ପରିସ୍ରାର ରଙ୍ଗ ବାରମ୍ବାର ବଦଳୁଛି କି ?

କୁହାଯାଏ , ସ୍ବାସ୍ଥ୍ୟ ହିଁ ସଂପଦ । ଆପଣ ବେଳେ ବେଳେ ଲକ୍ଷ୍ୟ କରିଥିବେ ଯଦି ରାତିରେ ଭଲରେ ନିଦ ହୋଇନଥିବ ତାହେଲେ ସକାଳୁ କେହି ନା କେହି ମୁହଁକୁ ଦେଖି କହିବେ , ଆରେ ରାତିରେ ଶୋଇନୁ କି ?  କ ଆପଣ ଭଲରେ ଶୋଇପାରିନାହାନ୍ତି ବୋଲି ସାମ୍ନା ଲୋକଟି ଜାଣିଲା କିପରି !   ଆଭ୍ୟନ୍ତର ହେଉ କି ବାହ୍ୟ ଆମ ଶରୀର ଯେତେବେଳେ ଅସୁସ୍ଥତା ଆଡକୁ ଗତି କରେ ସେତେବେଳେ ଏହାର କିଛି ଲକ୍ଷଣ ଦେଖାଯାଇଥାଏ । ଏମିତି ହିଁ କିଛି ଲକ୍ଷଣ ଆମ ପରିଶ୍ରା ମାଧ୍ୟମରେ ମଧ୍ୟ ଜଣାପଡିଥାଏ ।ପରିଶ୍ରାର ରଙ୍ଗ କହିଥାଏ ଆପଣଙ୍କ ଦେହ କେତେ ସୁସ୍ଥ ଅଛି ।  

ଆମ ଶରୀର ଭିତରେ ଯାହା କିଛି ପରିବର୍ତ୍ତନ ହୁଏ, ତାହାର ସଙ୍କେତ ଆମକୁ ବାହାରେ ଦେଖାଯାଏ । ସେଥିମଧ୍ୟରୁ ଗୋଟିଏ ହେଉଛି ପରିସ୍ରାର ରଙ୍ଗ ।  ସାଧାରଣତଃ ପରିସ୍ରାର ରଙ୍ଗ ହଳଦିଆ ହୋଇଥାଏ ଏବଂ ଯେତେବେଳେ ଆପଣ ସମ୍ପୂର୍ଣ୍ଣ ଭାବେ ହାଇଡ୍ରେଟେଡ୍ ରୁହନ୍ତି, ସେତେବେଳେ ଫିକା ହଳଦିଆ ଦେଖାଯାଏ । ପରିସ୍ରାର ରଙ୍ଗ ଯେତେ ଗାଢ଼ ହୁଏ,  ଶରୀର ଭିତରେ ରୋଗର ଆଶଙ୍କା ମଧ୍ୟ ସେତେ ବଢ଼ିଯାଏ । ଏଥିରେ ୟୁରୋକ୍ରୋମ ନାମକ ଏକ ରାସାୟନିକ ପଦାର୍ଥ ମିଳିଥାଏ । ୟୁରୋକ୍ରୋମ ଏକ ହଳଦିଆ ରଙ୍ଗର ପିଗମେଣ୍ଟ, ଯେଉଁ କାରଣରୁ ପରିସ୍ରାର ରଙ୍ଗ ହଳଦିଆ ଦେଖାଯାଏ । ଆପଣ ବହୁତ ଥର ଦେଖିଥିବେ ଯେତେବେଳେ ଆପଣ ଡିହାଇଡ୍ରେଟେଡ୍ ରୁହନ୍ତି, ସେତେବେଳେ ଏହାର ରଙ୍ଗ ବହୁତ ଗାଢ଼ ଏବଂ ହାଲୁକା ମାଟିଆ ରଙ୍ଗର ହୋଇଥାଏ, ଅନ୍ୟପଟେ ବେଳେ ବେଳେ କିଛି ଜିନିଷ ଖାଇବା କାରଣରୁ ଏବଂ ଔଷଧ ଖାଇବା କାରଣରୁ ମଧ୍ୟ ପରିସ୍ରାର ରଙ୍ଗ ବଦଳିଯାଏ ।  

