଜି ଚାଉଳ ବା ଗହମ ପାଇଁ ପ୍ରତିମାସ ଲାଇନ୍ରେ ଠିଆ ହେଉଛନ୍ତି । ଦରବୃଦ୍ଧି ୨୦ ପ୍ରତିଶତ ବଢ଼ିଥିବା ସ୍ଥଳେ ରୋଜଗାର ହାର ୧୧ ପ୍ରତିଶତ କମିଯାଇଛି । ଏ ସବୁ ମୋ÷ଳିକ ସମସ୍ୟାର ସମାଧାନ କରିବାରେ ବିଫଳ ହୋଇଥିବା ନରେନ୍ଦ୍ର ମୋଦୀ ଚଳିତ ନିର୍ବାଚନୀ ଇସ୍ତାହାରରେ ଏ ସଂପର୍କରେ ସଂପୂର୍ଣ୍ଣ ଚୁପ୍ ରହି ଅନ୍ୟ ଏକ ନୂତନ ପ୍ରତାରଣା ପତ୍ର ଜାରି କରିଛନ୍ତିି ବୋଲି ଶ୍ରୀ କାନୁନ୍ଗୋ ପ୍ରକାଶ କରିଥିଲେ । ଏହି ସାମ୍ବାଦିକ ସମ୍ମିଳନୀରେ ପୂର୍ବତନ ପିସିସି. ସଭାପତି ପ୍ରସାଦ ହରିଚନ୍ଦନ, ପିସିସି ମୁଖପାତ୍ର ସଂଗ୍ରାମ କିଶୋର ମାଝି ଓ ଝୁନା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।