ଗୋ-ସେବାଶ୍ରମ ପାଇଁ ଭୂମି ପୂଜନ
Rasmita Behera
ନିଆଳି: ନିଆଳି ବ୍ଲକ୍ ଅନ୍ତର୍ଗତ ନୂଆଗାଁ ସ୍ଥିତ ରାଧାକାନ୍ତ ମଠ ପରିସରରେ ବୁଧବାର ଗୋ-ସେବାଶ୍ରମ ପାଇଁ ଭୂମି ପୂଜନ ଉତ୍ସବ ଅନୁଷ୍ଠିତ ହୋଇଯାଇଛି । ଶ୍ରୀ ଶ୍ରୀ ରାଧାକାନ୍ତ ଗୋ-ସେବାଶ୍ରମ ଟ୍ରଷ୍ଟ ପକ୍ଷରୁ ମଠାଧିସ ଦିବ୍ୟକୃଷ୍ଣ ଦାଶଙ୍କ ତତ୍ତ୍ୱାବଧାନରେ ଭୂମି ପୂଜନ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରାତଃରୁ ପୂଜାର୍ଚ୍ଚାନ ସହ ବାସ୍ତୁପୂଜା ଓ ଭୂମିପୂଜନ ପରେ ସେଠାରେ ଏକ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ସ୍ୱାମୀ ସ୍ୱରୁପାନନ୍ଦ ସରସ୍ୱତୀ ସଭାପତିତ୍ୱ କରିଥିବା ବେଳେ କାର୍ତ୍ତିକ ଚନ୍ଦ୍ର ଷଢଙ୍ଗୀ ସଭା ପରିଚାଳନା କରିଥିଲେ । ଏହି ସଭାରେ ସ୍ୱାମୀ ଗିରିଜାନନ୍ଦ ପର୍ବତ, ସ୍ୱାମୀ ସତ୍ ସ୍ୱରୂପାନନ୍ଦ ଗିରି, ସ୍ୱାମୀ ରାମକୃଷ୍ଣ ଦାସ ମହାରାଜ, ବାବାଜୀ ବିବେକାନନ୍ଦ ଦାସ, ନିର୍ମଳାନନ୍ଦ ଗିରି, ମହାଦେବନନ୍ଦ ସରସ୍ୱତୀ, ବାବା ଧର୍ମାନନ୍ଦ ଦାସ ପ୍ରମୁଖ ଯୋଗଦେଇ ଗୋ-ସେବା ସମ୍ପର୍କରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ବିଜେପିର ରାଜ୍ୟ ମୁଖପାତ୍ର ରାଜେନ୍ଦ୍ର ପ୍ରସାଦ ପଣ୍ଡା, ପୂର୍ବତନ ବିଧାୟକ ଡ଼ା. ପ୍ରମୋଦ କୁମାର ମଲ୍ଲିକ, କଟକ ଜିଲ୍ଲା ବିଶ୍ୱ ହିନ୍ଦୁ ପରିଷଦର ସଭାପତି ମାନସ ରଞ୍ଜନ ପଣ୍ଡା, ଘନଶ୍ୟାମ ସାହୁ, ବିଶ୍ୱ ହିନ୍ଦୁ ପରିଷଦର କଟକ ଜିଲ୍ଲା ସହ ସମ୍ପାଦକ ଆଲୋକ କୁମାର ନାୟକ ପ୍ରମୁଖ ଯୋଗ ଦେଇଥିଲେ । ଶେଷରେ ଭଜନ କୀର୍ତ୍ତନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
