ବ୍ରିଜ୍ ଉପରେ ୩ ଟ୍ରକ୍ ପିଟାପିଟି
Rasmita Behera
4916
ବଲାଙ୍ଗୀର-ସମ୍ବଲପୁର ଜାତୀୟ ରାଜପଥ ନଂ ୨୬ର ଫାସଡ଼ ସୁକତେଲ ବ୍ରିଜ୍ ନିକଟରେ ଏକ ସଡ଼କ ଦୁର୍ଘଟଣା ହୋଇଛି। ଶୁକ୍ରବାର ବିଳମ୍ବିତ ରାତିରେ ଦୁଇଟି ଟ୍ୟାଙ୍କର ଓ ଗୋଟିଏ ଟ୍ରକ୍ ପରସ୍ପର ଭିତରେ ପିଟି ହୋଇଛନ୍ତି।ବ୍ରିଜ୍ ଉପରେ ତିନୋଟି ଟ୍ରକ୍ ଦୁର୍ଘଟଣାଗ୍ରସ୍ତ ହୋଇ ଫସି ରହିଥିବାରୁ, ସେହି ରାସ୍ତାରେ ଗାଡ଼ି ଚଳାଚଳ ବନ୍ଦ ରହିଛି। ଦୀର୍ଘ ୬ ଘଣ୍ଟା ହେଲା ରାସ୍ତାରେ ଗାଡି ଚଳାଚଳ କରିପାରିନାହ। ସେପଟେ କୌଣସି ଲୋକ ଆହତ ହୋଇ ନ ଥିବା ଜଣାପଡ଼ିଛି। ଲୋଇସିଂହା ପୋଲିସ କ୍ରେନ୍ ସହାୟତାରେ ରାସ୍ତାରୁ ଟ୍ରକ୍ ହଟାଇବାକୁ ଚେଷ୍ଟା ଜାରି ରଖିଛି।
