ମୁଖ୍ୟମନ୍ତ୍ରୀଙ୍କ ସିଙ୍ଗଡ଼ା ଖାଇଲା କିଏ ?
samosa of HP CM
Ramachandi Prasad
5906
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ସିଙ୍ଗଡ଼ା କିଏ ନେଇଗଲା । ଯାହାକୁ ନେଇ ଆରମ୍ଭ ହୋଇଯାଇଛି ତନାଘନା । ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁଙ୍କ ପାଇଁ ସିଙ୍ଗଡ଼ା ମଗା ଯାଇଥିଲା । କିନ୍ତୁ ତାଙ୍କୁ ଖାଇବାକୁ ଦେବାବେଳେ ସେହି ସିଙ୍ଗଡ଼ା ନଥିଲା । ଏହା ହୁଏତ କାହାକୁ ସାଧାରଣ ଭଳି ଲାଗିପାରେ । ହେଲେ ହିମାଚଳ ପ୍ରଦେଶ ସରକାର କିନ୍ତୁ ଏହାକୁ ଗୁରୁତର ସହ ଗ୍ରହଣ କରିଛନ୍ତି । କିଏ ନେଲା, କେମିତି ନେଲା ତାହାକୁ ନେଇ ଆରମ୍ଭ ହୋଇଯାଇଛି ଖୋଳତାଡ଼ । ସିଙ୍ଗଡ଼ା ହଜିବା ସରକାର ବିରୋଧୀ ବୋଲି ସିଆଇଡ଼ି ପକ୍ଷରୁ କୁହାଯାଇଛି । କାହିଁକିନା ଏହା ସୁରକ୍ଷାଜନିତ ତ୍ରୁଟି ବୋଲି କୁହାଯାଉଛି । ଆଜି ଯଦି ସିଙ୍ଗଡ଼ା ହଜିଯାଉଛି, କାଲି ସିଙ୍ଗଡ଼ା ଭିତରେ ବିଷ ବା ହାନିକାରକ ପଦାର୍ଥ କାହିଁକି ମିଶିବ ନାହିଁ ?
