ଘର ଆଗରୁ ବାଇକ ଲୁଟ୍; ଲୁଟେରା ଗିରଫ
Jitendra Sahu
ଭୁବନେଶ୍ୱର, ୧ା୧୨ : ଘର ଆଗରୁ ବାଇକର ଲକ୍ ଭାଙ୍ଗି ଚୋରି । ଏନେଇ ବଡ଼ଗଡ଼ ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ଆଜି ଅଭିଯୁକ୍ତକୁ ଗିରଫ କରିଛି । ତାଠାରୁ ଚୋରି ହୋଇଥିବା ସ୍କୁଟି ବାଇକ ମଧ୍ୟ ଜବତ କରିଛି । ଗିରଫ ଅଭିଯୁକ୍ତ ହେଲା, କନ୍ଧମାଳ ଜିଲ୍ଲା ଫୁଲବାଣୀର ଆଲୋକ ଦିଗାଲ । ଏଠାରେ ସେ ବଡ଼ଗଡ଼ ଥାନା ଅଧିନ ଗୌତମନଗର ବସ୍ତିରେ ରହି ରାଜମିସ୍ତ୍ରୀ ଭାବେ କାମ କରହିଆସୁଥିଲା ।
ସୂଚନା ଯୋଗ୍ୟଯେ, ଗତ ନଭେମ୍ବର ୩୦ ତାରିଖ ବିଳମ୍ବିତ ରାତିରେ ଅଭିଯୋଗକାରୀ କାର୍ତ୍ତିକ ନାୟକ ତାଙ୍କର ସ୍କୁଟିକୁ ସେ ରହୁଥିବା ବଡ଼ଗଡ଼ ଅଞ୍ଚଳର ଘର ସାମ୍ନାରେ ରଖିଥିଲେ । ଏହି ସମୟରେ ଅଭିଯୁକ୍ତ ଜଣକ ରାତି ପ୍ରାୟ ୨ଟା ବେଳେ ସୁଯୋଗ ଦେଖି ଅଭିଯୋଗକାରୀଙ୍କର ସ୍କୁଟିର ଲକ୍ ଭାଙ୍ଗି ବାଇକ ଟିକୁ ଚୋରି କରି ନେଇ ଯାଇଥିଲା । ଭୋର ସମୟରେ ଅଭିଯୋଗକାରୀ ତାଙ୍କର ସ୍କଉଯଇ ଟିକୁ ଘର ଆଗରୁ ପାଇନଥିବାରୁ ସେ ଚୋରି ହୋଇଥିବା ଜାଣିପାରି ଏନେଇ ବଡ଼ଗଡ଼ ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ବିଭିନ୍ନ ସ୍ଥାନରେ ପାଟ୍ରୋଲିଂ ଜାରି ରଖିଥିଲେ । ଗତକାଲି ସନ୍ଧ୍ୟା ସମୟରେ କଳ୍ପନା ମିଉଜିଅମ ଛକରେ ପାଟ୍ରୋଲିଂ ଚାଲୁଥିବା ସମୟରେ ଅଭିଯୁକ୍ତ ଜଣକ ଟ୍ରାଫିକର ବିପରିତ ଦିଗରେ ଏକ ସ୍କୁଟି ଚାଳନା କରି ଆସିଥିଲା । ଏହି ସମୟରେ ପୁଲିସ ଟୀମ ଅଭିଯୁକ୍ତକୁ ଅଟକାଇଥିଲେ ଓ ତା ହେପାଜତରେ ଥିବା ସ୍କୁଟିକୁ ଜବତ କରି ଜାଣିବାକୁ ପାଇଥିଲେ ଏହି ସେ ଚୋରି ହୋଇଥିବା ସ୍କୁଟି ବାଇକ । ପରେ ତାକୁ ଥାନାକୁ ଆଣି ଅଟକ ରଖାଯାଇ ଆଜି ଅଭିଯୁକ୍ତକୁ ଗିରଫ କରି କୋର୍ଟ ଚାଲଣ କରାଯାଇଛି ।
