ଏମରଜେନ୍ସି ଫିଲ୍ମ ଦେଖିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ
Rasmita Behera
ବହୁ ପ୍ରତିକ୍ଷା ପରେ ରିଲିଜ୍ ହୋଇଛି କଙ୍ଗନା ରାନାୱତଙ୍କ ଫିଲ୍ମ ଏମରଜେନ୍ସି । ବହୁ ବିବାଦ ପରେ ରିଲିଜ୍ ହୋଇଛି ଏମରଜେନ୍ସି । ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ହଲ୍ ଯାଇ ଫିଲ୍ମ ଏମରଜେନ୍ସି ଦେଖିଛନ୍ତି । ଏମରଜେନ୍ସିରେ କଙ୍ଗନାଙ୍କ ଅଭିନୟକୁ ଖୁବ୍ ତାରିଫ କରିଛନ୍ତି ଫଡନାଭିସ୍ । ଫଡନାଭିସ୍ କହିଛନ୍ତି ଖୁବ୍ ଚମତ୍କାର ଅଭିନୟ କରିଛନ୍ତି କଙ୍ଗନା । ତେବେ ବିଶେଷ କରି ଏମରଜେନ୍ସି ଫିଲ୍ମଟି ପୂର୍ବ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଉପରେ ଆଧାରିତ । ଆଉ ଇନ୍ଦିରା ଗାନ୍ଧୀଙ୍କ ଚରିତ୍ରରେ ଅଭିନୟ କରିଛନ୍ତି କଙ୍ଗନା । ମୁଖ୍ୟମନ୍ତ୍ରୀ ଫଡନାଭିସ୍ ଙ୍କ ପାଇଁ ଫିଲ୍ମ ଏମରଜେନ୍ସି ସ୍ବତସ୍ତ୍ର ସ୍କ୍ରିନିଂ ରଖିଥିଲେ ଅଭିନେତ୍ରୀ କଙ୍ଗନା । ଫିଲ୍ମ ଦେଖିବା ପରେ ସିଏମ ମିଡିଆରେ କହିଥିଲେ କଙ୍ଗନାଙ୍କ ଫିଲ୍ମ ଏବଂ ତାଙ୍କ ଅଭିନୟ ଖୁବ୍ ପସନ୍ଦ ଆସିଲା । ଏହା ଆମ ଦେଶର ଇତିହାସର ର ଏପରି ଏକ ଅଧ୍ୟାୟ ଯେଉଁଥିରେ ମୌଳିକ ଅଧିକାର କ୍ଷୁର୍ଣ୍ଣ ହୋଇଥିଲା । ଭାରତର ସମ୍ବିଧାନକୁ ବନ୍ଦ କରିଦିଆଯାଇଥିଲା । ଲକ୍ଷ ଲକ୍ଷ ନେତାଙ୍କୁ ୨-୨ ବର୍ଷ ଜେଲ ହୋଇଥିଲା । ଯେଉଁଭାବରେ ଲୋକଙ୍କ ସହ ଅତ୍ୟାଚାର ହୋଇଥିଲା ଏହାର ସମସ୍ତ ଘଟଣାକୁ ପ୍ରଭାବୀ ଢଙ୍ଗରେ ଫିଲ୍ମରେ ପରିବେଷଣ କରାଯାଇଛି । କଙ୍ଗନା ଯେଉଁ ଭାବରେ ସ୍ବର୍ଗୀୟ ପିଏମ ଇନ୍ଦିରା ଗାନ୍ଧୀଙ୍କ ଅଭିନୟ ନିଖୁଣ ଭାବେ ନିଭାଇଛନ୍ତି ସେଥିପାଇଁ ତାଙ୍କୁ ଧନ୍ୟବାଦ ଦେବାକୁ ଚାହୁଁଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ।
