ଦିଲ୍ଲୀରେ ମର୍ସିଡିଜ କାର ଧକ୍କାରେ ସାଇକେଲ ଚାଳକଙ୍କ ମୃତ୍ୟୁ
Rasmita Behera
5364
ନୂଆଦିଲ୍ଲୀରୁ ଆସିଲା ହିଟ୍ ଆଣ୍ଡ୍ ରନ ମାମଲା। ସାଇକେଲ ଚଳାଇ ଘରକୁ ଫେରୁଥିବା ସମୟରେ ମାଡ଼ିଗଲା ମସର୍ଡିଜ କାର, ଘଟଣାସ୍ଥଳରେ ଚାଲିଗଲା ବ୍ୟକ୍ତିଙ୍କ ଜୀବନ। ଶନିବାର ରାତିରେ ସାଉଥ ଇଷ୍ଟ ଦିଲ୍ଲୀ ସ୍ଥିତ ଆଶ୍ରମ ଅଞ୍ଚଳରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ରାୟପୁରର ଯୁବକ ରାଜେଶ ଭୋଗଲ ଫ୍ଲାଇଓଭରରେ ସାଇକେଲ ଯୋଗେ ଯାଉଥିବା ସମୟରେ ପଛରୁ ଦ୍ରୁତ ଗତିରେ ଆସୁଥିବା ମସର୍ଡିଜ କାର ସାଇକେଲକୁ ପିଟି ଫେରାର ହୋଇଥିଲା। ଘଟଣା ସ୍ଥଳରେ ରାଜେଶଙ୍କ ମୃତ୍ୟୁ ହୋଇଥିଲା। ଦୁର୍ଘଟଣାର ୧୨ ଘଣ୍ଟା ପରେ ମର୍ସିଡିଜ କାର ଚାଳକଙ୍କୁ ଗିରଫ କରିଛି ଦିଲ୍ଲୀ ପୁଲିସ।
ସିସିଟିଭି ଫୁଟେଜ ଆଧାରରେ ଅଭିଯୁକ୍ତ କାର ଚାଳକକୁ ଗିରଫ କରାଯାଇଛି। କିଛି ଦିନ ତଳେ ଦିଲ୍ଲୀ କଲ୍ୟାଣପୁରୀ ଅଞ୍ଚଳରେ ମଧ୍ୟ ଏଭଳି ଦୁର୍ଘଟଣା ସାମ୍ନାକୁ ଆସିଥିଲା। ଦ୍ରୁତ ଗତିରେ ଗୋଟିଏ କାର୍ ଅନେକ ଲୋକଙ୍କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ୧୦ଜଣ ଗୁରୁତର ଭାବେ ଆହତ ହୋଇ ଲାଲ ବାହାଦୂର ଶାସ୍ତ୍ରୀ ହସ୍ପିଟାଲରେ ଭର୍ତ୍ତି ହୋଇଥିଲେ।