ଯଦି ଆପଣଙ୍କ ପରିସ୍ରା ଟ୍ରାନ୍ସପରେଣ୍ଟ ରଙ୍ଗର ଦେଖାଯାଏ, ତେବେ ଏହାର ଅର୍ଥ ହେଉଛି ଆପଣ ଅତ୍ୟଧିକ ପରିମାଣରେ ପାଣି ପିଉଛନ୍ତି ।  ହାଇଡ୍ରେଟେଡ୍ ରହିବା ଏକ ଭଲ କଥା, କିନ୍ତୁ ଅତ୍ୟଧିକ ପରିମାଣରେ ପାଣି ପିଇବା ଦ୍ୱାରା ଆପଣଙ୍କ ଶରୀରରେ  ଇଲେକ୍ଟ୍ରୋଲାଇଟ୍ସର ଅଭାବ ହୋଇପାରେ । ଯଦି ବେଳେ ବେଳେ ପରିସ୍ରାର ରଙ୍ଗ ଟ୍ରାନ୍ସପରେଣ୍ଟ ଦେଖାଯାଏ, ତେବେ ଏଥିପାଇଁ ଭୟ କରିବାର କୌଣସି ଆବଶ୍ୟକତା ନାହିଁ, କିନ୍ତୁ ଯଦି ସବୁବେଳେ ଦେଖାଯାଏ ତେବେ ଏହା ଏହି କଥାକୁ ସୂଚିତ କରାଏ ଯେ ଆପଣ ଯେତିକି ପାଣି ପିଉଛନ୍ତି, ତାହାକୁ କମ୍ କରିବାର ଆବଶ୍ୟକତା ଅଛି । ଟ୍ରାନ୍ସପରେଣ୍ଟ ପରିସ୍ରା ସିରୋସିସ୍ ଏବଂ ଭାଇରାଲ୍ ହେପାଟାଇଟିସ୍ ପରି ଲିଭର ସମସ୍ୟାର ମଧ୍ୟ ସଙ୍କେତ ଦେଇଥାଏ ।

ୟୁରୋକ୍ରୋମ ପିଗମେଣ୍ଟ୍ କାରଣରୁ ୟୁରିନର ରଙ୍ଗ ଫିକା ହଳଦିଆରୁ ଆରମ୍ଭ କରି ଗାଢ଼ ହଳଦିଆ ଦେଖାଯାଏ । ଯେତେବେଳେ ଆପଣ ପାଣି ପିଇବା ଆରମ୍ଭ କରନ୍ତି ଏହା ପିଗମେଣ୍ଟ୍ ଡାୟଲ୍ୟୁଟ୍ ହୋଇଯାଏ । ଶରୀରରେ ହିମୋଗ୍ଲୋବିନ ଭାଙ୍ଗିବା କାରଣରୁ ୟୁରୋକ୍ରୋମ ତିଆରି ହୋଇଥାଏ । ଅନେକ ସମୟରେ ରକ୍ତରେ ଭିଟାମିନ ଡି ଅଧିକ ହେବା କାରଣରୁ ମଧ୍ୟ ପରିସ୍ରା ଫିକା ହଳଦିଆ ରଙ୍ଗର ଦେଖାଯାଏ । 

ପରିସ୍ରାର ଲାଲ ଏବଂ ଗୋଲାପୀ ରଙ୍ଗ ଏହା ଉପରେ ନିର୍ଭର କରେ ଯେ ଆପଣ କ’ଣ ଖାଇଛନ୍ତି । କିନ୍ତୁ ଏପରି ରଙ୍ଗର ପରିସ୍ରା ଅନେକ ପ୍ରକାର ରୋଗ ହେବା କାରଣରୁ ମଧ୍ୟ ହୋଇପାରେ ଯେପରି ବଢ଼ିଥିବା ପ୍ରୋଷ୍ଟେଟ, କିଡନୀ ଷ୍ଟୋନ, ବ୍ଲାଡର କିମ୍ବା କିଡନୀରେ ଟ୍ୟୁମର ଇତ୍ୟାଦି । ଅନେକ ସମୟରେ ଯେତେବେଳେ ଆପଣ ଗାଢ଼ ଲାଲ ଏବଂ ଗୋଲାପୀ ରଙ୍ଗର କୌଣସି ଖାଦ୍ୟ ଖାଇଥାନ୍ତି , ସେତେବେଳେ ଏହି କାରଣରୁ ମଧ୍ୟ ଆପଣଙ୍କ ପରିସ୍ରା ଲାଲ ଏବଂ ଗୋଲାପୀ ରଙ୍ଗର ଦେଖାଯାଏ ।

