ସିଜେଆଇଙ୍କ ‘ଯାଅ ଦେବତାଙ୍କୁ ପଚାର’ ମନ୍ତବ୍ୟ "ସବୁ ଧର୍ମକୁ ସମ୍ମାନ କରେ'

 ନୂଆଦିଲ୍ଲୀ: ମଧ୍ୟପ୍ରଦେଶରେ ଏକ କ୍ଷତିଗ୍ରସ୍ତ ବିଷ୍ଣୁ ମୂର୍ତ୍ତିର ପୁନରୁଦ୍ଧାର ସହିତ ଜଡିତ ଏକ ଆବେଦନର ଶୁଣାଣି ସମୟରେ ତାଙ୍କ ମନ୍ତବ୍ୟ ଉପରେ ସମାଲୋଚନାର ଜବାବରେ ଭାରତର ମୁଖ୍ୟ ବିଚାରପତି ବି.ଆର. ଗଭାଇ ଗୁରୁବାର ସ୍ପଷ୍ଟ କରିଛନ୍ତି ଯେ ତାଙ୍କ ମନ୍ତବ୍ୟକୁ ଭୁଲ ଭାବରେ ଉପସ୍ଥାପନ କରାଯାଇଛି । ସେ ଜୋର ଦେଇ କହିଛନ୍ତି ଯେ  ସମସ୍ତ ଧର୍ମକୁ ସମ୍ମାନ କରନ୍ତି । ଅନ୍ୟ ଏକ ମାମଲାର ଶୁଣାଣି ସମୟରେ ସଲିସିଟର ଜେନେରାଲ ତୁଷାର ମେହଟା କହିଛନ୍ତି ଯେ ଆଜିର ସମୟରେ ପ୍ରତ୍ୟେକ କାର୍ଯ୍ୟର ଏକ ଅସମାନ ସାମାଜିକ ଗଣମାଧ୍ୟମ ପ୍ରତିକ୍ରିୟା ଅଛି । ଯେତେବେଳେ ବରିଷ୍ଠ ଓକିଲ କପିଲ ସିବଲ ସୋସିଆଲ ମିଡିଆକୁ "ଏକ ଅଶାନ୍ତ ଘୋଡା’ ବୋଲି କହିଛନ୍ତି । ଯାହାକୁ ନିୟନ୍ତ୍ରଣ କରାଯାଇପାରିବ ନାହିଁ । ମୁଖ୍ୟ ବିଚାରପତିଙ୍କ ନେତୃତ୍ୱରେ ଏକ ଖଣ୍ଡପୀଠ ଜାଭାରୀ ମନ୍ଦିରରେ ୭ ଫୁଟ ଉଚ୍ଚÿ ମୂର୍ତ୍ତିର ପୁନରୁଦ୍ଧାର ପାଇଁ ଆବେଦନକୁ ଖାରଜ କରିଦେଇଥିଲେ । କହିଥିଲେ ଯେ ଏହି ମାମଲା ଭାରତୀୟ ପ୍ରନôତତ୍ତ୍ୱ ସର୍ବେକ୍ଷଣ (ଏଏସଆଇ) ର କ୍ଷେତ୍ରାଧିକାର ଅଧୀନରେ ଆସୁଛି । ଏହା ସମ୍ପୂର୍ଣ୍ଣ ଭାବରେ ଏକ ପ୍ରଚାର ସ୍ୱାର୍ଥ ମାମଲା । ଯାଅ ଓ ଦେବତାଙ୍କୁ ଏବେ କିଛି କରିବାକୁ କୁହ । ତୁମେ କହୁଛ ଯେ ତୁମେ ଭଗବାନ ବିଷ୍ଣୁଙ୍କ ଜଣେ ଦୃଢ଼ ଭକ୍ତ । ତେଣୁ ଏବେ ଯାଅ ଓ ପ୍ରାର୍ଥନା କର ବୋଲି ଖଣ୍ଡପୀଠ ଆବେଦନକାରୀଙ୍କୁ କହିଥିଲେ । ଆଜିର ଶୁଣାଣି ସମୟରେ ପ୍ରଧାନ ବିଚାରପତି କହିଛନ୍ତି, କେହି ଜଣେ ମୋତେ କହିଥିଲେ ଯେ ମୁଁ ଯେଉଁ ମନ୍ତବ୍ୟ ଦେଇଛି ତାହା ସୋସିଆଲ ମିଡିଆରେ ପୋଷ୍ଟ ହୋଇଛି । ମୁଁ ସମସ୍ତ ଧର୍ମକୁ ସମ୍ମାନ କରେ ବୋଲି ସେ ପୁଣି ଥରେ କହିଥିଲେ । ସାମାଜିକ ଗଣମାଧ୍ୟମ ମନ୍ତବ୍ୟକୁ ସମାଲୋଚନା କରି ସଲିସିଟର ଜେନେରାଲ କହିଛନ୍ତି, ଏହା ଗମ୍ଭୀର । ଆମେ ପୂର୍ବରୁ ନୁ୍ୟଟନଙ୍କ ନିୟମ ଜାଣିଥିଲୁ ଯେ ପ୍ରତ୍ୟେକ କାର୍ଯ୍ୟର ସମାନ ପ୍ରତିକ୍ରିୟା ଥାଏ, ଏବେ ପ୍ରତ୍ୟେକ କାର୍ଯ୍ୟର ଅସମାନ ସାମାଜିକ ଗଣମାଧ୍ୟମ ପ୍ରତିକ୍ରିୟା ଥାଏ ।
ଏହି ସମୟରେ ସିବଲ ଆହୁରି ମଧ୍ୟ କହିଛନ୍ତି, ଆମେ ପ୍ରତିଦିନ କଷ୍ଟ ପାଉଛୁ, ଏହା ଏକ ଅବାଧ୍ୟ ଘୋଡା ଓ ଏହାକୁ ନିୟନ୍ତ୍ରଣ କରିବାର କୌଣସି ଉପାୟ ନାହିଁ ।
ପ୍ରଧାନ ବିଚାରପତିଙ୍କ ମନ୍ତବ୍ୟ ସୋସିଆଲ ମିଡିଆରେ ଭାଇରାଲ ହେବା ପରେ ବ୍ୟବହାରକାରୀମାନେ ଏହାକୁ ସମାଲୋଚନା କରି କହିଥିଲେ ଯେ ଏହା ଧାର୍ମିକ ଭାବନାକୁ ଆଘାତ କରୁଛି । ତାଙ୍କୁ ବହିଷ୍କାର ପାଇଁ ମଧ୍ୟ ଆହ୍ୱାନ କରାଯାଇଥିଲା ।
ଅନେକ ଓକିଲ ମୁଖ୍ୟ ବିଚାରପତିଙ୍କୁ ମଧ୍ୟ ଚିଠି ଲେଖି ସ୍ପଷ୍ଟୀକରଣ ଜାରି କରିବାକୁ ଓ ତାଙ୍କର ମନ୍ତବ୍ୟ ପ୍ରତ୍ୟାହାର କରିବାକୁ କହିଥିଲେ ।