ୱାୟନାଡରେ ଅଚିହ୍ନା ଶବଗୁଡ଼ିକର ଏକାଠି ହେଲା ସତ୍କାର
Rasmita Behera
4738
ରବିବାର ସନ୍ଧ୍ୟାରେ ୱାୟନାଡରେ ଅଚିହ୍ନା ଶବ ଗୁଡ଼ିକୁ ସମୂହ ସତ୍କାର କଲା ଜିଲ୍ଲା ପ୍ରଶାସନ । ୱାୟନାଡ଼ରେ ଭୟଙ୍କର ଭୂସ୍ଖଳନରେ ମୃତ୍ୟୁ ସଂଖ୍ୟା ସାଢ଼େ ୩ଶହ ଟପିଛି। ରବିବାର ରାତିରେ ଜିଲ୍ଲା ପ୍ରଶାସନ ପକ୍ଷରୁ ଅଚିହ୍ନା ଶବ ଗୁଡ଼ିକର ସମୂହ ସତ୍କାର କରାଯାଇଛି।
କେରଳ ରାଜସ୍ୱ ମନ୍ତ୍ରୀଙ୍କ ସୂଚନା ଅନୁସାରେ, ୨୨୧ଜଣଙ୍କର ମୃତ ଦେହ ଉଦ୍ଧାର କରାଯାଇଛି , ୧୬୬ଟି ଖଣ୍ଡବିଖଣ୍ଡିତ ମର ଶରୀର ଉଦ୍ଧାର କରାଯାଇଛି। ଅଚିହ୍ନା ଶବ ଗୁଡ଼ିକର ଏକାଠି ସତ୍କାର କରାଯାଇଛି। ଏହି ଶବ ସତ୍କାର ବିଭିନ୍ନ ଧର୍ମ ଅନୁଯାୟୀ ମନ୍ତ୍ର ପାଠ କରାଯାଇ କରାଯାଇଛି। ଆଜି ଉଦ୍ଧାରକାର୍ୟ୍ୟ ସପ୍ତମ ଦିନରେ ପହଞ୍ଚିଛି। ଏବେବି ୨ଶହରୁ ଅଧିକ ଲୋକ ନିଖୋଜ ଅଛନ୍ତି।
୧୮ଶହରୁ ଅଧିକ ଉଦ୍ଧାରକାରୀ ଉଦ୍ଧାର କାର୍ୟ୍ୟରେ ସାମିଲ ହୋଇଛନ୍ତି। ଅତ୍ୟାଧୁନିକ ଯନ୍ତ୍ରପାତି ସହ ଡ୍ରୋନର ମଧ୍ୟ ସାହାଯ୍ୟ ନିଆଯାଉଛି।
