ଦେଶବାସୀଙ୍କୁ ମକର ଶୁଭେଚ୍ଛା ଜଣାଇଲେ ମୋଦି
Rasmita Behera
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ମକର ସଂକ୍ରାନ୍ତି ଅବସରରେ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି । ମୋଦି ଏକ୍ସରେ ପୋଷ୍ଟ କରି କହିଛନ୍ତି, ମକର ସଂକ୍ରାନ୍ତିରେ ଅନେକ ଅନେକ ଶୁଭେଚ୍ଛା ଓ ଶୁଭ କାମନା । ଉତ୍ତରାୟଣ ସୂର୍ଯ୍ୟଙ୍କୁ ସମର୍ପିତ ଏହି ପବିତ୍ର ଉସôବ ସଭିଙ୍କ ଜୀବନରେ ନୂଆ ଶକ୍ତି ଓ ନୂଆ ଉସôାହ ଆଣୁ । ସୋମବାର ମୋଦି କେନ୍ଦ୍ରୀୟ ମନ୍ତ୍ରୀମଣ୍ଡଳରେ ଥିବା ତାଙ୍କ ସହଯୋଗୀ ଏବଂ ଭାରତୀୟ ଜନତା ପାର୍ଟି (ବିଜେପି) ତେଲେଙ୍ଗାନା ୟୁନିଟ୍ ଅଧ୍ୟକ୍ଷ ଜି କିଶନ ରେଡ୍ଡୀଙ୍କ ବାସଭବନରେ ସଂକ୍ରାନ୍ତି ଉସôବରେ ଯୋଗ ଦେଇଥିଲେ । ସେ ରାଜଧାନୀ ଦିଲ୍ଲୀର ନାରାୟଣ ବିହାର ଅଞ୍ଚଳରେ ଲୋହରୀ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ମଧ୍ୟ ଯୋଗ ଦେଇଥିଲେ ଏବଂ କୃଷି ସହ ଜଡିତ ଏହି ପର୍ବ ପାଇଁ ଦେଶବାସୀଙ୍କୁ ଶୁଭେଚ୍ଛା ଜଣାଇଥିଲେ ।
ମକର ସଂକ୍ରାନ୍ତି ସହିତ ଲୋକମାନେ ‘ଉତ୍ତରାୟଣ' ମଧ୍ୟ ପାଳନ କରୁଛନ୍ତି, ଯାହା କି ସୂର୍ଯ୍ୟର ଦକ୍ଷିଣ ଗୋଲାର୍ଦ୍ଧରୁ ଉତ୍ତର ଗୋଲାର୍ଦ୍ଧକୁ ପରିବର୍ତ୍ତନର ଏକ ଜ୍ୟୋତିର୍ବିଜ୍ଞାନୀ ଘଟଣା । ହିନ୍ଦୁ ଧର୍ମଶାସ୍ତ୍ରରେ ଏହା ଏକ ଶୁଭ ସମୟ ବୋଲି ବିବେଚନା କରାଯାଏ । ପ୍ରାଚୀନ ବୈଦିକ ବିଶ୍ୱାସ ଅନୁଯାୟୀ ଦକ୍ଷିଣାୟନରୁ ଉତ୍ତରାୟଣ ପର୍ଯ୍ୟନ୍ତ ସୂର୍ଯ୍ୟଙ୍କ ଗତି ଗୁରୁତ୍ୱପୂର୍ଣ୍ଣ ଅଟେ । ଏହି ପର୍ବ ସମସ୍ତଙ୍କ ଜୀବନରେ ସଫଳତା ଓ ଖୁସି ଆଣିଦେଇ । ମାଘ ବିହୁ, ଯାହାକୁ ଭୋଗଲି ବିହୁ ବା ମଘୋର ବିହୁ ମଧ୍ୟ କୁହାଯାଏ । ଏହା ଆସାମର ଅନ୍ୟତମ ପ୍ରତୀକ୍ଷିତ ପର୍ବ, ଅମଳ ଋତୁର ଏକ ଜୀବନ୍ତ ଉସôବ ଯାହା ନୂତନ ବର୍ଷରେ ପରିବର୍ତ୍ତନକୁ ଚିହ୍ନିତ କରେ । ଏହା ଏକ ଉତ୍ତମ ଅମଳ ପାଇଁ କୃତଜ୍ଞତା ଜ୍ଞାପନ କରିବା ଏବଂ ଆସାମର ସମୃଦ୍ଧ କୃଷି ଐତିହ୍ୟକୁ ପାଳନ କରିବାର ଏକ ପର୍ବ । ମକର ସଂକ୍ରାନ୍ତି ପର୍ବ ବିଭିନ୍ନ ରାଜ୍ୟରେ ଭିନ୍ନ ଭିନ୍ନ ନାମରେ ଜଣାଶୁଣା ଏବଂ ଭିନ୍ନ ପଦ୍ଧତିରେ ମଧ୍ୟ ପାଳନ କରାଯାଏ । ଉତ୍ତର ଭାରତରେ ଏହାକୁ ମକର ସଂକ୍ରାନ୍ତି କୁହାଯାଏ । ତାମିଲନାଡୁରେ ଏହି ପର୍ବ ପୋଙ୍ଗଲ ନାମରେ ଜଣାଶୁଣା । ଆସାମରେ ଏହାକୁ ମାଘ ବିହୁ ଏବଂ ଗୁଜରାଟରେ ଏହାକୁ ଉତ୍ତରାୟଣ କୁହାଯାଏ । ଏହି ପର୍ବ ଫସଲ ସହିତ ଜଡିତ ।
