ଆଇପିଏଲ୍ ଅଷ୍ଟାଦଶ ସଂସ୍କରଣର ଅଷ୍ଟମ ମ୍ୟାଚ୍କୋହଲିଙ୍କ ରେକର୍ଡ଼
Rasmita Behera
ନୂଆଦିଲ୍ଲୀ : ଶୁକ୍ରବାର ଏମ୍ଏ ଚିଦାମ୍ବରମ ଷ୍ଟାଡିୟମରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଆଇପିଏଲ୍ ମୁକାବିଲାରେ ବିରାଟ କୋହଲି ପୁଣି ଥରେ ରେକର୍ଡ ବୁକ୍ରେ ନିଜ ନାମ ଲିପିବଦ୍ଧ କରିଛନ୍ତି । ଯଦିଓ କୋହଲି ଅଧିକ ରନ୍ ସଂଗ୍ରହ କରିବା ପାଇଁ ସଂଘର୍ଷ କରୁଥିଲେ ତଥାପି ସେ ୩୦ ବଲ୍ରେ ୩୧ ରନର କରି ଶିଖର ଧାୱନଙ୍କୁ ପଛରେ ପକାଇ ଆଇପିଏଲ୍ ଇତିହାସରେ ସିଏସକେ ବିପକ୍ଷରେ ସର୍ବାଧିକ ରନ ସଂଗ୍ରହକାରୀ ହେବାର ଗୌରବ ଅର୍ଜନ କରିଛନ୍ତି । ଏହି ଇନିଂସ ସହିତ ସିଏସକେ ବିପକ୍ଷରେ କୋହଲିଙ୍କ ମୋଟ ରନ ସଂଖ୍ୟା ୧୦୮୪ ରେ ପହଞ୍ଚିଛି । ଯାହା ଧାୱନଙ୍କ ପୂର୍ବ ୧୦୫୭ ରନ ରେକର୍ଡକୁ ପଛରେ ପକାଇଛି । କୋହଲି ୩୪ ମ୍ୟାଚରେ ୩୩ ଇନିଂସରେ ଏହି ମାଇଲଖୁଣ୍ଟ ହାସଲ କରିଛନ୍ତି । ଯେତେବେଳେ ଧାୱନ ୨୯ ଇନିଂସରେ ଏହି ରେକର୍ଡ କରିଥିଲେ । ଏହି ଦୁଇଜଣ ଏକମାତ୍ର ବ୍ୟାଟସମ୍ୟାନ ଯିଏ ଆଇପିଏଲରେ ସିଏସ୍କେ ବିପକ୍ଷରେ ୧୦୦୦ ରନ ଅତିକ୍ରମ କରିଛନ୍ତି । ସିଏସ୍କେ ବିପକ୍ଷରେ କୋହଲିଙ୍କ ସର୍ବାଧିକ ସ୍କୋର ଅପରାଜିତ ୯୦ ରନ୍ ରହିଛି, ଏବଂ ସେ ସିଏସ୍କେ ବିପକ୍ଷରେ ନଅଟି ଅର୍ଦ୍ଧଶତକ ହାସଲ କରିଛନ୍ତି । କୋହଲି ୧୨୫.୪୬ ଷ୍ଟ୍ରାଇକ୍ ରେଟ୍ରେ ଏହି ରନ୍ ସଂଗ୍ରହ କରିଛନ୍ତି ।
