ଖାଲି ହେଇଯିବ ବିଜେଡ଼ି : ମନମୋହନ
Manmohan Samal
Ramachandi Prasad
4499
ଭୁବନେଶ୍ୱର : ବିଜେଡ଼ି ଖାଲି ହୋଇଯିବ । ସେ ଦଳରେ ଆଉ ନେତା ରହିବେନି । ଏବେ ଦୁଇ ଜଣ ରାଜ୍ୟସଭା ସାଂସଦ ବିଜେଡ଼ି ଛାଡ଼ି ବିଜେପିକୁ ଆସି ସାରିଛନ୍ତି । ଆହୁରି ଅନେକ ନେତା ବିଜେପିକୁ ଆସିବା ପାଇଁ ଆବେଦନ କରିଛନ୍ତି । ଆଗକୁ ଆହୁରି ଅନେକ ନେତା ଦଳରେ ମିଶିବାକୁ ଚାହୁଁଛନ୍ତି । ଏନେଇ ଦଳ ସବୁ କଥା ଅନୁଶୀଳନ କରୁଛି । ଠିକ୍ ସମୟରେ ବିଜେଡ଼ିର ବହୁ ନେତା ବିଜେପିକୁ ଆସିବେ । ବିଜେପି ରାଜ୍ୟ ସଭାପତି ମନମୋହନ ସାମଲ ଏହା କହିଛନ୍ତି ।
ଆଜିଠାରୁ ବିଜୁ ଜନତା ଦଳର ପଦଯାତ୍ରା ଆରମ୍ଭ ହୋଇଛି । ପଦଯାତ୍ରା ବେଳେ ବିଜେଡ଼ି ନେତା ନବୀନ ସରକାରଙ୍କ କଥା ମନେପକାଇ ବିଜେପି ଉପରେ ବର୍ଷିଛି । ସେପଟେ ବିଜେପି ମଧ୍ୟ ସଭ୍ୟ ସଂଗ୍ରହ ଅଭିଯାନ ଜୋରଦାର କରିଛି । ବିଜେଡ଼ିରେ ଗୋଷ୍ଠୀକନ୍ଦଳ ବଢିବାରେ ଲାଗିଛି । ଶଙ୍ଖ ଭବନରେ ପ୍ରତିଦିନ କିଛି ନା କିଛି କଳି ପଦାକୁ ଆସୁଛି । ଯାହାକି ନବୀନଙ୍କୁ ଚିନ୍ତାରେ ପକାଇଦେଇଛି ।
