ବିଧାୟକ ପ୍ରଣବ ବଳବନ୍ତରାୟଙ୍କ ଉପରକୁ ଅଣ୍ଡାମାଡ଼
Rasmita Behera
3795
ଧର୍ମଶାଳା: ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟଙ୍କ ତାଙ୍କ ଗାଡ଼ି ଉପରକୁ ଅଣ୍ଡାମାଡ଼ । ଶ୍ରୀ ବଳବନ୍ତରାୟ ନିଜ ଗାଡ଼ିରେ ଲକ୍ଷ୍ମୀପୂଜା ଦେଖିବାକୁ ଯାଉଥିବାବେଳେ ନିର୍ବାଚନମଣ୍ଡଳୀର କୁରିକଣା ଗାଁ ନିକଟରେ ଉତ୍ତ୍ୟକ୍ତ ଲୋକେ ତାଙ୍କ ଗାଡ଼ି ଅଟକାଇବାକୁ ପ୍ରୟାସ କରିଥିଲେ । କିନ୍ତୁ ଡ୍ରାଇଭର ଗାଡ଼ି ନରଖିବାରୁ ତାଙ୍କ ଗାଡ଼ି ଉପରକୁ ଅଣ୍ଡାମାଡ଼ କରିଥିଲେ । ଗୋଟିଏ ଅବା ଦୁଇଟି ନୁହେଁ ବହୁ ସଂଖ୍ୟାରେ ଅଣ୍ଡା ତାଙ୍କ ଗାଡ଼ି ଉପରକୁ ମାଡ଼ ହୋଇଥିଲା । ଡ୍ରାଇଭର ଗାଡ଼ିକୁ ନେଇ ଘଟଣାସ୍ଥଳରୁ ଦ୍ରୁତଗତିରେ ପଳାୟନ କରିଥିଲେ ।
ଅବଶ୍ୟ ଏହି ଅଣ୍ଡାମାଡ଼ରେ ପୂର୍ବତନ ବିଧାୟକ ଶ୍ରୀ ବଳବନ୍ତରାୟଙ୍କ କୌଣସି କ୍ଷତି ହୋଇନାହିଁ । କିନ୍ତୁ ସ୍ଥାନୀୟ ଲୋକେ କାହିଁକି ତାଙ୍କ ଉପରେ ଏତେ ଆକ୍ରୋଶ ବ୍ୟକ୍ତ କଲେ ତା’ର ପ୍ରକୃତ କାରଣ ଜଣାପଡ଼ିନି ।
