ପାଣ୍ଡିଆନ୍ ମୋ ଉତ୍ତରାଧିକାରୀ ନୁହଁନ୍ତି : ନବୀନ
VK pandian Naveen Pattanaik
Rasmita Behera
ପାଣ୍ଡିଆନ୍ ମୋ ଉତ୍ତରାଧିକାରୀ ନୁହଁନ୍ତି । ଏକଥା ସ୍ପଷ୍ଟ କରିଛନ୍ତି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ । ଏଏନଆଇକୁ ସାକ୍ଷାତକାରରେ ନବୀନ କହିଛନ୍ତିଯେ, ଚଳିତ ନିର୍ବାଚନରେ ଉଭୟ ବିଧାନସଭା ଓ ଲୋକସଭାରେ ଆମେ ଭଲ ପ୍ରଦର୍ଶନ କରିବୁ । ବିଜେଡ଼ି ବହୁତ ସୁନ୍ଦର ରେଜଲ୍ଟ କରିବ । ଲୋକସଭାରେ ବି ସଂଖ୍ୟାଗରିଷ୍ଠ ପାଇବୁ । ଭିକେ ପାଣ୍ଡିଆନଙ୍କ ସଂକ୍ରାନ୍ତୀୟ ପ୍ରଶ୍ନର ଉତ୍ତର ବି ସେ ରଖିଛନ୍ତି । ସେ କହିଛନ୍ତିଯେ, ପାଣ୍ଡିଆନ ତାଙ୍କ ଉତ୍ତରାଧିକାରୀ ନୁହଁନ୍ତି । ତାଙ୍କ ଉତ୍ତରାଧିକାରୀ ଓଡ଼ିଶାବାସୀ ସ୍ଥିର କରିବେ ।
ସୂଚନାଯୋଗ୍ୟଯେ, ଗତ କିଛିଦିନ ଧରି ଏଭଳି ଚର୍ଚ୍ଚା ଜୋର ଧରିଛି । ତେବେ ପାଣ୍ଡିଆନ୍ ମଧ୍ୟ ପୂର୍ବରୁ ଏନେଇ ସ୍ପଷ୍ଟୀକରଣ ଦେଇଥିଲେ । ସେ ନବୀନଙ୍କ ସୈନିକ ଭାବେ କାର୍ଯ୍ୟ କରୁଛନ୍ତି । ନବୀନଙ୍କ ଉତ୍ତରାଧିକାରୀ ଓଡ଼ିଶାବାସୀ ବାଛିବେ ବୋଲି କହିଥିଲେ । ଗତକାଲି ସ୍ୱାସ୍ଥ୍ୟବସ୍ଥାକୁ ନେଇ ମଧ୍ୟ ନବୀନ ବିଜେପି ଉପରେ ବର୍ଷିଥିଲେ । ସେ ସୁସ୍ଥ ଅଛନ୍ତି, ପ୍ରଚାର କରୁଛନ୍ତି ବୋଲି କହିବା ସହ ଓଡ଼ିଶାବାସୀ ତାଙ୍କ ଅପମାନର ଜବାବ ଦେବେବୋଲି କହିଥିଲେ ।