ଯଦି ଆପଣଙ୍କ ପରିସ୍ରାର ରଙ୍ଗ ନାଲି ଦେଖାଯାଏ , ତେବେ ଏହା ଶରୀରରେ ଡିହାଇଡ୍ରେସନର ସଙ୍କେତ ଦେଇଥାଏ । ଜଣ୍ଡିସ ହେଲେ ମଧ୍ୟ ପରିସ୍ରା ନାଲି ରଙ୍ଗର ଦେଖାଯାଏ । ଯଦି ଆପଣଙ୍କ ପରିସ୍ରାର ରଙ୍ଗ ନାଲି ଏବଂ ମଳର ରଙ୍ଗ ପରିବର୍ତ୍ତନ ହୋଇଥାଏ, ତେବେ ଏହାର କାରଣବାଇଲ ଜୁସ ରକ୍ତ ସ୍ରୋତରେ ଯିବା ହୋଇପାରେ । ବାଇଲ ଜୁସ ଲିଭରରୁ ବାହାରୁଥିବା ହଳଦିଆ ରଙ୍ଗର ରସ ହୋଇଥାଏ, ଏହା ଶରୀରରେ ଚର୍ବିକୁ ଭାଙ୍ଗିବାର କାମ କରିଥାଏ । ଯେତେବେଳେ ବାଇଲ ଜୁସ ଅନ୍ତନଳୀରୁ ଉପରକୁ ଉଠି ପେଟ ଏବଂ ବେକକୁ ଯାଏ, ସେତେବେଳେ ବାନ୍ତି, ମୁଣ୍ଡ ବୁଲାଇବା, ପେଟ ବ୍ୟଥା ଭଳି ସମସ୍ୟାର ସାମ୍ନା କରିବାକୁ ପଡେ । 

ଆପଣଙ୍କୁ ଜାଣି ଆଶ୍ଚର୍ଯ୍ୟ ଲାଗିବ ଯେ ପରିଶ୍ରାର ରଙ୍ଗ ବେଳେବେଳେ ନୀଳ ଏବଂ ସବୁଜ ମଧ୍ୟ ହୋଇଥାଏ । ଏପରି ରଙ୍ଗ ହେବାର କାରଣ ମଧ୍ୟ ଖାଦ୍ୟ ଉପରେ ନିର୍ଭର କରେ । ଅନେକ ପ୍ରକାର ଚକଲେଟ୍ କ୍ୟାଣ୍ଡି ଏବଂ କିଛି ଔଷଧରେ ମେଥିଲିନ୍ ବ୍ଲୁ ନାମକ ଏକ ଡାଇର ବ୍ୟବହାର କରାଯାଏ ଯାହାର ସେବନ ଦ୍ବାରା ଆପଣଙ୍କ ପରିଶ୍ରାର ରଙ୍ଗ ନୀଳ କିମ୍ବା ସବୁଜ କଲରର ହୋଇଥାଏ ।ପରିଶ୍ରାର ରଙ୍ଗ ନୀଳ କିମ୍ବା ସବୁଜ ହେଲେ ଏହା କିଡନୀ ତଥା ବ୍ଲାଡର୍ ସହିତ ଜଡିତ ଥିବା ରୋଗକୁ ଇଙ୍ଗିତ କରିଥାଏ ।  ସ୍ୟୁଡୋମୋନାସ୍ ଏରୁଗିନୋସା ବ୍ୟାକ୍ଟେରିୟଲ୍ ଇନଫେକ୍ସନ୍ କାରଣରୁ ମଧ୍ୟ ୟୁରିନର ରଙ୍ଗ ନୀଳ , ସବୁଜ ଏବଂ ବାଇଗଣୀ ରଙ୍ଗର ଦେଖାଯାଏ । ତେବେ ଆପଣଙ୍କ ପରିଶ୍ରାର ରଙ୍ଗରେ ଯଦି ଲଗାତାର ପରିବର୍ତ୍ତନ ଦେଖାଯାଉଛି ତେବେ ବିଳମ୍ବ ନ କରି ଡାକ୍ତରଙ୍କ ସହ ପରାମର୍ଶ କରନ୍ତୁ ଏବଂ ସୁସ୍ଥ ରୁହନ୍ତୁ ।