ବାଇକ ଧକ୍କାରେ ଯୁବକ ମୃତୁ୍ୟ ; ଚାଳକ ଗିରଫ
Jitendra Sahu
ଭୁବନେଶ୍ୱର, ୧୨ା୪ : ପଛପଟୁ ଏକ ଆପାଚେ ବାଇକ ଧକ୍କାରେ ଯୁବକ ଚିକିତ୍ସାଧିନ ଅବସ୍ଥାରେ ହସ୍ପିଟାଲରେ ମୃତୁ୍ୟ । ବାଇକ ଚାଳକଙ୍କୁ ବାନ୍ଦିଲା ସହିଦନଗର ଥାନା ପୁଲିସ । ଗିରଫ ଅଭିଯୁକ୍ତ ହେଲେ, ମଞ୍ଚେଶ୍ୱର ଥାନା ଅଧିନ ରସୁଲଗଡ଼ ଅଞ୍ଚଳର ଆୟୁସ କୁମାର ସିଂ । ଆଜି ତାଙ୍କୁ ଥାନା କେସ ନମ୍ବର ୧୯୪ରେ ମାମଲା ରୁଜୁ କରାଯାଇ ଦଫା ୨୭୯,୩୦୪(ଏ) ଆଇପିସି ଧାରାରେ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟ ଯେ, ଗତ ତା ୩୦.୦୩.୨୦୨୪ ରିଖ ସକାଳେ ନିରଞ୍ଜନ ନାୟକ ନିଜ କର୍ମ ସ୍ଥଳରୁ ସ୍କୁଟିରେ ଘରକୁ ଫେରୁଥିବା ବେଳେ ଭିଏସଏସ ନଗର ଫ୍ଲାଏ ଓଭର ବ୍ରିଜ୍ ଉପରେ ଅଭିଯୁକ୍ତ ଏକ ଟିଭିଏସ୍ ଆପାଚେ ବାଇକ ଯୋଗେ ପଛ ପଟୁ ଦୃତ ଗତିରେ ଆସି ତାଙ୍କୁ ଏକ ଶକ୍ତ ଧକ୍କା ଦେଇଥିଲେ । ଯାହାଫଳରେ ସେ ତଳେ ପଡିଯାଇ ଗୁରୁତର ଆହତ ହୋଇଥିବା ବେଳେ ପ୍ରଥମେ ତାଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲ ପରେ ଆମ୍ରି ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ସେ ସେଠାରେ ଚିକିତ୍ସିତ ହେଉଥିବା ବେଳେ ଗତ ୧ ତାରିଖ ରାତିରେ ତାଙ୍କର ମୃତୁ୍ୟ ଘଟିଛି । ଏନେଇ ପୁଲିସ ୨ଟି ବାଇକ ଜବତ କରିବା ସହ ଅଭିଯୁକ୍ତକୁ ଆଜି ଗିରଫ କରି କୋର୍ଟ ଚାଲାଣ କରିଛି ।
