ପୂର୍ଣ୍ଣତା ପ୍ରାପ୍ତି ପାଇଁ ସମୟ
Rasmita Behera
ଆଜ୍ଞା ନମସ୍କାର,
ଛୋଟ କଥାର ବଡ ବିଚାର ‘ଅମୃତ ବିନ୍ଦୁ ।' 'ଅମୃତ ବିନ୍ଦୁ'ର ଆଜିର ଅଧ୍ୟାୟରେ ଆମେ ଅନୁଶୀଳନ କରିବା ପୂର୍ଣ୍ଣତା ପ୍ରାପ୍ତି ପାଇଁ ସମୟର ଆବଶ୍ୟକତା କେତେ ? ସବୁଦିନ ଭଳି ଆଜିର ଅଳ୍ପ କଥାକୁ ଆପଣ ଗ୍ରହଣ କରିବେ, ବିଚାରିବେ, ବୁଝିବେ ବୋଲି ଆଶା ।
ଯେତେବେଳେ ମାଳୀଟିଏ ଚାରାଟିଏ ଲଗାଏ, ପାଣି ଦେଇ ଯନô କରେ; ସେ ସେହି ଚାରାଟିକୁ ଉଚିତ୍ ସମୟ ପୂର୍ବରୁ ତାକୁ ବ?ାଇପାରେ ନାହିଁ । କାରଣ ବୃଦ୍ଧି ହେବା ସମୟ ଉପରେ ନିର୍ଭର କରିଥାଏ । ନିର୍ଦ୍ଦିଷ୍ଟ କେତେଦିନ, କେତେ ମାସର ସମୟ ପରେ ଚାରାଟି ବଡ ହେଲେ ଫୁଲଫଳ ଧରିଥାଏ । ଗଛଟିଏ ଚାରାରୁ ବଡ ହେବା ପର୍ଯ୍ୟନ୍ତ ଏକ ଅପେକ୍ଷାର ଆବଶ୍ୟକତା ଥାଏ ।
ଏହି ଚାରାର ଉଦାହରଣ ଆମ ଜୀବନର ପ୍ରତିଟି କ୍ଷେତ୍ରରେ ଲାଗୁ ବୋଲି ବୁଝନ୍ତୁ । ଜୀବନର ପ୍ରାୟ ପର୍ଯ୍ୟାୟରେ ଅନେକ କାର୍ଯ୍ୟରେ ଆମର ଅପେକ୍ଷା ରହେନି । ମୂଳରୁ ସଫଳତା ଚାହିଁ ବସୁଛେ । ଧୈର୍ଯ୍ୟ ଧରିବାକୁ ଆମେ ଚାହୁଁ ନାହେଁ । ଯେଉଁଥି ପାଇଁ ପ୍ରାୟ କ୍ଷେତ୍ରରେ ବିଫଳତାର ସ୍ୱାଦ ଚାଖିବାକୁ ପଡୁଛି । ଏଇଠୁ ଆରମ୍ଭ ଅଶାନ୍ତି । ତା'ପରର ସ୍ଥିତି ଆପଣମାନେ ବୁଝିପାରୁଥିବେ ।
ସମସ୍ୟାର ମୂଳରେ ଅଛି ଆମର କର୍ତ୍ତୃତ୍ୱ । କିନ୍ତୁ ଆମେ ଏହାର ଉପଲବ୍ଧି କରିପାରୁନାହୁଁ । ନିଜ ଦ୍ୱାରା କରାଯାଇଥିବା କର୍ମ ପାଇଁ ଶେଷରେ ଅନ୍ୟ ଉପରେ ଦୋଷ ଦେଇଥାଉ, ନତୁବା ନିଜ କପାଳକୁ ହିଁ ନିନ୍ଦିଥାଉ ।
ଗୋଟିଏ ଛୋଟ ବର ମଞ୍ଜିରେ ଏକ ବୃହଦ୍ ସୃଷ୍ଟିର ସଂରଚନା ନିହତ ଥାଏ । କିନ୍ତୁ ଏହା ସେତେବେଳେ ନିଜ ସ୍ୱରୂପକୁ ପରିପ୍ରକାଶ କରେ, ଯେତେବେଳେ ମଞ୍ଜିଟି ଏକ ଉର୍ବର ଜମିରେ ଅଙ୍କୁରୋଦ୍ଗମ ହେବାର ସମୟ ଉପନୀତ ହୋଇଥାଏ ।
ଜୀବନର ଯେକୌଣସି କ୍ଷେତ୍ରରେ ଏକ ପୂର୍ଣ୍ଣତା ପାଇବା ପାଇଁ ଆମକୁ ଧୈର୍ଯ୍ୟ ଧରିବାକୁ ପଡିବ ଏବଂ ଅପେକ୍ଷା ହିଁ କରିବାକୁ ପଡିବ ।
ପଢିଥିବା ହେତୁ ଆପଣଂକ ନିକଟରେ କୃତଜ୍ଞ । ନମସ୍କାର ।
