ଆଇପିଏଲ୍ ଅଷ୍ଟାଦଶ ସଂସ୍କରଣର ଅଷ୍ଟମ ମ୍ୟାଚ୍ : ୫୦ ରନରେ ଜିତିଲା ରୟାଲ୍ ଚ୍ୟାଲେଞ୍ଜର୍ସ  

ନୂଆଦିଲ୍ଲୀ :୫୦ ରନ୍ରେ ଜିତିଲା ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ । ସିଏସ୍କେ ପାଇଁ ୨୦ ଓଭରରେ ଟାର୍ଗେଟ ଥିଲା ୧୯୭ ରନ୍ । ଏମ୍ଏସ୍ ଧୋନି ବ୍ୟାଟିଂ କରିବାକୁ ଆସିବା ପରେ ଦର୍ଶକଙ୍କ ଭିତରେ ବଢ଼ିଯାଇଥିଲା ଉତ୍ସାହ । ହେଲେ ମଧ୍ୟ ସିଏସ୍କେ ପାଇଁ କର ମର ପରିସ୍ଥିତି ସୃଷ୍ଟି ହୋଇଥିଲା । ଧୋନି ଆସିବା ପରେ ୨୪ ବଲରେ ୯୬ ରନ୍ ଆବଶ୍ୟକ କରୁଥିଲା ଦଳ । ସେହି ସମୟରେ ରବି ଚନ୍ଦ୍ରନ ଅଶ୍ୱିନ ଆଉଟ ହୋଇଯିବା ଦଳ ପ୍ରତି ଆହୁରି ଦୁଃଖ ବଢ଼ିଯାଇଥିଲା । ମ୍ୟାଚଟି ବେଙ୍ଗାଳୁଣୁ ପ୍ରତି ଢ଼ଳିଯାଇଥିଲା । ପରେପରେ ରବିନ୍ଦ୍ର ଜାଡ଼େଜା ମଧ୍ୟ ପାଭିଲିଅନକୁ ଫେରିଯାଇଥିଲେ । ଦଳପକ୍ଷରୁ ରଚିନ୍ ରବିନ୍ଦ୍ର ୩୧ ବଲରେ ୪୧, ରାହୁଲ ତ୍ରିପାଠୀ ୩ ବଲରେ ୫, ଋତୁରାଜ ଗାୟକ୍ୱାର୍ଡ଼ ୪ ବଲରେ ଶୂନ, ଦୀପକ୍ ହୁଡ଼ଡ଼ା ୯ ବଲରେ ୪, ସାମ କରାନ ୧୩ ବଲରେ ୮, ସିବମ ଦୁବେ ୧୫ ବଲରେ ୧୯, ରବି ଚନ୍ଦ୍ରନ ଅଶ୍ୱିନ୍ ୮ ବଲରେ ୧୧, ଜାଡ଼େଜା ୧୯ ବଲରେ ୨୫ କରି ମ୍ୟାଚ୍କୁ ହାରିଯାଇଥିଲେ ।    
ଇଣ୍ଡିଆନ୍ ପ୍ରିମିୟର ଲିଗ୍ର ୧୮ ତମ ସଂସ୍କରଣର ଅଷ୍ଟମ ମ୍ୟାଚ୍ ଚେନ୍ନାଇର ଏମ୍ଏ ଚିଦାମ୍ବରମ୍ ଷ୍ଟାଡିୟମରେ ଖେଳାଯାଇଥିଲା । ଏହି ମ୍ୟାଚ୍ରେ ଚେନ୍ନାଇ ସୁପର କିଙ୍ଗ୍ସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମୁହାଁମୁହିଁ ହୋଇଥିଲେ । ଟସ୍ ଜିତି ଚେନ୍ନାଇ ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । ଅଧିନାୟକ ରଜନ ପାଟିଦାରଙ୍କ ନେତୃତ୍ୱରେ ଦଳ ନିର୍ଦ୍ଧାରିତ ୨୦ ଓଭରରେ ୭ଟି ୱିକେଟ୍ ହରାଇ ୧୯୬ ରନ୍ କରିଥିଲା । ଫଳରେ ଚେନ୍ନାଇକୁ ଏହି ମ୍ୟାଚ୍ ବିଜୟ ପାଇଁ ୧୯୭ ରନ୍ର ଲକ୍ଷ୍ୟ ମିଳିଥିଲା ।
ବେଙ୍ଗାଲୁରୁ ପାଇଁ ଅଧିନାୟକ ରଜତ ପାଟିଦାର ସର୍ବାଧିକ ବ୍ୟକ୍ତିଗତ ସ୍କୋର୍ କରିଥିଲେ । ସେ ୩୨ଟି ବଲ୍ ଖେଳି ୪ଟି ଚୌକା ଓ ୩ଟି ଛକା ବଳରେ ୫୧ ରନ୍ ସଂଗ୍ରହ କରିଥିଲେ । ପ୍ରାରମ୍ଭିକ ବ୍ୟାଟର ଫିଲିପ୍ ସଲ୍ଟ ଓ ବିରାଟ କୋହଲି ଯଥାକ୍ରମେ ୩୨ ଓ ୩୧ ରନ୍ କରିଥିଲେ । ସେହିପରି ଦେବଦତ୍ତ ପଡିକଲ ୨୭ ରନ୍ ଓ ଟିମ୍ ଡାଭିଡ ଅପରାଜିତ ୨୨ ରନ୍ ଯୋଗଦାନ ଦେଇଥିଲା ବେଳେ ଜିତେଶ ଶର୍ମା ୧୨ ରନ୍ ଏବଂ ଲିଆମ ଲିଭିଂଷ୍ଟୋନ୍ ୧୦ ରନ୍ କରିଥିଲେ ।
ଚେନ୍ନାଇ ପାଇଁ ନୁର ଅହମଦ୍ ସର୍ବଶ୍ରେଷ୍ଠ ବୋଲିଂ କରିଥିଲେ । ସେ ୪ ଓଭର ବୋଲିଂ କରି ୩୬ ରନ୍ ଖର୍ଚ୍ଚ କରିଥିଲା ବେଳେ ବେଙ୍ଗାଲୁରୁର ଦୁଇ ପ୍ରାରମ୍ଭିକ ବ୍ୟାଟରଙ୍କ ସମେତ ଲିଆମ୍ ଲିଭିଂଷ୍ଟୋନ୍ଙ୍କୁ ଆଉଟ୍ କରିଥିଲେ । ମଥୀଶା ପଥିରଣା ୨ଟି ୱିକେଟ୍ ନେଇଥିଲା ବେଳେ ଖଲୀଲ ଅହମଦ ଓ ରବିଚନ୍ଦ୍ରନ ଅଶ୍ୱିନ ଗୋଟିଏ ଲେଖାଏଁ ୱିକେଟ୍ ନେଇଥିଲେ ।