Sahara India Refund: ୫୦ ହଜାର ନୁହେଁ ଏଣିକି ଏତିକି ହେବ ଫେରସ୍ତ ସାହାରା ଇଣ୍ଡିଆରେ ଟଙ୍କା
Rasmita Behera
ନୂଆଦିଲ୍ଲୀ:ଯେଉଁମାନଙ୍କର ଟଙ୍କା ସାହାରା ଇଣ୍ଡିଆରେ ଫସି ରହିଛି ସେମାନଙ୍କ ପାଇଁ ଏକ ଖୁସି ଖବର ଅଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ମଙ୍ଗଳବାର ଲୋକ ସଭାରେ କହିଛନ୍ତି, ୨୮ ଜାନୁଆରୀ, ୨୦୨୫ ସୁଦ୍ଧା ସାହାରା ଗ୍ରୁପର ସମବାୟ ସମିତିଗୁଡ଼ିକର ୧୧,୬୧,୦୭୭ ଜମାକାରୀଙ୍କୁ ମୋଟ ୨,୦୨୫.୭୫ କୋଟି ଟଙ୍କା ଫେରସ୍ତ କରାଯାଇଛି। ଏହା ବ୍ୟତୀତ ଯେଉଁମାନଙ୍କର ଟଙ୍କା ଏ ପର୍ଯ୍ୟନ୍ତ ଫସି ରହିଛି, ସେମାନେ ଏକ ୱେବସାଇଟ ମାଧ୍ୟମରେ ସେମାନଙ୍କର ଟଙ୍କା ଫେରି ପାଇପାରିବେ।
କେନ୍ଦ୍ର ମନ୍ତ୍ରୀ ଅମିତ ଶାହା ଲୋକ ସଭାରେ କହିଛନ୍ତି, ୨୮ ଜାନୁଆରୀ, ୨୦୨୫ ସୁଦ୍ଧା ସାହାରା ଗ୍ରୁପର ସମବାୟ ସମିତିଗୁଡ଼ିକର ୧୧,୬୧,୦୭୭ ଜମାକାରୀଙ୍କୁ ମୋଟ ୨,୦୨୫.୭୫ କୋଟି ଟଙ୍କା ଫେରସ୍ତ କରାଯାଇଛି। ସେ କହିଛନ୍ତି ଯେ ଏହି ଦେୟ ଏକ ୱେବସାଇଟ ମାଧ୍ୟମରେ କରାଯାଉଛି ଏବଂ ସମ୍ପୂର୍ଣ୍ଣ ପ୍ରକ୍ରିୟା ଡିଜିଟାଲ। ଏହା ପୂର୍ବତନ ସୁପ୍ରିମକୋର୍ଟ ବିଚାରପତି ଜଷ୍ଟିସ ଆର. ସୁଭାଷ ରେଡ୍ଡୀଙ୍କ ଦ୍ୱାରା ତଦାରଖ କରାଯାଉଛି। ଶାହା କହିଛନ୍ତି , ଜମା ହୋଇଥିବା ରାଶିର ସଠିକ ଚିହ୍ନଟ ଏବଂ ପ୍ରମାଣ ଆଧାରରେ ସମସ୍ତ ଆବେଦନଗୁଡ଼ିକୁ ସ୍ବଚ୍ଛ ଭାବରେ ଯାଞ୍ଚ କରାଯାଉଛି। ବର୍ତ୍ତମାନ, ପ୍ରତ୍ୟେକ ଜମାକାରୀଙ୍କୁ ସେମାନଙ୍କର ଆଧାର ଲିଙ୍କ ହୋଇଥିବା ବ୍ୟାଙ୍କ ଆକାଉଣ୍ଟରେ ସର୍ବାଧିକ ୫୦,୦୦୦ଟଙ୍କା ପ୍ରଦାନ କରାଯାଉଛି। ତଥାପି, CRCS-ସାହାରା ରିଫଣ୍ଡ ପୋର୍ଟାଲରେ ଉପଲବ୍ଧ ସୂଚନା ଅନୁଯାୟୀ, ନିବେଶକମାନେ ୫,୦୦,୦୦୦ ଲକ୍ଷ ଟଙ୍କା ପର୍ଯ୍ୟନ୍ତ ଫେରସ୍ତ ଦାବି କରିପାରିବେ।
