ଯୁବକଙ୍କ ଅକାଳ ବିୟୋଗ
Rasmita Behera
4475
ନୀଳଗିରି: ରେମୁଣା ବ୍ଲକ ଅଧିନ ସେରଗଡ଼ ଅଞ୍ଚଳର ପୂର୍ବତନ କ୍ରିକେଟ ଖେଳାଳିଙ୍କ ଅକାଳ ବିୟୋଗ ଘଟିଛି । ସେରଗଡ଼ ଅଞ୍ଚଳର ସୁବ୍ରତ ସେନାପତି ଓରଫ ବାବୁଲି ଚେନ୍ନାଇ ରେ ରହି ବ୍ୟବସାୟ କରିଥିଲେ । ସେ କିଡନୀ ଜନିତ ରୋଗରେ ବହୁଦିନରେ ପୀଡିତ ହୋଇ ଚିକିସôିତ ହେଉଥିଲେ । ଗତ ବୁଧବାର ରାତିରେ ତାଙ୍କ ଦେହ ଅସୁସ୍ଥ ହୋଇପଡିଥିଲେ ।ଶେଷରେ ତାଙ୍କର ଦେହାନ୍ତ ହୋଇଥିବା ଜଣାପଡିଛି ।ଆଜି ତାଙ୍କ ମରଶରୀରକୁ ଜନ୍ମସ୍ଥାନରେ ପହଁଚିବା ପରେ ଅନ୍ତିମ ସଂସ୍କାର କରାଯାଇଛି । ସୁବ୍ରତ ନୀଳଗିରି କେସି ହାଇସ୍କୁଲ ଓ ନୀଳଗିରି କଲେଜ ରେ ପାଠ ପଢୁଥିଲେ । ଜଣେ କ୍ରିକେଟରେ ଶ୍ରେଷ୍ଠ ଖେଳାଳି ଭାବେ ପରିଚିତ ଥିଲେ । ପୂର୍ବତନ ଛାତ୍ର ସୁରଞ୍ଜନ ମହାପାତ୍ର, ଦୀପ୍ତିକାନ୍ତ ପୃଷ୍ଟି,ଗଣେଶ ଖୁଣ୍ଟିଆ, ମନୋଜ ମହାନ୍ତି, ସୁଶାନ୍ତ ପତିଙ୍କ ସମେତ ବହୁ ପୁରାତନ ଛାତ୍ର ଓ କ୍ରିକେଟ ପ୍ରେମୀମାନେ ଅନ୍ତିମ ଦର୍ଶନ କରି ଶ୍ରଦ୍ଧାଞ୍ଜଳି ଦେଇଥିଲେ ।
