ଆଜି ୧୨ ଘଣ୍ଟିଆ ପାଟଣାଗଡ଼ ବନ୍ଦ
Rasmita Behera
ବଲାଙ୍ଗୀର: ପ୍ରସ୍ତାବିତ ବଲାଙ୍ଗୀର ନୂଆପଡ଼ା ଭାୟା ପାଟଣାଗଡ଼ ରେଳ ଲାଇନ ପ୍ରକଳ୍ପ ସର୍ଭେକୁ ମଞ୍ଜୁରୀ ମିଳିସାରିଛି। କେନ୍ଦ୍ର ସରକାରଙ୍କ ଉଦାସୀନତା ଯୋଗୁ ପ୍ରକଳ୍ପ କାର୍ୟ୍ୟ ଆରମ୍ଭ ହୋଇନାହିଁ। ଯାହାକୁ ନେଇ ପାଟଣାଗଡ଼ ଉପଖଣ୍ଡର ବିଭିନ୍ନ ସଂଗଠନ ଉଦବେଗ ପ୍ରକାଶ କରିବା ସହ ବନ୍ଦ ଡାକରା ଦେଇଥିଲେ। ଏନେଇ ପୁଣିଥରେ ପାଟଣାଗଡ଼କୁ ନୂଆ ରେଳ ଲାଇନ୍ ଓ ବାଇପାସ୍ ଦାବିରେ ପାଟଣାଗଡ଼ ସିଟିଜେନ ଫୋରମ ପକ୍ଷରୁ ଆଜି ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି। ପାଟଣାଗଡ, ଖପ୍ରାଖୋଲ ଓ ଲାଠୋର ତିନୋଟି ସହରରେ ୧୨ ଘଣ୍ଟିଆ ବନ୍ଦ ପାଳନ କରାଯାଇଛି। ଦୋକାନ, ବଜାର ବିଭିନ୍ନ ଅନୁଷ୍ଠାନ ସହ ଅଖ ଚକ ବନ୍ଦ ରହିଛି। ସକାଳ ୬ଟାରୁ ସନ୍ଧ୍ୟା ୬ଟା ପର୍ୟ୍ୟନ୍ତ ବନ୍ଦ ଡାକରା ଦିଆଯାଇଛି।
୨୦୧୪ ମସିହାରୁ ଏହି ପ୍ରକଳ୍ପକୁ ମଞ୍ଜୁରୀ ମିଳିଛି ଓ ରେଳ ଲାଇନ ପାଇଁ ଜମି ଚିହ୍ନଟ ସରିଥିବାବେଳେ ୮୦ ପ୍ରତିଶତ ସରକାରୀ ଜମି ଓ ୨୦ ପ୍ରତିଶତ ବେସରକାରୀ ଜମି ରହିଛି। ଏହି ରେଳ ଲାଇନର ଦୂରତା ୧୦୦ କିମି ଥିବାବେଳେ କେନ୍ଦ୍ରର ଉଦାସୀନତା ଯୋଗୁ ପାଟଣାଗଡ଼ ବାସୀଙ୍କ ରେଳ ସ୍ଵପ୍ନ ସାକାର ହୋଇପାରୁନାହିଁ। ବିଭିନ୍ନ ସମୟରେ ଏନେଇ ଦାବି ହୋଇଥିଲା ଆନ୍ଦୋଳନ ବି ହୋଇଛି କିନ୍ତୁ କେନ୍ଦ୍ର ସରକାର ଉଦାସୀନତା ଯୋଗୁ ପ୍ରକଳ୍ପ କାର୍ୟ୍ୟକାରୀ ହୋଇପାରି ନାହିଁ ।
