୫୦ଫୁଟ ତଳକୁ ଖସିଲା ପିକନିକ୍ ବସ୍ ; ୨ ମୃତ, ୩୫ ଆହତ
Rasmita Behera
3740
ପୋଲ ତଳକୁ ଖସିପଡ଼ିଲା ପିକନିକ ବସ୍ । ଘଟଣାସ୍ଥଳରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ୩୫ରୁ ଅଧିକ ଯାତ୍ରୀ ଆହତ ହୋଇଛନ୍ତି । ପାଖାପାଖି ୫୦ ଫୁଟ ତଳକୁ ବସଟି ଖସିପଡ଼ିଛି । ଯାତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ , ଖଣ୍ଡପଡ଼ା ଗୁଣ୍ଠୁଣି ଗାଁରୁ ପାଖାପାଖି ୪୦ରୁ ଅଧିକ ଲୋକ ପିକନିକ ପାଇଁ ବ୍ରହ୍ମପୁର ଅଭିମୁଖେ ଯାତ୍ରା କରୁଥିଲେ । ରଣପୁର ଥାନା ଅନ୍ତର୍ଗତ ଖଣ୍ଡିସ ଛକରେ ଏଭଳି ଦୁର୍ଘଟଣା ଘଟିଛି । ବ୍ରିଜ ତଳକୁ ବସଟି ଖସିପଡ଼ିବାରୁ ୨ଜଣଙ୍କ ମୃତ୍ୟୁ ହୋଇଥିବା ବେଳେ ୩୫ ରୁ ଅଧିକ ଯାତ୍ରୀ ଆହତ ହୋଇଛନ୍ତି । ରଣପୁରରୁ ଚାନ୍ଦପୁର ଜାତୀୟ ରାଜପଥକୁ ସଂଯୋଗ କରୁଥିବା ପିଡବ୍ଲୁଡି ରାସ୍ତା ସମ୍ପ୍ରସାରଣ କରିଥିବା ବେଳେ ସେହି ବ୍ରିଜର କାମ ସମ୍ପ୍ରସାରଣ ହୋଇନାହିଁ । ବସଟି ଘନ କୁହୁଡ଼ି ଏବଂ ବ୍ରିଜ ପାଖରେ ଟର୍ଣ୍ଣିଂ ଥିବାରୁ ଭାରସାମ୍ୟ ହରାଇ ତଳକୁ ଖସିପଡ଼ିଛି ।
