ପଦ ବଜାୟ ରଖିଲେ ନିମାପଡ଼ା ବିଜେଡ଼ି ଅଧ୍ୟକ୍ଷା
Rasmita Behera
4252
ଭୁବନେଶ୍ବର: ମଙ୍ଗଳବାର ନିମାପଡ଼ା ଅଧ୍ୟକ୍ଷାଙ୍କ ବିରୋଧରେ ହୋଇଥିବା ଆନସ୍ତା ପ୍ରସ୍ତାବକୁ ନେଇ ପୁରୀ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଏନଏ ସି ଅଫିସ ମଧ୍ୟରେ କାଉନସିଲର ମାନଙ୍କ ଭୋଟିଂ କାର୍ୟ୍ୟକ୍ରମ କରାଯାଇଥିଲା। ତେବେ ଏହି ଅନାସ୍ଥା ପ୍ରସ୍ତାବ ଖାରଜ ହୋଇଛି। ପଦ ବଜାୟ ରଖିଛନ୍ତି ସସ୍ମିତା ସାହୁ। ସୂଚନା ଅନୁଯାୟୀ, ପ୍ରଶାସନ ପକ୍ଷରୁ ସମ୍ପୂର୍ଣ୍ଣ ଶାନ୍ତି ଶୃଙ୍ଖଳାର ସହିତ ଭୋଟିଂ ଶେଷ ହୋଇଥିଲା । ଏହି କାର୍ୟ୍ୟକ୍ରମରେ ପୁରୀ ଉପ ଜିଲ୍ଲାପାଳ ଗୋପୀନାଥ କଅଁର, କାର୍ୟ୍ୟ ନିର୍ବାହୀ ଅଧିକାରୀ ସରୋଜ ଆଚାର୍ୟ୍ୟ ସମତେ କଡା ସୁରକ୍ଷା ବଳୟ ଭିତରେ ଭୋଟିଂ ସମ୍ପୂର୍ଣ୍ଣ ହୋଇଥିଲା। ୧୧ ସଦସ୍ୟ ବିଶିଷ୍ଟ ଏନ୍ଏସିରେ ଆଜି ଭୋଟ ଦେଇଥିଲେ ୮ ଜଣ । ସେଥିମଧ୍ୟରୁ ଜଣଙ୍କ ଭୋଟ ନାକଚ ହୋଇଯାଇଥିଲା। ବିଜେଡିର ୧, ବିଜେପିର ୧, ଜଣେ ସ୍ୱାଧୀନ ଭୋଟ୍ ଦେଇ ନ ଥିଲେ।
