ହାତଗୋଡ଼ରେ ଲଗାତାର ଯନ୍ତ୍ରଣା ହେଉଛି କି ?

May 11, 2025 - 17:25

4074

ହାତ ଓ ଗୋଡ଼ରେ ଲଗାତାର ଯନ୍ତ୍ରଣା ଅନୁଭବ ହେଉଥିଲେ ଏହାକୁ ଅଣଦେଖା କରିବା ଭୁଲ୍ ହୋଇପାରେ। ଅନେକ ସମୟରେ ଆମେ ଏହାକୁ ଅଧିକ କାମ କିମ୍ବା ଥକାପଣ ସହିତ ଯୋଡ଼ି ଘରୋଇ ଉପଚାରରେ ଲାଗିପଡ଼ୁ। କିନ୍ତୁ ଏହି ଯନ୍ତ୍ରଣା ଅନେକ ଗମ୍ଭୀର ରୋଗର ଲକ୍ଷଣ ହୋଇପାରେ। ସମୟମତୋ ଡାକ୍ତରଙ୍କ ପରାମର୍ଶ ନଲେ ଏହା ବଡ଼ ସ୍ୱାସ୍ଥ୍ୟ ସମସ୍ୟାରେ ପରିଣତ ହୋଇପାରେ।

କେଉଁ ରୋଗର ଲକ୍ଷଣ?
ଆର୍ଥ୍ରାଇଟିସ୍: ଗଣ୍ଠିରେ ପ୍ରଦାହ ଯୋଗୁଁ ହାତଗୋଡ଼ରେ ଯନ୍ତ୍ରଣା ଓ ଜଡ଼ତା ହୁଏ। ରିଉମାଟଏଡ୍ ଆର୍ଥ୍ରାଇଟିସ୍ ଓ ଓଷ୍ଟିଓଆର୍ଥ୍ରାଇଟିସ୍ ଏହାର ସାଧାରଣ ପ୍ରକାର।

ଭିଟାମିନ୍ ଡି ଅଭାବ: ଶରୀରରେ ଭିଟାମିନ୍ ଡି କିମ୍ବା କ୍ୟାଲସିୟମ କମ୍ ଥିଲେ ହାଡ଼ ଓ ମାଂସପେଶୀ ଦୁର୍ବଳ ହୋଇ ଯନ୍ତ୍ରଣା ହୁଏ।

ଡାଇବେଟିସ୍ କିମ୍ବା ସ୍ନାୟୁ କ୍ଷତି ଯୋଗୁଁ ହାତଗୋଡ଼ରେ ଯନ୍ତ୍ରଣା ହୋଇପାରେ। ଏହି ଅବସ୍ଥାରେ ମାଂସପେଶୀ ଓ ଗଣ୍ଠିରେ ଦୀର୍ଘସ୍ଥାୟୀ ଯନ୍ତ୍ରଣା ହୁଏ, ଯାହା ଥକାପଣ ଓ ନିଦ ଅଭାବ ସହିତ ଜଡ଼ିତ।ରକ୍ତପ୍ରବାହରେ ଅସୁବିଧା କିମ୍ବା ସଂକ୍ରମଣ ଯୋଗୁଁ ମଧ୍ୟ ଏହି ଯନ୍ତ୍ରଣା ହୋଇପାରେ। ଅଧିକ କାମ କିମ୍ବା ବ୍ୟାୟାମ ଯୋଗୁଁ ମାଂସପେଶୀରେ ଟାଣ ହୋଇପାରେ। ଅନିୟମିତ ଖାଦ୍ୟ, ନିଦ ଅଭାବ ଓ ଶାରୀରିକ ନିଷ୍କ୍ରିୟତା ଏହାକୁ ବଢ଼ାଇଥାଏ। ମାନସିକ ଚାପ ଓ ଉଦ୍ବେଗ ଶାରୀରିକ ଯନ୍ତ୍ରଣାକୁ ବୃଦ୍ଧି କରିପାରେ। ବୟସ ବଢ଼ିବା ସହିତ ହାଡ଼ ଓ ଗଣ୍ଠି ଦୁର୍ବଳ ହେବା ଯନ୍ତ୍ରଣାର କାରଣ ହୋଇପାରେ।

କ’ଣ କରିବେ?
ଯଦି ଯନ୍ତ୍ରଣା ଲଗାତାର ରହୁଛି, ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ। ରକ୍ତ ପରୀକ୍ଷା, ଏକ୍ସ-ରେ କିମ୍ବା ଅନ୍ୟ ପରୀକ୍ଷା ମାଧ୍ୟମରେ ରୋଗର ମୂଳ କାରଣ ଜଣାଯାଇପାରିବ। ଏହାସହ ସନ୍ତୁଳିତ ଖାଦ୍ୟ, ନିୟମିତ ବ୍ୟାୟାମ, ପର୍ଯ୍ୟାପ୍ତ ନିଦ ଓ ମାନସିକ ଚାପ ହ୍ରାସ କରି ଏହାକୁ ନିୟନ୍ତ୍ରଣ କରାଯାଇପାରିବ। ତେଣୁ ହାତଗୋଡ଼ର ଯନ୍ତ୍ରଣାକୁ ଅବହେଳା ନକରି ସମୟମତୋ ସତର୍କ ହୁଅନ୍ତୁ। ଏହା ଆପଣଙ୍କ ସ୍ୱାସ୍ଥ୍ୟର ଏକ ଗୁରୁତ୍ୱପୂର୍ଣ୍ଣ ସଙ୍କେତ ହୋଇପାରେ।