ବୁମେରାଂ ହେଲା ଟ୍ରମ୍ପଙ୍କ ଶୁଳ୍କ ନୀତି

 ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶୁଳ୍କ ନୀତି ଅନ୍ୟ ଦେଶକୁ ଯେତିକି କ୍ଷତି ନପହଞ୍ଚାଇଛି ବେଶୀ କ୍ଷତି ପହଞ୍ଚାଇଛି ନିଜ ଦେଶକୁ । ଟ୍ରମ୍ପଙ୍କ ଶୁଳ୍କ ନୀତିରେ ଏବେ କାନ୍ଦୁଛନ୍ତି ଆମେରିକାବାସୀ । ଅତ୍ୟାବଶ୍ୟକ ସାମଗ୍ରୀ ଯଥା ଗ୍ରୋସରୀ ଓ ବିଦୁ୍ୟତ ମୂଲ୍ୟରେ ଅହେତୁକ ବୃଦ୍ଧି ପାଇଛି । ୨୦୨୪ ମସିହାରେ ରାଷ୍ଟ୍ରପତି ନିର୍ବାଚନ ପ୍ରଚାର ସମୟରେ ଟ୍ରମ୍ପ୍ ବାରମ୍ବାର ମୁଦ୍ରାସ୍ଫୀତି ମୁକାବିଲା କରିବା ଏବଂ ଆମେରିକୀୟ ପରିବାର ପାଇଁ ସୁଲଭତା ପୁନଃସ୍ଥାପନ କରିବା ପାଇଁ ପ୍ରତିଶ୍ରୁତି ଦେଇଥିଲେ । ଯେତେବେଳେ ମୁଁ ଜିତିବି, ମୁଁ ପ୍ରଥମ ଦିନରୁ ତୁରନ୍ତ ମୂଲ୍ୟ ହ୍ରାସ କରିବି ବୋଲି ଏକ ରାଲିରେ ଘୋଷଣା କରିଥିଲେ । ଟ୍ରମ୍ପ୍ ତାଙ୍କ ପ୍ରଚାର ପ୍ରତିଶ୍ରୁତିର ଏକ ମୁଖ୍ୟ ସ୍ତମ୍ଭ ଭାବରେ "ଆମେରିକାକୁ ପୁଣି ସୁଲଭ କରିବାକୁ’ ପ୍ରତିଶ୍ରୁତି ଦେଇଥିଲେ । ହେଲେ ସେ ଶେଷରେ ଆମେରିକାକୁ ପୁଣି ଅସାଧ୍ୟ କରିଦେଇଛନ୍ତି ।
ତେବେ ଏହାରି ଭିତରେ ଟ୍ରମ୍ପଙ୍କ ଟାରିଫ ନୀତିକୁ ଲାଗିଛି ବଡ ଝଟକା । ଟ୍ରମ୍ପଙ୍କ ଆର୍ଥିକ ନୀତି ବେଆଇନ ବୋଲି କହିଛନ୍ତି ଆମେରିକାର ଫେଡାରାଲ ଅପିଲ୍ସ କୋର୍ଟ । କୋର୍ଟ ଏହାକୁ ସମାଲୋଚନା କରିବା ସହ ଟ୍ରମ୍ପ ତାଙ୍କ କ୍ଷମତା ବାହାରେ ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି । କୋର୍ଟଙ୍କ ଏହି ନିଦେ୍ର୍ଦଶକୁ ସମାଲୋଚନା କରିଛନ୍ତି ଟ୍ରମ୍ପ ।
ଜାନୁଆରୀରେ ଟ୍ରମ୍ପ୍ ତାଙ୍କର ଦ୍ୱିତୀୟ କାର୍ଯ୍ୟକାଳ ପାଇଁ ଶପଥ ଗ୍ରହଣ କରିବା ପରଠାରୁ ଅର୍ଥନୈତିକ ତଥ୍ୟ ଏବଂ ବିଶେଷଜ୍ଞ ବିଶ୍ଳେଷଣ ସୂଚାଇଛି ଯେ ପ୍ରମୁଖ ଘରୋଇ ଖର୍ଚ୍ଚ, ବିଶେଷକରି କିରାଣା ଓ ବିଦୁ୍ୟତ ଦେୟ ବୃଦ୍ଧି ପାଇବା ଜାରି ରହିଛି । ଯାହା ଲକ୍ଷ ଲକ୍ଷ ଆମେରିକୀୟଙ୍କ ପାଇଁ ଆର୍ଥିକ ଚାପକୁ ବୃଦ୍ଧି କରୁଛି । ଆମଦାନୀ ଉପରେ ବ୍ୟାପକ ଶୁଳ୍କ ଓ ସଦ୍ୟ ପ୍ରଣୀତ "ୱାନ୍ ବିଗ୍ ବିଟୁଫୁଲ୍ ବିଲ୍ ଆକ୍ଟ’ ଭଳି ନୀତି, ଜୁଲାଇରେ ଆଇନରେ ସ୍ୱାକ୍ଷରିତ ଏକ ବ୍ୟାପକ ଟିକସ ଓ ଖର୍ଚ୍ଚ ପ୍ୟାକେଜ୍, ଅର୍ଥନୀତିଜ୍ଞମାନଙ୍କ ଦ୍ୱାରା ଏହି ଅସ୍ଥିରତାର କାରଣ ଭାବରେ ଉଲ୍ଲେଖ କରାଯାଇଛି ।    ଏହା ସହିତ ଅର୍ଥନୀତିଜ୍ଞ ଓ ବାଣିଜ୍ୟ ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ ଟ୍ରମ୍ପ ପ୍ରଶାସନର "ଡି ମିନିମିସ୍’ ନିୟମ ଉଚ୍ଛେଦ, ଯାହା ଆମେରିକୀୟ ଗ୍ରାହକମାନଙ୍କୁ ବିଭିନ୍ନ ଶୁଳ୍କ ମୁକ୍ତ ୮୦୦ ଡଲାର ମୂଲ୍ୟର ସାମଗ୍ରୀ ଆମଦାନୀ କରିବାକୁ ଅନୁମତି ଦିଏ, ଅନଲାଇନରେ କମ୍ ମୂଲ୍ୟର ସାମଗ୍ରୀ କ୍ରୟ କରୁଥିବା ଗ୍ରାହକମାନଙ୍କ ପାଇଁ ମୂଲ୍ୟ ବୃଦ୍ଧି କରିପାରେ ଓ କିଛି ସାମଗ୍ରୀର କ୍ଷଣସ୍ଥାୟୀ ଅଭାବ ସୃଷ୍ଟି କରିପାରେ । ୨୦୨୦ ପରଠାରୁ ଆମେରିକାରେ ଘରୋଇ ଶକ୍ତି ବିଲ୍ ୩୪% ବୃଦ୍ଧି ପାଇଛି । ତେଣୁ ମୂଲ୍ୟରେ ଦୈନିକ ବୃଦ୍ଧି ପରେ, ବିଦୁ୍ୟତ୍ ଖର୍ଚ୍ଚ ଆହୁରି ଦ୍ରୁତ ଗତିରେ ବୃଦ୍ଧି ପାଇଛି, ଯାହା ଏକ ପ୍ରମୁଖ ପରିବାର ବୋଝ ପାଲଟିଛି ।