ବିଜେପି ପାଇଁ କାଶ୍ମୀର ସେଓ ଖଟା
Rasmita Behera
କାଶ୍ମୀର ସେଓ ବିଜେପି ପାଇଁ ଖଟା ହୋଇଯାଇଛି । କାହିଁକିନା ସେଠାରେ କଂଗ୍ରେସ ଓ ଏନସି ଭଲ ଭୋଟ ପାଇଥିବାବେଳେ ବିଜେପି ବହୁ ପଛରେ ପଡ଼ିଯାଇଛି । ତେବେ ହିନ୍ଦୁ ବହୁଳ ଜାମ୍ମୁରେ କିନ୍ତୁ ବିଜେପି ଭଲ ଭୋଟ ଭିଡ଼ିପାରିଛି । ଏକଜିଟ୍ ପୋଲର ଆକଳନ ଅନୁସାରେ ଜାମ୍ମୁକାଶ୍ମୀରରେ ଝୁଲା ବିଧାନସଭା ଗଠନ ହେବବୋଲି କୁହାଯାଉଥିଲା । କିନ୍ତୁ ଏବେ ଟ୍ରେଣ୍ଡ କିଛି ଅଲଗା କହୁଛି । ଜାମ୍ମୁକାଶ୍ମୀରରେ ନାସନାଲ କନଫେରେନ୍ସ ବଡ଼ ଦଳ ଭାବେ ଉଭା ହୋଇଛି । କଂଗ୍ରେସ ଓ ଏନସିର ଆସନ ସଂଖ୍ୟା ମିଶାଇଲେ ସେଠାରେ ସରକାର ଗଢ଼ିବା ସ୍ଥିତିକୁ ଆସିଯାଇଛନ୍ତି । ଜାମ୍ମୁକାଶ୍ମୀରରେ ନାସନାଲ କନଫେରେନ୍ସ ୪୦ ଆସନରେ ଆଗୁଆ ଥିବାବେଳେ କଂଗ୍ରେସ ୧୦ ଆସନରେ ଆଗୁଆ ରହିଛି । ଅର୍ଥାତ୍ ଆବଶ୍ୟକୀୟ ମ୍ୟାଜିକ ଅଙ୍କ ଠାରୁ ଇଣ୍ଡି ମେଂଟ ଆଗରେ ରହିଛି । ସେହିପରି ବିଜେପି ଜାମ୍ମୁରେ ଭଲ ପ୍ରଦର୍ଶନ କରିଥିଲେବି ୨୫ ଆସନରେ ସୀମିତ ରହିବବୋଲି ଅନୁମାନ କରାଯାଉଛି । ସ୍ୱାଧୀନ ଭାବେ ୭ ଜଣ ଆଗୁଆ ଥିବାବେଳେ ପିଡ଼ିପି ୫ ଆସନରେ ଆଗୁଆ ରହିଛି ।
ହରିୟାଣାର ବର୍ତ୍ତମାନର ଟ୍ରେଣ୍ଡରେ ବିଜେପି ଆଗରେ ରହିଛି । ହରିୟାଣାରେ ୯୦ ଆସନ ପାଇଁ ନିର୍ବାଚନ ହୋଇଥିଲା । ସରକାର ଗଢ଼ିବା ପାଇଁ ସେଠାରେ ୪୬ ଆସନର ଆବଶ୍ୟକତା ରହିଛି । ଏବେକାର ଟ୍ରେଣ୍ଡ ଅନୁସାରେ ବିଜେପି ୪୮ ଆସନରେ ଆଗୁଆ ରହିଥିବାେବେଳ କଂଗ୍ରେସ ୩୬ ଆସନରେ ଆଗୁଆ ରହିଛି । ଯେତେବେଳେକି ସ୍ୱାଧୀନ ଭାବେ ୪ ଜଣ, ଆଇଏନଏଲଡ଼ି ୧ ଓ ବିଏସପି ଗୋଟିଏ ଆସନରେ ଆଗୁଆ ରହିଛି । କଂଗ୍ରେସର ଅନେକ ଟାଣୁଆ ନେତା ପଛରେ ପଡ଼ିଯାଇଛନ୍ତି ।
