ଭିନ୍ନକ୍ଷମଙ୍କୁ ବିବାହ ପ୍ରୋତ୍ସାହନ ୩ କିସ୍ତିରେ ଅଢ଼େଇ ଲକ୍ଷ
Rasmita Behera
4603
ଭୁବନେଶ୍ୱର : ଭିନ୍ନକ୍ଷମଙ୍କୁ ବିବାହ ପ୍ରୋତ୍ସାହନ ପ୍ରଦାନ କରାଯିବ । ତିନୋଟି କିସ୍ତିରେ ଅଢ଼େଇ ଲକ୍ଷ ଟଙ୍କା ଦିଆଯିବ । ଏନେଇ ଏଚଡ଼ିଏଫସି ବ୍ୟାଙ୍କ ସହ ରାଜ୍ୟ ସରକାର ଚୁକ୍ତି କରିଛନ୍ତି ।
ଏହି ପ୍ରୋସôାହନ ରାଶି ପାଇଁ ଭିନ୍ନକ୍ଷମ ହିତାଧିକାରୀ ବିବାହର ରେଜିଷ୍ଟ୍ରେସନ କରିବାର ବର୍ଷକ ମଧ୍ୟରେ ଅନଲାଇନ୍ ମାଧ୍ୟମରେ ଆବେଦନ କରିବେ । ବିବାହର ପ୍ରଥମ ବର୍ଷ ପୂରଣ ହେଲେ ୨୫ ହଜାର ଟଙ୍କା, ଦ୍ୱିତୀୟ ବର୍ଷ ପୂରଣ ହେଲେ ୨୫ ହଜାର ଟଙ୍କା ଏବଂ ତୃତୀୟ ବର୍ଷ ପୂରଣ ପରେ ୨ ଲକ୍ଷ ଟଙ୍କା ବିବାହ ପ୍ରୋସôାହନ ରାଶି ପ୍ରଦାନ କରାଯିବ । ଏହି ବିବାହ ପ୍ରୋସôାହନ ରାଶି ଦିବ୍ୟାଙ୍ଗ ହିତାଧିକାରୀମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ୍ କରିବାରେ ସହାୟକ ହେବ ।
ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଉପସ୍ଥିତିରେ ଏଚଡ଼ିଏଫସି ବ୍ୟାଙ୍କ ସହିତ ବିବାହ ପ୍ରୋସôାହନ ରାଶି ପ୍ରଦାନ ନିମନ୍ତେ ବୁଝାମଣାପତ୍ର ସ୍ୱାକ୍ଷରିତ ହୋଇଅଛି ।
